خذوك يمه مني مجبوره وعيشوني ظلم على أصوله

البارت السابع

أبو فهد: البنت بتقعد هنا
ام فهد : ايه بس كيف كذا عيالك مايحلو لها
ابو فهد بصوت عالي: ياعيال
فزو كلهم وجلسو قدامه من ( فهد - فيصل- فارس-متعب)
ابو فهد بحده : تعرفون بنت خالتكم توفت امها وزوجها مريض وما ينعاش عنده ولازم تعيش عند خالتها فا مين يتبرع منكم وياخذها وانا والله مب جابركم الا انت يافهد لانك متزوج ؟
ام فهد: ها شرايكم ؟
فيصل : اعذروني انا مالي خلق عيال وازعاجهم وانا معتبرها اختي
متعب: وييين انا مستحيل توني على زواج خلوه فارس مجرب من قبل
فارس كان ساكت يناظرهم
ام فهد : ها يمه فارس وش شورك؟
بدريه : خلاص ياخي خذها مره وحده ترعا بنتك وجدان
مشاعل : ليه جايبينها خدامه ؟
ام فهد: لااا مستحيل بس وش قلت يمه فارس
فارس بتنهيد: شوركم وهدايت الله انا موافق علشانك يميمتي
ام فهد بفرحه : الله يوفقك خلاص وانا بشاور البنيه
فارس : يلا عن اذنكم انا بمشي للوادي اشيك على حلال وطلع وهو مب فاهم شعوره فرحه ولا زعل مايدري
ام فهد دخلت على جود الي كانت جالسه كانت تعد تلف يدها بقماش
ام فهد : وش لونك يمه؟
جود بابتسامة خفيفه: بخير
ام فهد : يمه شرا
ماكملت كلمتها الا جود تقول: موافقه يمه مايحتاج تأخذين رايي
ام فهد : الحمدالله يمه خلاص تمر ٣ ايام ونكتب الكتاب ونسوي عشاء محفوف
جود : تمام يلا انا برجع البيت عند سالم
ام فهد بخوف: يمه اخاف عليك لايسوي فيك شيء
جود وهي تحاول تخفي عبره الي خنقتها :لا معليك
بلقاه نايم الا يمه عندكم شيء احطه له لأنه بيقلب الدنيا فوق راسي لو ما اسوي له اكل وهو ماعنده شيء
دلال وبدريه دخلو ومعهم قدر فيها كبسه ولبن : تطمني جهزناه لك
اعطوها ياه وودعتهم ومشت وصلت ودخلت وحطت اغراض في مطبخ استغربت الهدوء ماتطمنت
راحت بخوف الغرفه وقفت بخوف وهي تسمع صوت ضحك وكلام مقطع فتحت الباب وانصدمت من شافته مجمع عيال نفس عمره سكرانين ويضحكون بدون وعي طالع فيها سالم وقال : اهه هاذي ز ووج تي هه ههه ااهلن
واحد من رجال: اخخ ححلو ه خلونا نلعب م عها
واحد ثاني فز يمشي باتجاهها : اقوولل انا اخذتها من قبلكم
جود ركضت طالعه من بيت خافت طلعت تخبت ورا البيت وهي تتنفس بخوف كانت تبكي بصمت خايفه وحييل خايفه صارت ماتامن أحد وصارت تخاف خوف مو طبيعي من رجال اليوم صارت جود معها ثوبيا من رجال تخاف من ظلهم شافتهم طالعين برا يدورون عليها مشت تحاول تسرع بخطواتها بعدت عن ديره شوي وشافت راعي شاص جاي باتجاهها
فارس وهو يسوق شاف بنت تأشر بطريق استغرب
وقف عندها : عسا ماشر ؟
جود بخوف : لالا مابي شيء.
فارس وهو عرف الصوت وعرفها وشلون ما يعرفها وهي الوحيده الي اخذت تفكيره قال: جود بنت محمد؟
جود بدموع : تكفااا خلاص روح يكفيني الي فيينيي
جلست على أرض بدموع
فارس نزل وقال: يابنت حلال امشي معي والله ماجيك ضرر مني ولا من غيري
جود وهي خايفه قامت وقالت : مايحتاج ارجع مشي انت امش من هنا راحت رجعت لديره خايفه يكونون راجعين
فارس رجع للبيت وشاف اخوانه نايمين وأمه زايره جارتهم وخواته يسوون عشاء راح لحوش يجلس فيه
جود رجعت للبيت شافته نايم بل صاله ومافيش أحد راحت اكلت لها لقمه وقعدت بل صاله تناظر نفسها بل مرٱيا تغيرت بل حيل راحت لدورت المياه( أكرمكم الله) غسلت وجهها وطلعت تصلي عشاء وتدعى بل رحمه لأمها صح اهي ما تأثرت بوفاة امها لاكن جرحها بل حيل ولو دموع ترجع إلي فقدناه كان بكت ليل نهار لاكن مافي يد حيله راحت للصاله وهي تقول: يوه ياجود وش صار فيك ؟ تغيرت حياتي ١٨٠ درجه خلاص ليش ما انسي الماضي كله بسبت عمي كرهت رجال بسبته بسبت سالم كرهت الحضن كرهت كل شيء يخص الرجال فهمت الغدر بمعني الكلمه الضرب بالعصا الحبس الظلم هاذا كله فهمته بسبت الرجال اخخخ يارب تعينني وتعوضني بعوض يجبر خاطري راحت الغرفه تنسدح تبي تنام لأنه بكرا اول ايام العزاء في بيت خالتها
تحاول تنام لاكن مافيه حيله كوابيس تصحيها من كل جهه تخاف هل عليها وهو مب وعيه تخاف من كل شيء حولها