ناخذ سيلفي و نترك بصمة

تأخر الموت فتفرقنا

وعود تروح و ترجع في بالي مستحيل,وين يا فرح هذي الوعود وين مارح نفترق للموت,غلطة منج سببت مشكلة مع غلا أنا شو ذنبي,خلنا نرجع للصف السادس في الفسحة انا ما احب تجمع الناس اقعد بروحي و آكل الأكل الي سوته لي أمي و فـ كل لقمة غصة في قلبي أحاول اهدي نفسي و كأني احس شي رح يصير, راحت عندي و قالت منافقة و قعدت تقول كلام ماله داعي مثل راح تدخلوا نار جهنم طبعا غلا ما سكتت ردت بس نحن هديناها لأن نحن نعرفها ما تسكت عن حقها ولا حق ربيعتها و انا في بالي اسال لو ما هديناها شو كان بيصير فيها..سكت لأني ما أبا اكبر الموضوع كنت اشوفها وحدة مب بوعيها,طنشتها بعدين بدت تقول قصيدة خذيناها فدرس في العربي "اداري السفيه و لا اغضب و يهذي المسيئة فلا اعتب"و كانت تتكلم بأذني,قلت لها توكلي عني,قالت لي اختي التؤام : هذي شفيها رديت ما ادري,و كل يو على هالموال تسب و تقول لي انا و ربعي كلام لي يوم يات لي و قالت منافقة, لين ما وصل الموضوع في حصة اللغة الإنجليزي سبت ربيعيتي و قالت منو قط لج عظم الكل انصدم منها, وراحت تتكلم عنا عند الأستاذ , و هنا تدخلنا قلنا لها خير تتكلمي عنا و تسوي يمظلومة نسيتي شو سويتي فينا, بدأت تصارخ بشكل هستيري و كأنها مظلومة و تبكي لدرجة ان الأستاذ خاف , انا معروفة اني ما اسكت عن حقي , و ما اسكت عن أي حد تكلم عني , رحنا لـ ابلة رياضات و نحن ماسكين دموعنا , خبرناها بكل التفاصيل و قلنا لها عن مشاعرنا , المعلمة انصدمت و هي تقول متأكدين انها فرح قلنا هي اكيد قالت ما توقعت منها مو معقولة كل هذا منها, رجعنا من عند المعلمة و رحنا الصف , قالت لي بدور ميرة ارجعي صديقتها و هي زعلانة كل يوم تبكي , قلت لها مستحيل و مشاعري و مشاعر ربعي الي تعكرت وين تروح و هي سوت كل ها و تبا نسامحها, قالت لي انا شو سويت و قلت لها راجعي نفسج و اعرفي أصلا ليج ما صرت ربيعتج انتي الي تخليتي, و قعدت تترجاني و قلت لها على فكرة خبرت عليج ابلة رياضيات و هي حتى ما توقعت انج تسوين كذا , بدأت تضربني و تصارخ تقول شوهتي سمعتي,قلت روحي عني بعدين ما قلت الا الصدق 

و عن خيبتي في الحياة و الناس:

ليت الزمن يرجع و يعيد و اعرف ان مب كل فرح نفسها

يعلمني عن الصداقة الحقيقية

منك يا زمن تعلمت

تعلمت الاسامي مب بمعانيها و ذوقتني الفراق

وفحيرتي ما ادري اعاتب الزمن الي لا علمني و لا فرح و الفراق

كذبوا و قالوا لما تكبروا بتعرفوا حقيقة الناس

هذاني صغيرة بعدي و ذقت الفراق و شفت منها