كالعادة الدراما ورانا ورانا في حصة الإنجليزي و مع نفس الطالبة و الأستاذ لاكن في سنة يديدة,هالسنة كانت المشكلة شوي اخف بس تضحك اكثر من المشكلة الي قبل , طبعا الي يدرسنا أستاذ هندي فـ الإنجليزي عنده مشوه و كل البنات يضحكوا على طريقة كلامه, و نفس أي يوم عادي و الأستاذ يشرح الدرس علياء تقص الورق الأستاذ عصب قال لها هدي(اتركي) المقص من ايدج علياء هدته شوي عقب رجعت تقص الأوراق مرة ثانية الأستاذ عينه صارت تطلع شرار من العصبية خذ المقصه و عقه(رماه) في الزبالة و تم يتحلطم و يقول ار يو كويين( هل انتي ملكة ) و ليش ما تنتبهين معاي في الحصة و من هالكلام طبعا اذا في حد معصب و يتكلم لازم الكل يسكت و يحترمه لاكن هالشي مب موجود في قاموسنا انا و ربعي نطالع بعض و نضحك الضحك الصامت و منفجرين في داخلنا, هالمواقف الي تصير في حصة الإنجليزي ما ننساها و كل ما نتذكرها نموت من الضحك و نسأل علياء كيف عندها الجرأة تسوي كذا في الحصص.
أنت تقرأ
ناخذ سيلفي و نترك بصمة
Non-Fictionطبعا هذي اول مرة نسوي رواية و ان شاءالله قريب بتكون رواية مطبوعة..الرواية بتتكلم عن الاشياء الي تصير بينا في المدرسة و الحياة و هذي الرواية اماراتية..انجوي
