خذوك يمه مني مجبوره وعيشوني ظلم على أصوله

البارت الثامن

عند قسم الحريم
في الغرفه حقت العروس كانت جالسه بخوف برعب ماتدري شصاير خايفه حيل دخلت عليها مشاعل بابتسامه: ها جود جاهزه؟
جود بربكه: ها٬ اااا تكفين مشاعل مماابيي شيء اببى اجلس عندد امي
مشاعل بحزن على حالها : جود بسم الله عليك ليش كذا انتي ماتبينا؟ احنا نبيك
جود بحزن ومدوع مجتمعه في محاجرها : ابي امي انا تعرفيني ااخخااف ممن من رجال ممااحببهم هم يخوفوني مابيهم
مشاعل بحزن وهو تحاول تغير جوها: ليش ترا اخوي طييب مرره
جود : انا انا مابي رجال هم هم يضربوني يحبسوني
وهي ترجع لورا بخوف ودموع تحاول ماتنزل: اهم دائما يضربوني حتا حتا شوفي رفعت يدينها وقالت بحزن: شوفي انا كل جسمي علامات كانت امي تحميني منهم بس سكتت من حست انها بتبكي
مشاعل قامت وطلعت كسرة خاطرها شافت دلال جايه قالت لها : وين جود؟
مشاعل بحزن: اخخ يدليل كسرة خاطري بل حيييل
دلال: شنسوي يمشاعل ؟
مشاعل :تدرين لفتني فيها حاجه !
دلال بستغراب: وش ؟ اهي كلها ملفته
مشاعل : تشبه ريم زوجة فارس الي توفت
دلال بصدمه:سألتك بالله! وش دراك يعني كيف مستحيل ذيك توفت
مشاعل : اقولك فيها نفس شامه الي فوق عين ريم
دلال : خلاص انا بدخل ويخلق من شبهه ٤٠ ماتدري
مشاعل :انا بشيك على حريم
دخلت دلال على جود الي كانت تناظر في ارض ولا حست بدلال
دلال : احم احم
حست فيها وطالعت فيها : هلا دلال
دلال بأبتسامه لأنه صدق كانت تشبه ريم بس الفرق أن عيون ريم كانت بنيه وهاذي كانت سوده وواسعه وتلفت الي يطالع فيها : علامك فيك شيء؟
جود بترجي: تكفين الروح ابشرد مابي اجلس هنا
دلال بصدمه: ايش تعد تقولين جود مو منجدك كيف تشردي هاذا عرسك لازم تفرحي
جود : تكفييين مابييي شيء تعبت والله تعبت حسو فيني
دلال بأبتسامه : جود ليش حزن تراك ماخذه اطيب واحد من اخواني وصدقيني حيعاملك زيك زيننا مارح يقصر معك
جود طالعة فيها : خلاص مشكوره
طلعت دلال تروح تشوف خواتها
عند رجال كانو يرقصون ويتقهوون ويقولون شعر وكل هاذا كان قدام سالم ( للمعلوميه في ٢ سالم بروايه هاذاك بنتعرف عليه بعدين ) سالم كان مقهور لأنه طلق جود أو بل أصح ماكان يشوفها راح يلف حويلين البيت ايلين شاف شباك مفتوح راح عنده وكانت غرفة الي فيها جود لأنها كانت ريحه مكياج وبخور وفتحتها علشان تتهواء
سالم وقف عند شباك وقال: جج وود
جود فزت بخوف وكانت تتذكر نفس موقف مع عمها خافت واسترجعت ضربه لها ولما زوجها لشخص عنفها خافت يشوفها ويزوجها واحد ثاني قامت وقالت: من ؟ من؟
سالم : انا انا سالم ليش رحتي عني
جود بخوف وتذكرة كل شيء سواها فيها طلعت من غرفه ولحسن حضها كانت غرفتها قريبه من حوش طلعت وهي كانت لابسه عباية فستان الي سواه لها خالتها طلعت وماشافت أحد شردت تركض من خوف
كانت تتخيل عمها وراها يلحقها. معه رجال كانت تركض بسرعه بخوف الين ماشافت أنها بعدت شوي عن الديره كملت ركض لين ماتعبت تخيلت عمها معه عصا ويضربها فزت بصراخ: لااااا تكفااا خلاص تعبت والله تعبت يمممهه تكفين والله تعبت جلست على تراب بدموع كانت تسمع صوت كلاب ديره خافت بل حيل ودنيا ظلام وبليل جلست تبكي شافت شيء سائح لونه اسود عرفت انها خربت مكياجها مسحت وجهها بيدينها
عند حريم
كانت دلال بل مطبخ دخلت عليها امها : بنت وين جود ؟
دلال بستغراب:وينها فيه تلقينها في غرفه يمه الله يهداك
ام فهد: خلاص انا بروح اجهزها علشان تطلع
راحت ام فهد الغرفه وفتحتها انصدمت لما شافت مافي احد طلعت ولفت وانصدمت لما شافت باب حوش مفتوح تمنت مايكون الي في بالها
ركضت للمطبخ والخوف متملكها : ببننتت ووويين جود ماهي بل غغررفه ؟؟
دلال بصدمه : يمه وش تعد تقولين وش ماهي بل غرفه ؟
دخلت بدريه ومشاعل : خير يمه ؟٬وشفيكم
ام فهد: جود شردت
مشاعل وهي تحط يدها على فمها بخوف وبدريه : يمه وش شردت والله فارس ليذبحنا
ام فهد : لازم الحين نقول لفارس ومحد يدري من حريم ولا شيء
مشاعل انا برسل واحد من بزارين يناديه
طلعت وشافت بزر وقالت : طس ناد عمك فارس
البزر: عمت عينك وشرد
مشاعل تأففت بتعب مو وقته ولا وريته شغل الله
عند رجال
دخل بزر وخبر فارس بأذنه وطلع وشاف مشاعل والخوف على وجهها ماتطمن
جاء عندها وقال: علامس؟
مشاعل بربكه: ا ا ا ججود
فارس: علامها؟؟ تكلميي؟
مشاعل : اففف شردت ومالقيناها
فارس بصدمه: وش الي شردت وبصوت عالي: وشش تعد تقوولليي
مشاعل : اص اص كل تبن لا تفضحنا اذلف دورها بسرعههه
فارس ركض لبرا وركب شاص وبسرعه راح يدورها خاف حيل كيف شردت كييف حيلقاها
عند حريم
مشاعل دخلت وقالت لأمها
ام فهد: يارب استودعتك ولدي يارب يسر اليله على خير
دخلو وقامو يسولفون معا حريم
عند جود
كانت تغفى وتصحى على عمها معها عصايا ويضربها فزت من سمعت حنت الجيب من بعيد خافت أن يكون عمها وعمتها قالت بصراخ : اااا ياربييي اهئ اهئ يممهههه ااسففف عمييي
سمع صراخ واخاف يحسبه جن شغل ضو سياره وشاف وحده لابسه ابيض جالسه تبكي وتصارخ
: بس الله الله يستر نزل بخوف وهو يقرب منها وقال : جوود
جود بخوف وقالت :يبه انت يبه
فارس استغرب : ايه انا ابوك انا دنيتك انا امانك ليش تشردين ليه تخوفيني عليك ليش
جود بدموع : جاء عندي يهددني يبه انا ماحب رجال يبه بيزوجوني يبهه تكفااا لاتخليهم يزوجوني
فارس أنصدم: تخافي من رجال ؟ ليش
جود لما عرفت أنه مب ابوها ركضت بخوف
فارس ركض وراها مايبي يخوفها
طاحت على أرض بخوف وحضنت نفسها وقالت : تكفى بعد عني انا مابي احد تكفا لاتضربني زيهم انا انا ماكلمته ماسويت شيء
فارس بحنيه : مارح اضربك يعل يدي تنكسر لامديتها تعالي تعالي معي ووعد ماجد يمد يده عليك
جود لما حست بحنيته قالت بخوف: بس انا ااخاف من رجال والله اخاف منهم
فارس : ططييب معليك انا رجال بس مارح اخوفك
جود بنبرة شك: بتوديني الغرفه وتروح خلاص
فارس بأبتسامه لأنه ذكرته بنبرة ريم : من عيوني
قامت معه وركبها جنبه وركب سواق وهو في طريق شغل لمبه وناظر فيها وقال : جود انتي ل أنصدم من شافها رجعت له ذكرياته مع ريم كانت نسخ ولصق من ريم طالع فيها وقال بصوت خنقته عبره : ريم ؟
جود كانت تطالع في سما
تأكد أنه مب هي سبحان الله رزقك بوحده تشبهه ريم
الي توفت نفس شامه بس كانت جود عيونها يميزها سوادها ووساعتها
وصل ونزل ونزلها وقال بابتسامه: ها وصلنا ولا تطلعي من بيت الاومعك أحد فهمتي
جود هزت راسها ودخلت من باب حوش وشافت قدامها شخص ماتوقعت ممكن تشوفه انصدمت خافت حييل حست رجولها مب شايلتها ليش بذات هاذا شخص نقطة ضعفها سبب دمارها مستحيل تنسا هل ادميه
عند رجال دخل وشافهم يرحبو فيه وشاف نضرات أبوه الي ماتبشر بل خير.
جلس وتسولف مع ذاك وذاك لين ماوصل العشاء
عند حريم
جود بصدمه : ليش جيتي انا ماحبك
ام مشاري بابتسامه مستفزه: اه صدقيني جرحتيني
والله انك محظوظه يوم انك أخذني ازين واحد
جود خافت وركضت تدخل الغرفه تعبت من فستان ونزلته ولبست روب لونه اسود طويل كم ورفعت شعرها ومسحت وجحها ووضت وصلت العشاء لأنها نست راحت ناظرت في الغرفه الي كانت مكياج وحوسه وملابس بنات نظفت لها جزء وانسحدت نامت بدون شيء من زود تعبها ماحست بشيء تمنت أنها تنام بدون ماتتحلم بأحد تبي تنام براحه بدون خوف أو شيء
خلصو واعتذرت ام افهد من حريم بأنه عروسه نامت
خلصو وعيال نامو وأبو فهد ماحب يعكر مزاجي ولده وتوعد فيه بكرا صبح ونامو بل بيت شعر الا هو
شاف أمه وخواته مجتمعين في حوش وقال بضحكه: جلسة تحليل اوادم
ام فهد بضحكه: وش عليك انت المهم شفت حرمتك
مشاعل بغمزه : روح محد ماسكك حبيبي البيت فااضييي
بدريه قرصتها وقالت: انكتمي وانت معليك روح روح
راح ودخل وشاف الغرفه حقته مرتبه ونظيفة واستغرب أنها مي موجوده
وراح الغرفه الي كانت عند باب الحوش ودخل ةشافها منسدحه بدون اي شيء طالع فيها وشالها وفتح باب برجله كانت خفيفه بل حيل دخل وحطاها على سرير انسدح جنبها وطالع فيها كان يبي قرب منها بس منع نفسه انسدح نام بتعب بدون تفكير بدون شيء لأنه مرت هليله عليه بتعب وكان يبي يرتاح
........................................................................
وبس كذا خلصت البارت اتمنا يعجبكم وشاركوني رٱيكم لاتنسو ⭐ استودعكم الله وتتوقعو وش راح يصير