يادنـيا شيـخلصج تعبتي حالـي
غريبه واحس بس الگبر مالـي 🥀
عمر : شفت المنظر راحت روحي رجلي ماتساعدني اتقدم المكان عباره عن دم وجهه شاحب واصفر جمدانه بمكانها تقدمت رجلي ترجف وكوه اخطي الخطوه واحاول اجذب عيني لا ماتريد تصدك امانة امي هاي
عنود حبيبتي اجيتج باباتي كومي كومي يلا كومي اخذج اشتريلج شنو ردتي اخر مره ها احجيلي
عنود احجي لاتمقلبيني حتى اراضيج كومي اصلا انا مااحاجيج كومي يلا عنود عنودشلتها وانا ايدي وكل جسمي يرجف احاول اوصل للسياره بكل مااعندي قوه امشي
_ ها شبيها نوب ماكافي مصايب بليتونه بلوه
ماجاوبته بقيت امشي وانا اردد هسه هسه تكعدين مابيج شي مو
صعدتها وره ورجعت صعدت شخطت السياره ومشيت بكل مابيها سرعه اريد بس اوصل للمستشفى
وصلت وشلتها ورحت اركض بالمستشفى
عقلي وكف شسسوي مااعرف ماريد اخسر اختي اريد اخذ حقها وهي موجوده لا ياالله لاتختبرني هيج ربي مالي غيرها_ انت شتصير من البنيه ؟
_ ااخوها اخوها كلي دكتور كلي خومابيها شي كلي عايشه مو
_ للاسف البقيه بحياتك الدم ماباقي بجسمها وماكدرنه نلحك عليها وصلت گلبها واكف ترحملها
_ ششنو تحجي دكتور شنوو واكفف لا دكتور سوي شي لاتخليها تموت دكتور لاتخليها تموت لاا
لاعنود لا ماتروح ماتروح هي واعدتني نبقا سوه اختي ماتروح
منو ينتظرني ارجع من الشغل منو تجيني تاخذ فلوس منو منو ولكم لاااا اختيي ماتموتت هي واعدتنييي ايي مااتروحح ولكم ماالي غيرهااا سووا شي لاتبااوعوون سوو شيي ولكم مالي غيرها بس هي من بعد اميي ولكم امانة امي هااي يمه ماكدرت احافظ عليها يمه صار النهار وانا مامستوعب الكاعد يصير هسه تجي وتكلي خلنروح نشتري هسه تجي ماتروح اي ماتروح________________________
منار : كلش فرحانه مااصدك راح تجي المدرسه وادرس هيج بكل ماابيه حتى اطلع شي ممتاز واخيرا راح احظر سوالف المدرسه يمكن انا البنيه الوحيده تحب الدراسه هلكد احبها احبها مو لان اريد اكمل واخلص لا انا احبها احب ادرس احب اكون متميزه وكلها تعرفني بالمدرسه ومااسولف فرحتي من بابا كال العصر نطلع نشتري ملابس مدرسه
بدلت وكملت ومنتظره بابا يكعد ونروح وطبعا امي ماجايزه مني كلساع وسممت بدني بكلمه بس ميخالف الله يهديها صارت ب ٣ ونص خلكعد بابا حتى نطلع على مايصحصح ويبدل تصير ب٤ ونطلع
_ بابا كوم يلاا تأخرنه كافي نام بالليل هميلا نروح
_ ولج منار انعس بس شوي وخري خلنام
أنت تقرأ
غلطة منار
General Fictionهناك فتاة وكأن المصائب لا تعرف غيرها ، اصبحت ضحية كل نفس دنيئه وحياة تعيسه لا ملجأ لها ولكن اغلب الاحيان الانسان يكون السبب في تدمير نفسه وعواطفه تسيطر عليه يصبح الانسان حقير اتجاه نفسه قصه واقعيه في حياتنا والكثير في المجتمع يمر بنفس المواق...