مَوُطنْ

14

نزلت من السياره بهدوء تبي تنزل اغراضها وترجع تصحيهه
اخذت اكياسها ومشت جهه السياره بهدوء وكانت تحاول تصحيه
ماحست الا وفيه احد ضربها على راسها وفقدت الوعي
::
صرخ سيف بقوه بعد م طاحت ميار قدامه فاقده الوعي
فز مازن الي كان بالسياره نايم من سمع صراخ سيف الهستيري
ناظر مازن سيف وكانت بيده عصا عريضه وفي الارض كانت ميار طايحه بالارض
فز من السياره ونطت بونجوك بهلع من فزه مازن وهربت جوا السياره
قرب منها مازن يهزها ويقول: ميار ميار اصحي!
ماكان منها رد
بدا سيف يبكي بهستيريه ويقول بشكل متكرر: بالغلط احسبها حرامي بالغلط احسبها حرامي والله والله م اقصد
طلعو كل من في البيت على صراخ سيف
تقدم علي بهلع وشاف ميار مغمى عليها بالارض وشهق
اما الجد سعيد جالس يصارخ ويقول: البنت وش فيها من مسوي فيها كذا!!
اما سجى وضحى ومها كانوا يبكون
وحمد يقول: دقوا على الاسعاف دقوا
قام مازن وشاف مفتاح السياره باقي موجود بالسياره
دفع علي وسيف بقوه عنها وشالها وركبها بالخلف
ما امداه يسكر الباب الا نطق حمد: لاحول مو وقتك ي سيف
ناظر في سيف الي اغمى عليه وتنهد وقال بهمس: لعنه مو وقتك
سحب سيف وركبه قدام بجمبه وحرك السياره للمستشفى
اما حمد دخل سجى وضحى ومها داخل البيت عشان يروح مع علي وسعيد
::
عند مازن كان يسوق بكل سرعته وكل شوي يتلفت ورا على ميار الي مالها حس
ناظر في سيف ويقول: الله يلعن اصل العدو انت على طول تهبد اي احد براسه من يوم انت بزر محد فقش راسي الا انت ي غبي والحين اختك!

فلاش باك
يوم كانوا صغار
كانت ميار وسجى يلعبون بالدمى
اما سيف و طارق ومازن وسعد ولد جيرانهم القديم يلعبون كوره
كان سيف حارس المرمى ومازن وسعد فريق وطارق مع سيف فريق
كان سعد حارس
ومازن ضد طارق
تقدم مازن وهو يشوت الكوره على مرمى سيف وسجل مازن
صرخ سيف بقهر: لالا تسلل كذاب م يحتسب
طارق: ايوه صدق تسللت
مازن: اقول توكلوا انت وياه الهدف محتسب ومافيه تسلل
سعد: ما لقوا سالفه
مازن: امش امش بس خل نجلس
راح مازن وسعد يجلسون بالدكه مع ابائهم
طارق توجه لسيف بعصبيه: حمار انت م تعرف تصد!!
سيف: يبوي م شفت شوتاته تقول مدفع مو شوته!!
طارق: يقلع بليسك بنقعد نخسر دايم؟
سيف بابتسامه خبيثه: معليك معد بنخسر انشاء الله
توجه سيف عند المستودع وطارق خلفه ما يعرف نيه سيف
اخذ سيف عصا حديد صغيره وقال لطارق: يلا؟
طارق: وش بتسوي بتخلي العصا ذي تصد عنك؟
سيف دفعه مع كتفه وقال: ما تفهم انت انش معي بس
طارق: ورع!! لعد تدف لا اصفقكك تسمعع؟
سيف بتسليك: ايه ايه اسمع امش
اخذ سيف العصا وحطها ورا ضهره بحيث م يشوفها مازن وسعد
قرب منهم وقال: مازن
مازن: همم
سيف بابتسامه: تعال شوي ابيك
مازن: طيب
قام مازن من مكانه وراح مع طارق وسيف ورا المستودع وكانو سجى وميار موجودين قريب
مازن بملل: ها وش تبي.........
م امدانه يكمل كلامه الا وصفقه سيف على راسه وطاح يتألم ويصارخ
شهق طارق ونزل حده وجلس يهزه لاكن مازن ماهي الا ثواني واغمى علي وراسه ينزف
طيح العصا سيف وبدا يبكي بخوف على مازن
اما ميار وسجى سمعوا صراخ مازن وبكاء سيف وراحوا يشوفون وش السالفه
قربت ميار وشافت الدم ينزف من راس مازن وصرخت وبدات تبكي بقوه الين جاء علي وحمد وسعيد
قرب علي او واحد وشاف المنظر وصرخ وسحب ميار وسيف لحضنه وهم يبكون وخايفين
اما حمد شاف ولده مازن طايح وتوجه عنده وشاله وطلع برا يركب السياره يوديه المستشفى
اما الحد سعيد رجع للبيت وهو ماسك راسه بخوف
ورفع راسه وشاف منيره ومها وسعاد جالسين قدامه ومها تبكي على ولدها تبي تروح لاكن رفضوا ومنيره كانت خايفه وتهدي فيهم وسعاد كانت عاديه ولا كان شي صاير اما ضحى كانت جالسه وتناضر بصدمه
باليل
رجعوا حمد ومازن من المستشفى وكان الوقت متأخر جدا ولاكن بيت ال سعيد م جاه نوم
دخل مازن وراسه ملفوف بشاش وحمد وراه ومعه كيس ادويه
شافته مها وركضت تحضنه وهي تبكي بقوهه
انتهى حضن مها وتقدموا الكل يسلم على مازن يتطمنون عليه
جلس مازن يسولف معهم ويعلمهم وش صار بالمستشفى
قاطعهم دخول سيف وهو شابك يدينه بخوف وقلق وكأنه يبي يتكلم
شافه مازن وصد عنه لانه زعلان منه
تقدم سيف عند مازن وقال بهدوء: اسف
مازن: وفر اسفك ذا
سيف: خلاص اسف وش تبيني اسوي؟
مازن: همممم تعال معي
سيف: طيب
قام مازن وسيف وطلعوا برا
منيره:روحوا شفوا لا يضربه
قام علي ولحقهم
سعاد: وليه يضربه يعقب
منيره: مو وقتك ي سعاد مو وقتك
قامت سعاد بغضب
اما منيره تنهدت بحزن من تغير سعاد المفاجئ بعد ما كانت اطيب انسانه صارت اخبث انسانه(بنعرف بالبارتات الجايه ويمكن يكون لسعاد رجعه🔥🔥)
عند سيف ومازن
سيف: وش تبي؟
مازن: اسكت ولا كلمه
تقدموا لحوض النياق ونطق مازن: تنام فيه اليوم
سيف: ي شيخه افقش راسي بيدي ولا ادخل عندهم!
مازن: اختار عند النياق ولا الخرفان؟!
سيف: تكفى اذبحني علقني سو فييني الا تبي الا ذي
مازن: بتخلص ولا اقمعك براسك اخليك بغيبوبه؟
سيف: لا لا خلاص
دخل سيف حوض الخرفان افضل من النياق وما امداه يدهل الا ونطحته ماعز وطاح يتألم تحت ضحكات مازن القويه وقام وهو يتالم وعدا اليوم على خير.
انتهى
وصل مازن المستشفى ونزل ينادي الدكتوره الي قدامه: جبي حماله جبي حمالتين معنا مريضين
دخلت الدكتوره بسرعه تنادي الممرضين وماهي الا ثواني ووصلوا الممرضين ومعهم الحمالات والدكتوره
ناظرت الدكتوره ثوب مازن الي فيه دم وسالته: مين الي ينزف!!
مازن وهو صاد: البنت الي ورا
اشرت الدكتوره للممرض يشيل ميار قبل ما يصير شي لها
صرخ مازن من شاف الممرض قرب من ميار وقال: ابعددد عنهااا لا تلمسهاا!!
فز الممرض بخوف من شاف مقارنه الحجم بينه وبين مازن وقال: م.م سويت شي
مازن: لا تلمسها!
قرب مازن من الباب الخلفي وعقد حجاجه من شاف الدم قرب منها وشالها وحطها على الحماله وطالع في الدكتوره وقال: انتي عالجيها!
هزت راسها الدكتوره ومشت تسحب ميار
مشى مازن وراها بعد م تأكد من ان الممرضين اخذوا سيف وراه
دخلوا ميار الغرفه يفحصونها وقالت الدكتوره: يبي لها اشاعه
هز راسه مازن وشافهم ياخذونها وتوجه لغرفه سيف وشافه بدا يصحصح
راح عنده وقال سيف بصوت خافت: م قصدت وربي اني احسبها حرامي
وبدات دموعه تسيل
تقدم مازن عنده وقال: حصل خير وانا ادري انك م كنت تقصد ولا تبكي يلا امسح دموعك يلا
هز راسه سيف ومسح دموعه وقال: ابي اشوفها!
مازن: دخلوها اشاعه!
هز راسه سيف وجلس مازن عنده بصمت ينتظر ميار
بعد نص ساعه