مَوُطنْ

11

دخلوا عند البنات يجلسون يكملون سوالفهم
//
\\
في مكان بعيد اول مره نزوره تحديدا مدينه الرياض
تأفف بعصبيه من تأخرت عليه اخته لبس نظاراته الشمسيه يحمي عينه من شمس الرياض الحارقه
مرت دقائق وجت اخته وبيدها اكياس تسوق كثيره
دخلت السياره حقت اخوها وهي تتنفس بتعب: اووف ي ربي وش ذا التعب حر وكتمههه
لف عليها بعصبيه وقال: ي شيخه تستهبلين انتي؟ قايله لي دقائق وبكون عندك اخرتها تلطعيني تحت الشموس ساعه ونص!!
لفت عليه بأبتسامه لطيفه وقالت: خلاص اخر مره كنت اشتري فستان لزواج ميارو
سكت من سمع اسمها وحرك سيارته ومشى طريقه وهو هادي يعكس الاعاصير و النيران الي داخله كان بيهاوش اخته على تأخيرها لاكن التواء لسانه من سمع اسمها
ريفان: هيه وش فيك انت ؟؟
صقر بعصبيه: خلاص اسكتي اسكتي
وقف عند باب بيتهم ونزل اخته وراح للاستراحه
دخلت ريفان للبيت وشافت امها جالسه
( تعريف بسيط)
خالد: الاب انسان هادي ومتفهم وعقلاني يكره العصبيه وعدم التفهم ويحب عائلته
صالحه: الام انسانه طيبه طيبه جدا نفس زوجها
صقر: البكر عمره 29 سنه انسان عصبي جدا ولا يتفاهم الا بالضرب ولكنه حنون على اخته واهله ولا اخد يدري من وين جاته ذي العصبيه لانه مو نفس اهله
ريفان: البنت الصغيره الدلوعه اخر العنقود عمرها 27 صديقه ميار واختها الي م جابتها امها و متوظفه بحكم انها تقول تبي تشغل نفسها من الطفش
.
صالحه: وين اخوك؟؟
ريفان نزلت اغراضها بتعب وقالت: مدري عنه مسوي معصب علي يعنني
خالد: لا حول ولا قوه الا بالله ي صقير و عصبيته
ريفان: مدري عنه لا ينكد علي يومي المهم يمه شفي فستاني
فتحت كيس من الاكياس وطلعت فستانها وقالت: ها ي يمه شرايك؟؟
صالحه: ياخذ العقللل بس احسه لل مناسبات الكبيره يعني زواج وكذا ليه شريتيه
ريفان تقدمت لامها بحماس وقالت: يووو م اغباني نسيت اعلمك تخيلي شفتي ميار انخطبت لولد عمها حمد ذاك مازن الغثيث وزواجه بعد بكره
صالحه بفرحهه: الله يتمم لهم انشاء الله غريبه م عزمتك ب الخطوبه والملكه
ريفان: قالت لي انهم سوو كل شي عائلي والخطبه والملكه مع بعض اما الزواج بيكون هنا وبتسوي زواج كبير وعزمتنا كلنا
صالحه بأبتسامه: الله يسعدهم وويوفقهم انشاء الله
قامت ريفان تجرب الملابس والاشياء الي شرتها بغرفتها ابتسمت لما قاس عليها الفستان فصخته وعلقته دخلت الحمام تعبي البانيو بالماء وبعدها نثرت عليه ورد احمر علقت روبها ودخلت تسترخي فيه
كانت هي وميار يحبون نفس الاشياء ومتشابهين بكللل شي
،
عند ميار
قامت من عندهم من سمعت صوت مازن ينادي راحت بسبب رفض ضحى وسجى الذهاب عنده راحت عنده وقالت: نعم؟ ايش تبغى؟
مازن: شوفي لي طريق ابي غرفتي بريح ساعتين كذا
ميار بصدمه:الان توك صاحي!
مازن بعصبيه: وش دخلك هااا؟؟ وش حاشرك؟؟ شوفي لي طريق وخليني ادخل
ميار بصراخ: هيي انا مو بيبي تصارخ علي تسمع ولا لا!
مازن: لاطالت وشمخت بعدد انتي ي الفصعونه تقولين لي م ارفع صوتي عليك تبطين عظم بس
ميار: الله ياخذك ي مازن ولا يوفقكك وحسبي الله على اليوم الي شفتك فيه
ناظرها بصدمه معقوله؟ معقوله تكرهه لذي الدرجه؟ معقوله اي كلمه يقولها بتدعي علي؟
ناظرها بجمود وقال: شوفي لي درب ويصير خير بعدها
دخلت داخل وهي ما كأنها مسويه شي دخلت وقالت:دندوسه غطي وجهك عشان عزرائيل بيدخل
غطت وجهاا دانه وتسترت وهي ميته ضحك من كلام ميار على مازن وضحى وسجى اسواء منها كانو طايحين يضحكونن
نادته بصوتها عشان يدخل لاكنه م رد راحت وقفت عند الباب وما لقته طلت براسها وشافته حرك سيارته يمشي مشت من الباب بدون اهتمام وقالت للبنات انه راح وكملوا سوالف وضحك
،
اما مازن تخطى الي صار وتذكر الكتاب الي بدرج السياره وقف عند مكان خالي ونزل فرشته وطرحها وحط مركى يتكي عليه يكمل قرائه الكتاب هو مو راعي كتب ولا يدانيها لاكن شاف المكتبه وجذبته الكتب الي داخل ولما دخل جذبه عنوان الكتاب الي يقراه وشراه كذا
قرا صفحات الكتاب بدون م يحس بالوقت كانت العناوين تجذبه جذب كانت العناوين:
(يَا ذات العًيْنَانْ العَذْبْه هَل تُرِدِينْ رُؤْيَه هَيْمًانِي بِكْ؟)
(اخحِ واَلْفْ اخِ مِنْ جَمَالِهَا)
وكان فيه كثير عناوين زي كذا
هز راسه مازن ورما الكتابه بالسياره وشل عفشه ورجع
كان الوقت ليل مافيه احد بالطريق الا سياره مازن
دخل البيت على الساعه2:30
شاف امه بالصاله تصلي صلاه الوتر وتدعي
دخل عليها وهي على نهايه صلاتها وراح وانسدح على فخوذها كانه طفل ضايع م يعرف وينه مسحت على راسه وتنهدت: شفيك ي يمه؟
مازن:ضايق صدري
مها بحزن: اسم الله عليك ي يمه لا تقول كذا مين مضيق صدرك؟؟
مازن:انه هنا المشكله معرف من ايش متضايق
مها: قوم قوم ي وليدي خذ لك ركعتين وفضفض لربك وبترتاح
هز راسه وقامت مها ووقف معها وقبّل راسها وقال:الله لا يحرمني
ابتسمت مها وقال: ولا يحرمني منك
راحت مها وراح مازن لدوره المياه عند المغاسل كان يتوضئ  وتفاجئ من الي فتحت باب الحمام
::
جالس فوق عماره مهجوره قديمه يناظر الطرق المزدحمه ولا كأن الوقت متأخر نفذ دخان سقارته وتنهد من التفكير قاطع هواجيسه وتفكيره اتصال امه تنهد ورد وقال: الو
صالحه: وينك و صقر؟
صقر ببرود: برا
صالحه: الوقت تأخر وخفت عليك لايكون صار فيك شي
صقر: لا م فيني شي اصلا شوي وجايكم
صالحه: طيب
سكر الخط ونزل من سطح العماره ورمى سقارته ودعس عليها وراح ركب سيارته متوجه للبيت
::
فتحت باب الحمام وهيه تفرك عينها اثر نعاسها شافت مازن واقف قدامها طنشته وغسلت يدها كانت بتروح لحد ما مسكها وقال بعصبيه: وشجابك هنا؟!
فلتت يدها وقالت: وش دخلك؟
مازن بعصبيه: تستهبلين؟؟ جايه ذا الحمام وعندكم حمام هناك!!
ميار: اوووف منك صدق وش تبي مني!
مازن: قولي لي وش جابكك؟
ميار:...
فلاش باك قبل دقايق
قامت ميار من النوم وتوجهت لدوره المياه الي بالغرفه حقت البنات فتحت الباب وكان مغلق
دقت الباب وسمعت صوت سجى تقول: انا هنا
تنهدت وراحت للحمام الثاني
انتهى
ميار بعد م قالت له : خلاص؟ ارتحت؟
مازن: كان كان انتظرتيها
ميار: مالي خلق
سحبت يدها وراحت ترجع الغرفه تنام
راح مازن يصلي الوتر ويدعي ربه
انتهى من الصلاه وتوجه لغرفته ينام
::
في اليوم الثاني
قامت من النوم متحمسه اشعه الشمس تخترق الشباك والهواء يداعب الستائر قامت بكل حماسها اخذت لها شاور على السريع وبدئت تحط ميكب على وجهها انتهت من كل شي لبست لبسها وعبايتها وحجابها وطلعت من الغرفه
فتحت جوالها تدور رقمه الي مسميته ب(عزرائيل) اتصلت عليه تنتظر الرد لاكن ماكان يرد ابدا بعد محاولات كثيره من عدم رده همست وقالت: اخر مره اذا اذا م رد بداهمه
اتصلت عليه تنتظره يرد

________________________________
سلامولييي كيفكمم👋🏻👋🏻
انشاء الله تكونون بخير
وهذا البارت 11 ونزلناه
اما البارت 12 ما بينزل ذا السبت بسبب اني مريضه
دعواتكم و بس
احوبكممممممممممم
الكاتبه المبتدئه : ميرو 🫦