ناخذ سيلفي و نترك بصمة

دراما في حصة العربي

هيام و ما ادراك ما هيام, هذي انسانة تحب الضحك و الوناسة و تعشق الرسم و الانمي الصراحة هي الانسانة الي فاهمة الحياة صح تحب انمي و الرسم جوها نفس جوي , بس الله يهديها الشي الي مخرب عليها انها تكبر الأمور يعني اكبر مثال الحين السالفة الي صارت بقولها لكم, كانت عندنا حصة كتابة نص سردي حزين بعض البنات كتبوا عن فقدان عزيز و البعض كتبوا عن غدر الأصدقاء و البعض كتبوا عن حيواناتهم الي توفت, لاكن هيام كتبت عن تنمر طالبات لها و بنفس الوقت وفاة جدتها و في بنت قالت انها تقصدني و صارت هيام تبكي و تصارخ تقول انا ما قصدتج وهي صادقة ما قالت منو هم االبنات بس هالبنت قالت كذا , بعدين غلا تذكرت أهلها تمت تصارخ و طلعت من الحصة بدون استأذان انا خفت من تصرف غلا ركضت للمعلمة و قلت لها بروح اشوف غلا و سمحت لي اروح , قلت لها ليش سويتي كذا ما ردت و راحت تركض صوب الإدارة قلت لها وقفي شو تسوي قالت بشتكي عليها , حاولت اقنعها توقف بس ما سمعت و ما عرف شو صار بعدين بس المعلمة نادتها عشان تعرف ليش اشتكت عليها و راحت غلا تتأسف منها.