📍LINSTEAD📍
MONDAY|MAY 9|11:30PM
Mi nuh get how smaddy cyah fuck up so, imagine Lexi sen man fi mi a mi owna yaad, now mi affi go move again and change mi phone caz dem hack e.
Only hope dem nuh find Toya location, mi nuh wah drag har ina dis, still cyah believe she kiss mi dawg.
Right now, a one a mi enz mi deh a sleep tonight wid mi uncle and keep a low profile cah man a look fimmie, ova fuckry weh mi coulda avoid.
Mumz tell mi ino seh lowe dah gyal deh and mi still pursue har, e worst ting a seh a she cheat mek we leff ino, like e wul family fuck up caz a same so e bwoy Rico try tek mi 3 points and tun e roun and mek e look like a did mi wrong.
Mi ave AJ dem a deal wid e stillz, a Toya mi a worry bout caz Lexi done know bout har ino, jah. A which church mi shit ina mek mi one salt so.
As mi turn ina di bed smaddy knock pon di door, a who dis now.
"Tino" my uncle called out to mi, him sound serious like him have news fimmie.
"Yo" I answered getting up and opening the door.
"Aj deh pon e phone" he said handing me the phone.
"Yo?"
"We find e boy dem, dem deh a base" he said
"Find Lexi?"
"no ino" he answered and I kissed my teeth.
"Ah keep dem deh mah lay low fi a while" I told him and he sighed.
"Aight den"
"Mah seh yuh to wah girl, wah yuh keep yuh eye pon har mk sure Lexi nuh try nun stupid" I told him referring to Toya.
"Which part dat" he asked and mi tell him weh him fi go and tell her seh she cyah hear from mi fi e rest a e week and I hung up.
"Uncle see e phone yah" I called out to him and him come fi it.
"Weh him a seh?" he asked
"Seh dem find dem" I told him and he nodded.
"So yah go do?"
"Lay low til saturday, den mi go mek a statement, nuh pussy nuffi fuck round mi ting" I told him.
"Ah jus mind weh yah do" he told me walking off. Uncle Preston a big church man but him know fi hold tings down fimmie and a das why mi rate him.
Just talk mah talk to dem and send dem back wid a warning, a Rico boy dem but mi nuh feel like him know wah Lexi up to. Even tho him wah mi drop out him nuh have time fi Lexi foolishness, so a good as all lie e gyal tell mek him sen dem.
.....................................................................
📍HALF WAY TREE📍
FRIDAY|MAY 13|2:00PM
"Hear weh yah go tell Rico" I announced to Rico's 5 pussyole dem weh try tek mi out Monday night.
Mi look pon all a dem coldly, dem face blood and ting neva did a go kill dem caz a Lexi fault but dem fi know betta dan fuck wid mi.
"Tell him seh before him sen him man dem, him fi find out wah dem a go bout yere."
Apparently Lexi jus seh she wah some man fi go in pon wah boy weh put him pon har and him sen 5 man, not even question wah really happen. Slackness dat, and den e likkle ediat dem not even report back to him or nun bout wah Lexi wah dem do.
YOU ARE READING
CHANGES
RomanceToya Know seh mi neva wah nobody doh jus focus pon mi business and further mi self, but dah boy yah jus come and tek ova mi brain so. Call it yam but di doll in love yah sah. Di bwoy CHANGE mi. Tino Eva ere seh a badman in love? not even did know s...
