حتى الهوى يخنك ماظن يوم نرتاح
منار : ضحكت اخذت الاغراض توني اريد ادخل وجان اسمع صوت حسام يصيح
_ هااا ولجج شتسووويين
_ ذبيت زباله
_ زباله هاا بعدها بيدج شلون ذبيتيها بلا
_ يوو نززتنيي حتى ماعرفت احجي اقصد راح اذبهااا
فتحت الباب اباوع ماكو رايح ذبيت العلاكه بالزباله وانا الفضول موتني شجايبلي خرب روحك حسام هسه وقتك تطلع ولاتخلون واحد يتنفس
دخلت للبيت صاح اريد اكل
_ اكلك شو انت تاكل وتنام ماتفكر منو يجيب منو يحط
_ شعليه
_ شعليك ها
عفته ورحت للمطبخ بس احجي شي ادري بروحي انكتل خلسكت احسلي وحتى ابوي ماكو حميتله الغده وصبيته خليته بالهول رحت للغرفه قفلتها وطلعت التليفون
_ باع حظي توني اريد ادخل وطلع بوجهي حسام ضطريت اذب العلاكه بالزباله
بنفس اللحظه شاف الرساله شكد احب اهتمامه بالمحادثه
_ هههههه همزين حاطها بعلاكه سوده
_ اي والله ضجت وصار عندي فضول اعرف شنو نوب هسه تجي البلديه تاخذ الحاويه
_ هاا هسه طالع اطلعها من الحاويه خومابيها شي حاويتكم
_ هي حاويه بعد شبيها اكيد زباله
_ اقصد ماي وهيج تتلف العلاكه اذا متلفه تلعب نفسي ماطلعها
_ لا ماكو انا كله علاليك اذب
_ خوش رايح بلا
طلعت من الغرفه ولمحت حسام يريد يطلع لزمت كلبي بيدي خفت يشوفه يم الحاويه كبل يشك يمه شسويي
_ حسساااام
_ وجع
_ شوف تعال اكلك
_ وخريي
ماسمع مني ورأسا طلع فتح الباب يباوع يمنى يسرى متت خوف وبقيت ارجف اكيد هسه يشوفه اكيد هسه انا شحجاانييي خربب شسوييي يالله
دخل وسد الباب طبيعي يعني الحمدلله ماشافه لعد وين راح لو ماطلع المهم ماشافه
_ شبيج وجهج ااصفر
_ مابيه شي
رحت شلت المواعين ودخلت للمطبخ اريد اغسلهن
واكفلي اباب المطبخ ويباوع بنظره غريبه اول مره اشوفه هيج يباوع
_ شبييكك
_ مابيه شي
يحجي ومبتسم ابتسامه خبيثه مثله ماانكر مااخفت بس تظاهرت القوه
أنت تقرأ
غلطة منار
General Fictionهناك فتاة وكأن المصائب لا تعرف غيرها ، اصبحت ضحية كل نفس دنيئه وحياة تعيسه لا ملجأ لها ولكن اغلب الاحيان الانسان يكون السبب في تدمير نفسه وعواطفه تسيطر عليه يصبح الانسان حقير اتجاه نفسه قصه واقعيه في حياتنا والكثير في المجتمع يمر بنفس المواق...
