"ကိုကို"
အခန်းပြတင်းပေါက်ကနေခေါင်းလေးလျှိုထွက်လာပြီး
ခပ်ပြုံးပြုံးနှင့်သူ့ကိုခေါ်လာသူလေးကြောင့်
ဂွန်းဝုအတန်းအခြေအနေကိုဝေ့ကြည့်ပြီး အပြင်ထွက်ခဲ့လိုက်တယ်။
"ပြော"
"လွမ်းလို့"
မျက်ခုံးတန်းလေးနှစ်ခုရဲ့အစွန်းလေးတွေက
အောက်သို့ကျဆင်းလျက် မျက်လုံးဝိုင်းလေးတွေက
အပေါ်ပင့်ကြည့်ကာ နှုတ်ခမ်းလေးမဲ့ပြပြီး
ချွဲလာတဲ့ဟာလေးကြောင့် ဂွန်းဝုပြုံးချင်သွားတဲ့
သူ့နှုတ်ခမ်းတွေကို ပါးစောင်အား
ဖိကိုက်ရင်းချုပ်တည်းထားလိုက်ရ၏။
ဒီကောင်လေးသူအဖြေပြန်ပေးလိုက်ပြီးကတည်းက
အချိန်ပြည့်သူ့နောက်တကောက်ကောက်လိုက်ပြီး
ကြောင်လေးလိုကပ်ကပ်ချွဲနေတာ။
သူပြန်အဖြေပေးတယ်ဆိုတာကလည်း
ဟိုလိုကြီးချစ်ကြောင်းတစ်ခါတည်းပြန်ပြောလိုက်တာမျိုးမဟုတ်။
ဒီကောင်လေးပေးတဲ့စာကိုဖတ်ပြီးနှစ်ရက်လောက်နေမှ
သူ့လက်ထဲcandyလုံးလေးတွေလာထည့်ပေးတဲ့
ကောင်လေးကို ပြန်ဆွဲထားလိုက်ပြီ
'လက်ခံတယ်' လို့သာပြန်ပြောခဲ့တာမျိုးပင်။
အဲ့တုန်းကသူ့ဆီကအဖြေပြန်ရပြီး
ကြောင်တောင်တောင်လေးဖြစ်သွားတဲ့ယူဂျင်းရဲ့
မျက်နှာလေးကိုအခုထိမှတ်မိနေတုန်းသူ့မှာ။
"အပိုတွေ မနက်ကတင်ကျောင်းအတူတူလာတာကို"
"ဒါပေမယ့်စာသင်ချိန်၄ချိန်လုံးကြီး
မတွေ့ရသေးတော့ လွမ်းတာပေါ့လို့"
"အဲ့တော့.."
"အာဘွားပေး"
ဂွန်းဝုမျက်ခုံးပင့်ကာဘာလုပ်ပေးမလဲမေးမိတော့
အချစ်ခံချင်နေတဲ့ဟန်ယူဂျင်းလေးကသဲကဲစွာ
ပါးလေးတစ်ဖက်ကိုဖောင်းပေးပြီး
ခြေဖျားလေးလည်းထောက်လို့လာသည်။
ဂွန်းဝုသူ့ရင်ဘတ်သာသာကောင်လေး၏
နဖူးအားတောက်လိုက်မိပါ၏။
ဘယ်လိုတွေဖြစ်နေတာလဲ.. လူမြင်ကွင်းကြီးမှာကို။
"အ! ကိုကိုလို့"
သူတောက်လိုက်လို့နာသွားတဲ့နဖူးလေးကိုဖိကိုင်ကာ
ခပ်စူစူလေးပြောလာတော့ ပတ်ဂွန်းဝုအညံ့ခံလို့ဘယ်ဖြစ်မလဲ။
![Love Letter [WOOKCHEN] | Commission](https://img.wattpad.com/cover/350980208-64-k557347.jpg)