مَوُطنْ

12

قام وهو منزعج من الاتصالات الي جاته فتح عينه وشاف الرقم كان مسميها بأسم(م) كان مسميها بحرف عرف انها هي وتنهد وقرر عدم الرد ورجع يكمل نومته
::
ميار: اوف اووف متى بيرد ذا
طلت براسها من الشباك شافتهم كلهم برا
والبيت فاضي ومافيه الا هي ومازن
ابتسمت ابتسامه جانبيه وتوجهت للغرفه حقته
فتحت الباب بكل قوتها وداهمته كانت تحسبه بينفجع او بيخاف لاكنه لا حس ولا خبر
راحت عنده تصحيه وقالت بهمس: مازن
مارد علينا كان غرقان بنومته ولا يدري عنها
همست مره ثانيه: مازن؟
مارد ايضا
كانت تهز فيه ولا تحرك ولا حس
حست بالخوف من عدم تحركه علت صوتها تقول: مازن بلا مزح قوم
ولا تحرك
حست بالخوف وركضت الحمام ملأت كوب بالماء مويه وركضت تكبه عليه
::
كانو تحت يفطرون مع السوالف والضحك
كانت سجى وامها متغطين بسبب وجود علي وسيف
نهض علي عشان مها تاخذ راحتها بالاكل وقال: الله يحفظكم
سعيد: على وين؟
علي: سلامتك والله فيه واحد من الرجال عازمني وبروح له
سعيد: الله معك
قام علي وطالع في سيف يأشر له يقوم معه عشان سجى ايضا تاخذ راحتها
اما سيف كان مندمج بالاكل يهوجس بالحضن الي حضنته سجى
اما سجى كانت تسولف مع ضحى وهي ناسيت السالفه
تتنح علي على الله يشوفه سيف
اما سيف مفهي
تقدم علي وسحب سيف وقال: تعال بكلمك شوي
سيف: شوي م شبعت
علي قام وسحب سيف
سعيد بعصبيه: علي خير خل الولد ياكل وش بلاك عليه!!
علي بترقيعه: ابيه بكلمه شوي
قام سيف ومشى مع ابوه
وصلوا لعند الباب
سيف: ها يبه وش بغي.....
قاطعه ضرب على مؤخره راسه من علي
علي بعصبيه: خير انشاء الله!! اشر لك من ساعه وانت مفهي ابيك تقوم عشان بنت عمك تاخذ راحتها
سيف وهو ماسك راسه بألم: اخخ طيب كان قلت لي وقمت
علي: اقول امش بي امش فشلتني
مشى سيف مع ابوه متوجهين للسياره
::
قام مفجوع من الماء البارد الي انسكب عليه
ناظر في الي كبت المويه
صرخ عليها وقال: مريضه انتي وش تكبين المويه!!
ميار: للمره المليون لا تصرخ علي
قالت بصوت مهزوز: الله ياخذك ي رب
مازن قام ووقف قدامها بعصبيه
صرخت في وجهه: ساعه اقوم فيك احسبك ميت اهزك واناديك م تستمع!!!
مازن ببرود: مهتمه انتي ووجهك اخلصي وش تبين
قالت: نسيت؟ اليوم بناخذ قطوتي وفيه اشغال ابي اشتريها
مازن: يليل ذي القطوه قلنا بناخذها بكره يوم العرس
ميار: لا خلاص م ابي هونت
مازن: اطلعي برا
مياربذهول: م بناخذها
مازن: يليل ذي الحماره اطلعي بألبس واجيك
ناظرت فيه كان عاري وما عليه الا شورت اسود
صدره مكشوف وعضلاته بارزه
هزت راسها بأحراج وخرجت تركض
ناظر فيها تركض وقال: بزر
سحب له ملابس داخليه وثوب لبس على السريع وتعطر واخذ مسبحته السوداء
مشط شعره وشنبهه وطلع
شافها واقفه تنتظر على جوالها وقال: يالله
مشى قدامها وهي خلفه
نزلو اسفل عندهم والقوا السلام
جلسو على الكنب ونطق حمد: على وين؟
مازن: بنطلع نشتري اغراض وكذا
مها: الله يحفظكم
طلعو من عندهم وتوجه كل واحد بسيارته
مازن: وين رايحه؟
ميار: انت الي وين رايح بنركب سيارتي
مازن: اقول امشي بس
ميار: والله م اركب سيارتك تبي اروح بسيارتك ذي؟
مازن: وش فيها سيارتي حلوه؟
ميار: sorry بس مستحيل اخلي صحبتي تشوفني في ذي السياره
مازن: وانا وشدخلني في " وهو يقلد نبره صوتها" صحبتي
اقول امشي بس
تقدمت ميار وقالت: نلعب حجره ورقه مقص والي يفوز نروح بسيارته
مازن: عن المبزره وامشي
ميار باستفزاز: خايف تخسر؟
مازن بأنفعال:تبطين عظم انا م اخسر
لعبو ثلاث جولات وفازت ميار
ضلت تنقز بفرحه وكأنها طفله
ابتسم وقال: امشي يلا ترا انا بسوق
ميار: اقول انقلع انا بسوق
تنهد من عنادها ووافق
دخلو السياره وبدأت تشغل اغاني اجنبيه وهي منطربه
كانت لابسه عبايه باللون الكحلي وشيله بيضاء على راسها وحاطه على وجهها كمامه
كانت ترقص وتتمايل على الاغاني وهي مبسوطه
اما مازن كان يناظر سيارتها الي كان فيها اشياء لطيفه باللون الازرق الهادي ومزينه بأشياء لطيفه جدا
قصر مازن على الصوت وقال: الحين بسألك
ميار:وشو؟
مازن: انتي تفهمين وش يطرطنون؟
ضحكت ميار وقالت وهي تهز راسها: افهم
مازن: كملي كملي غني معهم
ميار: عاد انت م تعرفني انا مضروبه مره عندي عشرين شخصيه
مازن: انا يالله يالله اتحملك تبين اتحمل العشرين الي معك!!
ضحكت ميار وقالت: الله يعينك
وصلوا الرياض تحديدا عند محل الحيوانات دخلو داخل
ميار: ي عم زكي
تقدم لهم رجل كان عمره يقارب مابين 60 او70
العم زكي: اهلا اهلا جيتي اكيد تاخذين بونجوك
ميار بأبتسامه: اكييد!!
دخل العم زكي يجيب بونجوك
مازن: تعرفينه؟
ميار: هذا صاحب المحل احط بونجوك عنده اذا سافرت انا وسيف وبابا
مازن بسخريه: وما لقيتي الا ذا الاسم شمعناته؟
ميار بانفعال: هيي حدك كل شي الا بونجوك خط احمررر وبعدين سميتها كذا لان لان معنى بونجوك باللغه التركيه ذات العين الزرقاء
وهي عيونها زرقاء فسميتها كذا
مازن: اهاا جبي ذي الونجوس مدري شسمها خليني نرجع
ميار بتسليك: ايه ايه بنرجع
دخل عليهم العم زكي ببونجوك الي كانت بالعلبه حقتها
نزلها على الطاوله
تقدمت لها ميار بلهفه وشوق وفتحت عنها القفص وطلعتها وحضنتها بكل قوتها اما بونجوك بادلتها الشوق نفسه وضلت متعلقه فيها
ميار: اخخخ اخ وحشتيني
رجعتها داخل القفص آخذت أغراضها وشرت لها امل وطلعت
ضل مازن يناظر القطو وهو وراه ويرجع قدام
وقفت ميار السياره عند كوفي تحت نظرات استغراب مازن
مازن: هماك قلتي بنرجع وش جايبنا هنا
فتحت ميار المرايه الي قدامه وضبطت كمامتها وطرحتها وقالت: بقابل صحبتي
مازن بعصبيه: تستهبلين صح؟ ورا م اخذتي رأيي؟؟
ميار: مازن بلا عباطه انزل بس شوي ونروح ومنها قلت لك باقي بشتري اغراض
مازن: لا يعني لا
ميار: شوف مازن اذا بتنكد علي بنزلك البيت او خذ اوبر وارجع
مازن: ي شيخه م احلاني منزل حرمِي هنا وراجع اقول حركي بس
ميار: مازن تكفى يلا شوف قلت لك تكفى وتكفى...
مازن: خلاص خلاص انزلي الشكوى لله
ضبط شماغه ونزل معاها بعد م تأكدت ميار من نوم بونجوك
دخلو الكوفي مع بعض وشافوه زحمه
مازن انسان يكره التجمعات والزحمه والضجيج والازعاج
ميار: الله شوف فيه طاوله هناك تعال نجلس
سحبته من يده وضل سرحان في يدها الي مشابكه يده
شاف الفرق الشاسع بينهم كانت يدها صغييرههه جدا وناعمه مقارنه بيده الي كانت ضخمه وخشنه جدا ضحك بخفوت وتلاشت ابتسامته بدون سبب وجلسو ينتظرون صديقه ميار و............
________________________________
سلاموليي كيفكم👋🏻👋🏻
انشاء الله انكم بخير
طبعا ادري اني قاطعه كل م زانت الجلسه اسحب عليكم ولي وجه اجي اكلمكم😘
لكن لكم ان تتخيلو انني في فتره اختبارات وتعبانه والشغف مفقود🥹
لاكن ابشرو بالعوض انشاء الله بعد م شفت تعليقاتكم قلت لاا لازم لكم اعتذار بس زعلت منكم لانكم تقولون لي اني مستفزه وتأخيري مستفز 😕
اما الحين عندكم سبب تأخيري واذا هاوشتوني بزعل عليكم وبقطع
لالا امزح معكم😜
انشاء الله يعجبكم الباررت ولا تنسون النجمه وعلقوا بتعليقاتكم الحلوه عشان اتحفز اكمل لكم
وبس باي
احوبكمممممم 💋
الكاتبه المبتدئه/ ميرو 🫦