مَوُطنْ

6

دخل وشافها وانصعق من الحمر التفتت له وقالت: شفيك تطالعني كذا؟؟
استوعب وقال: هاه لا لا ولا شي
جلس قدامها وقالت: متى الزواج؟؟
مازن: براحتك
ميار: اممم احس بعد شهرين
مازن: طيب
جا صمت لمده دقيقه كذا وضحكت ميار
التفت لها وقال: وش فيك؟؟
ميار بضحك: ههه ولا شي بس اشكالنا تضحك
ابتسم لها وقال: دوم
ميار باستغراب: بسألك سؤال
مازن: وشو؟
ميار قربت وحطت يدها على الجرح الي بوجهه: من ايش ذا؟؟
اخجل مازن حركتها ونزل راسه وقال: ولا شي
ميار: كيف ولا شي شفه قاطع وجهك قطع وتقول ولا شي؟؟ تستهبل؟؟
قاطعهم دخول حمد وعلي وسعيد يباركون لهم
سعيد: مبروك مبروك
حمد: منك المال ومنها العيال
ميار بهمس: عيال انشاء الله لا انا يالله اتحمله هو اجيب منه عيال
سمعها مازن وضحك
التفتو له وقال حمد: وشفيك؟؟
كمل مازن يضحك
علي باستغراب: الولد انجن
سعيد بحده: ولد وش فيك
سكت مازن يمسك ضحكته وقال: سلامتكم
قامو وسلموا على ميار بذا الترتيب: سعيد و حمد و علي وبعدين دخل سيف وبعدها مازن
سلموا عليها وجا دور مازن ووقف مصنم بدون حركه
طالعت فيه وقالت في نفسها: يا ربي وش فيه ذا مصنم
طالعت فيه سعيد وطالع سعيد في مازن وقاله: هييه انت سلم
التفت مازن لجده وقال بنفسه: بسم الله سوها عشان خاطر امك
سلم عليها خدادي والتقى خده الخشن بخدها الناعم الحريري وقبل جبينها وطلع
اما هي وقفت بصدمه لما قبل جبينها وطلع كانت متوقعه سلام خدادي وبس
طلعت وراه وجلست معى البنات تعلمهم
تنهدت مها براحه لانها قالت لمازن يقبل جبينها
انتهت الخطوبه على خير وطلعوا البنات لغرفهم بعد م نظفوا وساعدوا مها الا ضحى الي تكفلت بتنضيف قسم الرجال وطولت
اما العيال طلعوا الحوش يسولفون مع فلاح وانبسطوا معه
سيف: تصدق اول م شفتك كنت احسبك نفسيه
فلاح: انا متناقض يوم نفسيه ويوم اضحك ويوم على حسب
مازن: شرايكم نلعب بلوت؟؟
طارق: تم
سيف تممم بروح اجيبه
فلاح: بلعب بس ابي دوره المياه لا هنتوا وين هي
مازن: امش قدام ولف يمين وتلقاها
قان فلاح يروح دوره المياه
دخل قسم الرجال وسمع صوت بنت تقول: الله يلعن امها حاله طالعين فوق ومخلين عمتهم تنضف هنا قليلات ادب
دخل وشاف اجمل مخلوقات الكون بالنسبه له كانت بنت لافه شعرها فوق بشباصه ولابسه بجامه عاديه عليها صوره دبَّ وكانت مسويه ميكب وما مسحته وقف مكانه مصنم الي رفعت راسها وقالت: يمهههه مين انتت؟؟
صد فلاح وقال: اسف وربي م كنت ادري
ضحى : خلاص انت صد وانا بطلع
فلاح: طيب
ضحى طلعت ووقفت ورا الباب وقالت: مين انت؟
فلاح: انت فلاح
ضحى بسخريه: واو فلاح عرفتك تصدق غبي انت فيه مليون واحد اسمه فلاح
ضحك فلاح وقال: معليش انا ولد الرجال الي دخل بنتك يوم كانت ضايعه تتذكرين؟
ضحى: اهااا تمام شكرا وطلعت
طلع فلاح وهو يحلف انها اخذت عقله وقلبه معها جلس يلعب معهم وباله معها
دخلت ضحى وهي نست السالفه من اول دقيقه فتحت باب الغرفه وشافت دانه نايمه عندهم وسجى بعد نايمه اما ميار كانت لابسه سماعه وعلى ايبادها تتابع مسلسل تركي وتبكي
راح لها ضحى وقالت: عسى م شر وشفيك؟؟
ميار بدموعها: تخيلي بموت تطلقوا فريد وسيران
ضحى: ي ليل باقي تتابعين ذا المسلسل الي يجيب الامراض العقليه حتى اسمه ناسيته
ميار: اسمه الطائر الرفراف بعدين لو سمحتي لا تسبين مسلسلي
قامت ضحى وهي تضحك عليها ونامت
اما ميار جلست تبكي على ابطال مسلسلها
قعدت شوي كذا ونامت
اليوم الثاني
الظهر
صحت دانه تحاول تصحيهم معها لاكنهم م استجابوا لفت شعرها باهمال وطلعت وشافت مافيه احد صاحي استغربت ودخلت داهل المطبخ وشافت مها تجهز الفطور:صباح الخير ي حبيبتي انتي
دانه: صباح النور خالتي
مها:م صحوا البنات
دانه: لا والله
مها: بروح اصحيهم انا بس بالله عليك انتبهي للقهوة لا تطفر
دانه هزت راسها باجاب: ابشري
طلعت مها تروح تصحي البنات لاكنها طولت
بدت دانه تسمع اصوات الرجال دليل انهم قاموا من نومهم
ناظرت القهوة وجلست تهوجس فيها
انفجعت من سمعت صوت خطوات شخص قريبه جدا ولا يمديها تهرب
:ي ولد.....
صنم مكانه لما شاف بنت م يعرفها لاكن تذكرها لما شاف شامتها الوحمه الي على رقبتها ضل ساهي فيها ثواني وصد وقال: اسف كنت احسب مافيه احد
اما دانه كانت واقفه جامده محلها من الخرشه وطلعت بهدوء
عرفت الي قدامها عرفت حب طفولتها عرفت ان الي قدامها طارق حبيب طفولتها كانت تحبه مره صحت من شعورها على صراخ مها وهي تقول: حسبي الله القهوه طفرت
ناظرت مها دانه وقالت دانه بفشله: اسفه والله دخل طارق وطلعت نسيتها
ابتسمت مها وقال: معليه خلاص بسوي وحده ثانيه
طلعت دانه من المطبخ وراحت للبنات وجلست على جوالها تنتظر البنات يصلون ويسولفون مع بعض
خلصوا البنات صلاه ونزلوا يفطرون مع مها
بعد الفطور
قامت دانه وقالت: تسلمون على الفطور الذيذ انا برجع الحين عزام ينتضرني
(تعريف بسيط)
مسفر: ابو دانه متوفي بحادث سير هو و زوجته
سلوى: ام دانه متوفيه مع زوجها بحادث سير
عزام: اخو دانه الكبير متزوج وعنده طفل سند دانه ويحب دانه ولا يرضى عليها
نوره: زوجه عزام طيبه طيبه جدا وعلى نياتها وفاهيه والكل يحبها ويحب فهاوتها
دانه: اكثر انسانه متأذيه بموت اهلها طيبوه جدا وتخب ميار وسحى وضحى وتعتبر ال سعيد عائلتها الثانيه
فيصل: ولد عزام عمره 5 سنين معطي للبيت جو ويحب عمته دانه
انتهى.
ودعوا دانه وراحت بيتها
دخلت بيتها وشافت فيصل يركض لها يبكي مشتاق لها
حضنته وقالت: ليه ي ماما لي شوفني جيت
فيصل ببرائه: اثتقت لث( اشتقت لك)
ضحكت من لهجته وسلمت على اخوها وزوجته
عزام: م توقعتك تجين بدري
دانه: مدري والله اشتقت لفصول
طلعت تاركتهم وراها وراحت غرفتها تفكر بطارق
بيت ال سعيد
ميار بحماس: عندي فكرههه
ضحى: وشي؟؟
ميار: ودي نشتري طراقيع ونلعب فيها
سجى: تم بس من وين
ضحى: اعتقد مازن يعرف وين تباع
التفتت ميار لسجى: قولي له
سجى رفعت حاجبينها: اقول تقلعي تراك خطيبته خليه يجيب لك وكملت: لو تنقلب السماء على الارض م بقوله
ميار: ليه
سجى: بكيفي
التفت ميار لضحى الي قالت: حتنى مالي دخل قولي له مالي حيل اقنعه
تنهدت ميار وراحت تنادي مازن وهي تشتمهم
رفعت صوتها تنادي سيف وجاها: نعم؟؟
ميار: نبي طراقيع انا والبنات
اشر سيف على مازن وقال: شفي خطيبك هناك خليه يجب لك
ميار: اوف منكم كلكم كملت تقول: خلاص ناده لي
دخل سيف المجلس ونادا مازن
مازن: خير
سيف: خطيبتك تبيك
انفجع مازن وقاعد يقول بنفسه: يا ليل شتبي ذا
دخل عندها وقالت: هاي
مازن: خير بغيتي شي
انصدمت ميار من اسلوبه وقالت: نبي طراقيع انا والبنات بحتفل فيها بخطوبتي
مازن: طيب؟؟
ميار: وشو طيب؟؟ ابيك تجيب لي
مازن: لا
ميار: ليه؟؟
مازن: بتوجعكم
ميار قربت وقالت: وش دخلك خايف من وش؟؟
مازن: خايف عليهم
ميار بأستغراب: منهم
مازن: عمتي وسجى يعني مين؟؟
سكتت وقالت: ضف وجهك
مازن : هاه
ميار صرخت: ضف وجهكككك
انصدم من صراخها وطلع ولا يدري وش سوا
________________________________
سلاموليي كيفكممم 👋🏻
طبعا ذا البارت يوم السب الي وعدتكم فيه ي حقين الواتباد
شفتوا مازن بوريكم فيه لا تشيلون هم بس مو الحين😉
وبس احوبكمممممم 🫦🫦
الكاتبه المبتدئه/ ميرو🫦