خذوك يمه مني مجبوره وعيشوني ظلم على أصوله

البارت خامس والعشرون

فهد: نعتذر لك بس هاذي أمور شخصيه ومشكوره لوقفتك معنا
الدكتوره: ولو هاذا واجبي ومارح اغصبك على جواب
مشاعل: طيب نقدر نشوفها
الدكتوره: للأسف ينقلوها للغرفه ثانيه وان شاء الله اخليكم تشوفوها
بدريه:مشكوره دكتوره الله يسعدك اي شيء يصير علمينا نتطمن !!
دكتوره:من عيوني بس انتو تقدرون ترجعون ترتاحون لأنه كذا ترهقون نفسكم
مشاعل : لا احنا ديره حقتنا بعيده فا صعبه روحه ورجعه
دكتوره: طيب انتظروا برا الله يعينكم
طلعو برا وجلسو في ممر انتظار

إذن المغرب ......
مشاعل وبدريه كانو جالسين على الأرض وفهد منسدح على كراسي ينتظرون اي خبر عن جود .....

عند ابو فهد . . . . .
في غرفة بنات...
اماني : دلال ترا مارح تضرين احد إلا نفسك ليش هل توتر كلله؟؟؟
دلال: يابنت الحلال مرت ٤ ساعات وماجو وسأل فارس شقول
اماني: عاادي يبنت نقول فهد مشاهم
دلال: اههخ الله يصبرني المهم خلينا نروح نعجن عجينه نسوي لهم مرقوق
اماني: طيب يلا
نزلو المطبخ ودلال تعجن حطت غضاره الي تعجن فيها طحين مويه وملح وصارت تعجن
وأماني تنظف المواعين

.....منال
كانت تدق على رغد: الووو رغد
رغد: وعليكم السلام ، هلا سفيه صوتك؟؟
منال: منال انا خايفه فارس يكشفنا؟؟
رغد: ليه عسا ماشر ؟؟
منال: ..... وقالت لها شصار
رغد ببرود: يابنت عااادي سوي نفسك طبيعيه ولا تحسسينهم بأي شيء عشان محد يشك وإذا تكلم بشيء لا سمح الله قولي أنه مسخن ويقول كلام ماينفهم مرات !! فهمتي
منال: الله يسعدك ياشيخه ماتقصرين
رغد: يلا حبي مأطول عليك
منال: مع سلامه . . .
قفلت وقعدت تتصفح النت .  .  .

عند العيال بل حوش . . .
متعب وهو يشب نار: ي رجال مالي خلق ارجع بيت
فيصل: اي والله صاير كتمه مافيه نفس زينه ..
متعب: الله يعين وش مهبب فارس بعد
فيصل وهو يعجن : مدري اخوانك صاير.وضعهم غريب
متعب: اههخ يازين ريحة شبة النار
فيصل: والله ي رجال ، اسمع انت سو شاهي والأيدام بندوره ، وانا بسوي خبز مصليه
متعب: تمام يجيك احلااااا شاهي من يديني
فيصل : نشوف ونجرب ماورنا شيء

..... في المستشفى
كانو نفس حالهم
شافو دكتوره جايه عندهم قامو ووقفو
الدكتوره: الحمدالله يارب صحتها زينه بس لازم تقعد عندنا عشان تكون تحت فحص
فهد : اختي لو سمحتي انا قلت لك ماقدر اخلي بنات لحالهم هنا فا ، اقدر اطلعها وعلا ضمانتي مايجيها مكروه
الدكتوره: تمام تعال معي عشان نكمل اوراق تسجيل خروج
مشاعل: يعني اقدر اشوفها ؟؟
الدكتوره: ايه وتأشر على الغرفه حقتها
راحو البنات لها دخلت مشاعل وشافو جود كان مغذي وأشياء محطينها بعد على يدها
بدريه جت عندها وبدموع: بسم الله عليك ياجعل يد العدو بل كسر
مشاعل جلست عند رأسها: جود تسمعيني
جود نزلت دموعها
مشاعل: ليه ليه دموع والله والي بناه اني لأخذ بحقك منها بس اصبري علينا
بدريه: جود شدي حيلك خليك قويه لاتضعفي من اول طيحه قومي وارفعي راسك وقفي منال عند حدهااا
جود بصعوبه: ك ك يف وو ش دخل م نال
بدرته تذكرت انها ماتدري عن الي صاير فا ماحبت تزيد همها : لا معليك اطلعي وان شاء الله يصير خير
ترتاحي انتي اهم شيء
مشاعل: يلا الحين نطلع من مستشفى وتجين في غرفه ونرجعك جوود الحصان الأصليه
دخل فهد وكان صاد عيونه عن جود: الحمدالله على السلامه
جود: الله يسلمك
فهد: ماتشوفين شر سجلت لك خروج الحين تجيك دكتوره وتفك الأسلاك ذي وانتظركم برا تمام
مشاعل: يلا ابشر
طلع فهد وبعد دقايق دخلت دكتوره: الحمدالله على السلامه حبيبتي
اكتفت جود بأبتسامه
وصارت دكتوره تفك المغدي ولفت يدها بل جبيره ورجلها اعطوها عصابه
دكتوره: اهم شيء تهتمي بصحتك واكلك حافظي عليه ولاتتحركي لمدة ٢ اسبوعين أقل شيء عشان يدك ورجلك يتعافون بشكل سريع وبعطيك الحين كذا جبيره تغيرين جبيره مابين يومين تغييرها وهاذي برهم تحطيها على جروح ، وبس كذا تقدرين تطلعين الله ييوفقكم
مشاعل وهي تهمس لبدريه: فهمتي شيء من الي قالته ، بسرعه تتكلم مالحقت
بدريه: اص ايه فهمت
اخذو الأدويه وكل شيء وصتهم عليه دكتوره
ركبو وانطلقو للبيت
فهد: ها وش قالت لكم؟؟؟
مشاعل: والله مدري كلامها بسرعه
بدريه: معليك بعدين أقوله لكم ركز في سواقه الحين
جود كانت ساكته وتطالع في شباك بهدوء