ماظل حيل يحمل مصايب تعب قهر ولاحلم صايب
منار : فتحت الباب وكعت عينه بعيني الغركانه دموع
لحظات وگلت
_ تفضل
عمر: اعتذر عالازعاج بس ردت الوالد اسأله شكم سؤال موجود ان شاءلله
الدموع متجمعه بعيني راساً نزلت
_ حاليا محد موجود
_اسف لو ضوجج كلامي بس ردت أسأل انا جاركم الجديد وردت اسحب مولد
_ روح اسأل غير ناس
سديت الباب وطبيت وانا روحي محتركه على ابوي شكله ابوي مايكدر يكوم ربي فدوه صحي وخليكوم على حيله ربي ماعندي غيره فدوه صعبه عليه اكول للناس ابويه عاجز وانا امشي واتباها بي
البيت فارغ وبس انا بي كلشوي ادخل على ابوي على حطته يفز مرعوب ويرجع ينام وبقيت انطي علاجه بأنتظام
كلما اطلع اذب زباله لو انضف باب الشارع الولد نفسه مقابيل بيتنه واكف
مااهتم وادخل
للعصر واجت بيبي
شافت ابوي ورجعت كعدت بالهول صاحت على امي
_ تعاي احاجيج
_ احجي
_ شوفي مشيت بمعاملة ابني راح اطلعه تقاعد احسن مايفصلوا الاجايز ماتفيد
_ وشعليه انا
_ خايبه وجع كون جا انا كتلج عليج
بس المكافأت والراتب المقدمه كلهن يبقن يمي يصحى ابني وانطي
_ هااا هنا الحجي واحنه شناكل شنشرب
_ جا توج تكولين شعليه
_ ماافهمت السالفه بس الرواتب تبقا هنا مصرف للبيت وجهاله
_ ابنج بطولج شغلي عود ذني اضمهن اعالج بيهن ابني احسن مايموت
_ خليصحا ابنج والله كريم
طلعت بيبي وبقيت افكر بكلامها والله وراح نتيه بويه اكعد والله راح نتبهذل
_______________________
عمر : عفت كلشي وبقيت كاعد اراقب بيهم بس اروح للدوام وارجع حاطهم براسي كلش اراقب ادق التفاصيل ومنتظر فرصه بس يطول حديثي ويابتهم
احاول اروحلهم من اتأكد محد بالبيت حتى تطلعلي هي ادري بأبوها وضعه موزين وذاك جلب بس نايم
انا الكم شيخلصكم من حقد عمر
راجع من دوامي الساعه ٢ الظهر وشفتها ذبت الزباله رادت تدخل
_ بس بلا زحمه شوي من وقتج
_ نعم
_ بس حبيت اعرف الولد شوضعه سمعت واكع
_ الحمدلله على كل حال ادعيله بس يكوم على حيله
أنت تقرأ
غلطة منار
General Fictionهناك فتاة وكأن المصائب لا تعرف غيرها ، اصبحت ضحية كل نفس دنيئه وحياة تعيسه لا ملجأ لها ولكن اغلب الاحيان الانسان يكون السبب في تدمير نفسه وعواطفه تسيطر عليه يصبح الانسان حقير اتجاه نفسه قصه واقعيه في حياتنا والكثير في المجتمع يمر بنفس المواق...
