جود بخوف أنهم يرفضون: احم انا ... انا
مشاعل بقلة صبر: ايه انتي وشبلاس ؟؟؟
جود جلست : اوههه المهم انا لقيت بيت مهجور ومبين أنه له سنينن متروك لحاله فا ابي نروح ناخذ فره عليه طلبتكم لاتردوني !!!!
ام فهد : لا والله مافي روحه انتو منجدكم بايعين أنفسكم البنت تقول بيت مهجوووووور تعرفي ايش يعني مهجور انتي وياها ؟
بدريه: ايه ايه يعني الي مستأجرينه جنون والعياذ بالله تكفون جوووووي هل اشياء ولا ويطلع جني فجأه واهه جوييييييييييييي
دلال : الله يشفيكم منجد انتي وياها مختممين كتاب المغامره اوفررر مغامراتكم مررره
بدريه : اي والله أصلن فارس ماحيوافق
فارس مد رأسه من خيمه من سمع اسمه : علااامكم وش جاب اسمي بمجلسكم الا فيه بلوا
مشاعل بسرعه علشان متسبقها بدريه: فارس تكفا احنا نبي نتمشا في بيت مهجور ونستكشفه بس
بدريه : لالا فارس مو منجدك إذا بتوافق
جود بدلعها الي يغصب الواحد يسمع لها : فروووووس تكفااا ترا انا الي ابي نروح نستكشف
فارس وضاعت علومه لاكن ثبت نفسه: ابشر بس بعد الغد
ماكمل كلمته الا ويسمع صراخ متعب: لاااااااااا يااازفت
فارس دخل جوا
وانصدم من شاف متعب ماسك ملعقه ويحرك وفيصل جالس على أرض ماسك رأسه وفهد يغسل رز
فارس : خييير شفيكم ؟؟؟
متعب: ابد سلامتك‚ بس فيصل زفت نسا النار عاليه واحترق البصل !!!
فيصل قام وقال بصراخ: طيبببب شصار يعني عادي أصلن حلات اكل اذا احترق بصل
فارس :خلاص انت وياه لابارك الله في عدوكم
فيصل قطع سلطه
وانت يا متعب لقم شاي
وانت يا فهد اخلص علي حشا ذا كله عشان رز
حط فهد رز بس طاحت كم حبه
وجا متعب ركض يحط صلصله بدون شور من منهم
وحطها كلها بس نصها راحت في وجه فهد الي كان يحط رز
فهد حط رز بستعجال ونزل صحن في ارض وطالع في متعب بنظرات وعيد اما متعب الي في حاله يرثا لها قال: صبر صبر بس بحطها كلها وحطها وسكر القدر وقال وهو مستعد يركض: حطو صفاره حقتها وبااااي وركض برا الخيمه وفهد وراه : والله لورريييكككك يا زفتتتت
متعب وهو يركض ويضحك وهذا اخيس انواع تعذيب : لاا لا هههههه تك هههه فااااا هههههههه طاح على أرض ولف من شاف وجه فهد مات ضحك أكثر: ههههههههههههه لعنبو حيك وش هاذا ههههههههههه
فهد مسح وجهه بكم ثوبه وقال بحده: مانبي نأخر الغدا بس والله حسابك بعدين
مشو للخيمه
فارس بصراخ: فيييييصل ويين زبااادي
فيصل وهو ميت حر وجالس يقطع خيار: كللللل تبننن احوللل انت تلقاه في كيس الأخضر الي عليه خطوط بيضا
فارس وهو يدور بس مالقا شيء: يا ورععع ماتفهم انت وييننههه
فهد : خير خير؟ علااامكم صوتكم واصل اخر دنيا؟؟
فارس وهو يتخصر: شوف زفت هاذا ناسي زبادي
فيصل وهو يتخصر: شف اخوك لا والله أطلعه جناز
قاطعهم صراخ متعب: رزززززز احترقققق
فارس بتنهيده: وهذا ماوظيفته غير الصراخ
متعب: كل تبن انا منقذكم
فيصل بهمس: امحق منقذ
حطو الغدا بعد تعب وحرب عالميه
مشاعل : اووه شكل ما عم يخليك تاكل ولا يهيأك
بدريه : صصح والله
متعب : اقولللل الي عاجبه ياكل والي مب عاحبه يذلف هاكو المطبخ عنده يشمر ذرعانه ويطبخ لنفسه
فهد: ايه وهو صادق
بدو يأكلون
ام فهد : ياعيني ياعيني على هل طبخ زيننن يسلم يدينكم
بدريه بمزح: اجل خلاص نعتمدكم في كل كشته
العيال بصوت واحد: لااااااااا
فهد: تكفين فكينا اليوم يا الله بلعتهم اخوانك
متعب : لاتكفا لاتبلعني عدال انا الي ميت عليك طس هناك
فهد بحده: ترا مانسيت ويأشر على عيونه !
متعب وهو يحاول يرقع: لا احنا اخوان احنا بيننا سنين مع بعض
ابو فهد: اسكت اسكت انت وياه وكلو
بدريه بترجي : جود تكفييين تعالي عند عصير صبي لهم حشا مايمدي ادخل لقمه
مشاعل: ايي حسوووو فيني دائما اقعد عند شاي ولا عصير واكل تبن
جود بدلت مع بدريه وكانت جنب فارس اخذت كوبه العصير كان فاضي وصبت له
فارس ابتسم وبدو ياكلون بهدوء
خلصو وقامو البنات عشان يرفعون الدنيا
دخلت مشاعل خيمه المطبخ وصرخت بصدمه: خيييييييير ؟؟؟ وشششش ذيييي الحوووسه ؟؟
دخلت دلال : ووووه لو شايفين المطبخ صدقوني مارح ناكل
كانت قدر ضغط مرميه في ارض وسطوانه ماطفوها
و الدجاج كان بقاياه موجوده
مشاعل بقرف: وعععووهه مين مستلمه المطبخ اليوم
جود بورطه : بنات احنا خوات نتشارك حلوه ومره
بدريه : اقول روحو من هنا مالي دخل انا!
دلال : والله عذر وسموحه بس بعد كبسه يبيلك نووومه
مشاعل : صراحتن هذول قليلات آدبب
جود بفرحه : يعني بتساعديني !!؟
مشاعل : صبر يابنت ‚ خليني اكمل بس انا ماني أقل منهم يعني علوني نفسش بنفسش سلااام وطلعو كلهم
دخل فارس وهو سمع كل شيء ابتسم وتكتف
جود بستغراب: نعم ؟ بغيت شيء؟
فارس : بساعدك بتنظيف
جود : لاااا ويننن ماله داعي ترا الأغراض قليله
فارس : يابنت الحلال انا حست نص دنيا والعيال لو تشرطين لهم ايش ماقامو
جود بأحراج: ياولد ماعلي
قاطعها: إن كان لي خاطر عندك والوقت ترا ضيق وغمز لها وقال: عشان نروح بيت المهجور الي تبينه
جود وعرف كيف يستغلها: خلاص خلاص مابردك يا الله خذ طشت وعبه مويه ونظف نص وانا نص
فارس شمر وربط ثوب على خصره وأخذ طشت وحط فيري وتايد وقام ينظف قدر والصينيه حقت دجاج
وجود كانت تنظف ارضيه يعني معها كيس وتجمع كياس الأكل وترميها وترتب الي ينظفه فارس
خلصو وابتسم وقال: تدرين ماحسيت بل وقت وخلصنا بدري هاذا تعاون
جود: يعطيك الف عافيه ماتقصر كلك خير وبركه!
فارس تكا على عامود الخيمه وقال بأبتسامه تذوب: طيب مادام ساعه ٢ سوي شاهي من يدينس ونطلع برا نسوي جلسه ونسولف
جود : افا عليك انت اطلع ٥ دقايق وتلقا شاي عندك
فارس خلاها براحتها: تمام يلا انتظرك برا وانا بحهز جلسه
طلع فارس برا وكانت خيمه الي يجلسون فيها بعيده شوي وجنبها بمسافه بيت شعر
أخذ فرشه من خيمه وحطها برا وحط مركه وكان جو غيم ويأخذ عقل
أما عند بنات في خيمه والعيال ببيت شعر نايمين وأبو فهد
عند بنات ..
دلال منسدحه وام فهد جنبها وبدريه ومشاعل جالسات يسولفون
بدريه : والله احس حزنت على جود مطبخ مرا حوسه !
مشاعل بسخرية: والله صدق ! طيب ليش ماعرضتي عليها انك تساعديها مدامها كاسره خاطرك ؟
بدريه : شسوي كنت مررره تعبانه ونوم فل بس الحين ارتحت شرايك نقوم ننظف معها ؟
مشاعل : حلوه ذي! بعد ايش حبيبتي الحين تلقيها نظفت دنيا
عند جود....
بعد ماطلع كان غالي المويه جهزت الأبريق وحطت كاسه سكر وحطت نعناع وحطت ٤ حبات هيل
وخلتهم يغلون وهي تناظر الأبريق
أما عند فارس جهز جلسه وجلس وأخذ عود وصار يرسم على تراب
بدريه ومشاعل قامو لأنه خيمه حر وطلعو برا راحو عند جود بس شافو جلسة فارس
مرو من عنده وقالت مشاعل: هلا والله شلي مجلسك هنا لحالك
فارس بابتسامه: هلا حياكم اقربو الحين جود تجيب شاهي الي يخدركم
جلسو معه وصارو يسولفون
عند جود غلى شاي وأخذت ٣ حبات لبتن مدري لفتن المهم وبعدها خدرته وحطته بصنيه وسمعت صوت بنات وحطت٥ كاسات وأخذت صحن وحطت فيه بساكيت منوعه الي جابها فهد بس مو كلها
اخذت صنيه وبل غصب فتحت باب خيمه
طلعت وشافتهم ابتسمت وحطت صنيه وجلست جنب فارس بس فاصل بينهم مركه
مشاعل بأعتذار: والله انك اجوديه ساحبين عليك ومسويه شاي كفو
جود وهي تصب لهم : والله اجودي اخوكم كفو ساعدني وهو سو جلسه وهو الي قال سوي شاي مب انتم يا رفلات سحبتم على
بدريه : اما عاد يعني مو عشان وجيهنا
فارس: حبيت ثقه الي عندكم
مشاعل وهي تفتح بسكوت: اي صح نخلص ونروح ع
ماكملت لأنه جا متعب وفهد وجلسو جنب مشاعل وتكو متعب وهو يأكل بسكوت: وين تروحون يا غدارين
فهد وهو يشرب شاهي : ايباااه من سوا شاي زين ذا
مشاعل : والله مادام عجب فهود اجل صبي لي
جود صبت لها مشاعل بصدمه: واهه والله يجننننن علمينا طريقه تكفيينن
جود : حبيبتي سر مهننههه
متعب : ايه وين كنتم تبون تروحون؟
مشاعل: ايه صح جود وضربت كتفها قالت انو شافت بيت مهجور يعني مكسر ويالله يوقف ونبي نروح نستكشفه بس شرايكم بليل
بدريه برفض : نعم انتي منجدك والله لن خليك انتي لحالك تروحين
فارس : خلاص خلونا نشرب ونعين من الله خير وبعدها نربط احزمتنا وننطلق
كلهم بصوت واحد: تمام
خلصو وقامو يمشون حسب وصف جود للمكان
متعب بتعب من مشي : يعني شقصر فيه سياره لو مشينا فيها ؟؟؟
فهد: رياضه رياضه !!
متعب: خليناها لك يل فالح
فهد اقول انطم لا كف يجيك ماشي ميتين
ماحسو الا بنقطات المطر على ثيابهم
متعب بفرح وهو ينط: مطررررررررر مطررررررررر وضحك
فارس صار يلف من فرحه والبنات يضحكون
فهد جلس وانسدح وفتح فمه بفرحه للمطر
.......................................................................
وبس كذا خلصت البارت اتمنا يعجبكم وشاركوني رٱيكم بل تعليقات تراها تحفزني اني استعجل بل بارت جاي واكتب لاتنسو ⭐ استودعكم الله
حسابي تيك توك هناك انزل احداث بارتات جايه Amm422@ لاتنسو متابعه .....
أنت تقرأ
خذوك يمه مني مجبوره وعيشوني ظلم على أصوله
Romanceجود الي تتعنف من عمها ووتزوج غصب ووتعنف ووتوفا امها وتعيش عند خالتها ويتزوجها ولد خالها اجبباري و ..
