صمت مميت(ليبية_منقولة)

الحلقة 1

𝒋𝒆𝒉𝒂𝒏:
#صمت_مميت1(  المقدمة ) ❤️🔥
الساعة 3 فجر ❤️
أنار : كان كل شي مضبب ومشوش بسيف ماقدرت نحط ايديا ع تراب ونوض ونتوازن فتحت عيوني الي كانو معبيين دمووووووع ووجهي وايديا وجسمي الي كان مجرووح بطريقة غربية وراسي الي كان يصب ف دم وينزف 💔 مكنتش عارفة مني أني او ليش جسمي هكي كل الي نعرفه اني نضت ولقيت جسمي هكي قعدت نشمي ونطيح ونعاود نوقف من اول وجديد 💔
كنت لابسة سروال واااااااسع لونه ابيض بس بتراب ودم وطين ولا لونه بني ع احمر متفهميش حتى شن لونه ، نزلت راسي ولقيت روحي لابسة تيشرت اسود مشرك من كل تركينة .
ليش شن صارلي وخلاني هكي وليش دنيا ليل قعدت خايفة ومرعوشة وبس نجري ونجري ف اخير وقفت كنت خايفة يشوفي  حد ويدير فيا حاجة ومنقدرش ندير شي ، شفت سيارة تجري بسرعة ومش متوازنة مرة ايمين ومرة شمال
قعدت نشوفلها كيف جايه ف جهيتي بسرعة رهيبة 💔 قعدو دموعي ينزلو بدون منحس عليهم ع خدودي كانت كل ماتقرب مني نشوف ف ضي يقوى حطيت ايديا ع وجهي وطحت ع ركايبي
كنت نحس ف روحي كأن حد رفعني ولوحني ع طووول يده 💔 وراسي جي ع ارض وعيوني معبيات دموع معاش قدرت نشوف بيهم !!
وقبل ما نغمض عيوني نشوف ف شخص يجري ومشوش
بعدها معاش حسيت بشي . 💔✨

_____
أنس : ي ححي عليا حي غير انشاء الله ي ربي تطلع حيه شن شربني فيه سم هدا بس والله ماني عارف تلفت شفت ممرضة طالعة من غرفةة العمليات تجري 💔 غير ي ربي يسترر بس ، الززح ي أنس ملقيتش إلا مستشفى هادي مع بوك تي توا يقولوها ولدك دار حادث   أحسن شي ندير روحي مش قادر نتحرك ونتكلم هلبا ، قعدت شوية نشوف ف ممر كيف فاضي مافيشي هلباا ناس شوية ممرضين واربعة دكاترة نعرفهم ، تي كان ميعرفوش اني بوي صاحب مستشفى راهوو مدرولهاش دخول ودخلوها غرفة العمليات إلا ببطاقة شخصية وانت شنو تقرب للمريضة وقصة كبيرة هكي طولها .
ترن ترن ترن
ترن ترن ترن
أكيدة وصلهم الخير  لقد ذهبت فيها ي أنس 🥺 .
بشير : تي وينك ي راجل عمي رجب قالب عليك دنيا وتوا سمع أنك درت حادث وخليت بنت تموت وتخش غرفة العمليات
أنس : معناها أحسن شي ننفد بجلدي صح
بشير : تي معاش فيها كيف تهرب تلقى عمي رجب وبوي علي وصلو فيك توا
أنس : تي والله ي بشير ماهو مني اني 💔 منعرفش كيف شربت كل الي نذكره اني كنت نهدرز عليهم بعدين اعطوني مياه بس لما شربتها حسيتها تحرق وطعمها مر شوية شوية بديت نقوللهم اعطوني زيدوني 💔
بشير : والله ي وخي من قبل نقولك متبعش شلة حمدي فكك منها لاكن انت متسمعش ف كلام  استنى شوية ونوصل فيك اني وخوك أيمن
أنس : اي والله ادير فيا معروف انت أيمن وتعرفه كيف يقنع ف بوي
بشير: هههه تي اسكت مذكرنيش مفيش راجل ولا مراة ولا بنت قدرت تنفذ من كلامه تي عنده اسلوب يخليك دير الي يقولك عليه وفمك ساكت .
أنس : اي واني كان تكلمت راهو شعلت نار ف حوش
بشير : تبي صدق ولا كذب انت!؟
أنس : خوهم هههه
بشير: تي بحق ندوي انس ، انت لسانك طويييييل اطول من سلوم المطافي بسلامتك ومعندكش اسلوب بكل هذا باش اي بنت تقعد معاك شهر وتسيبك 😂
أنس: زيد زيد اتشمت .. قام راسه وبصدفة شاف بوه وعمه جايين ويشفولهه قريب يقتلوه .. اسمع بشير اهما وصلو تو توصل ونتكلمو باي
بشير : ميه ميه . .. بسلامة توا
أنس : سكرت منه ونضت ومشيت لبوي ... اووه القدع وصل
رجب : قدع امك .. تخلي فيا ننخلع ف الليل وتخلي امك ترعش ويركبها سكر .. هالبا تكلم خيرك سكتت
علي : خلاص ي رجب تو يروح وعقابه تو مش وقتها
أنس : شني يعاقبي تسحابني إملا عمري تلاتة سنين
رجب : ضربه ع عنقه .. اسكت ي فرخ حسابك مش توا زي ماقال عمك علي تو نروحو بس .. اما توا سمعنا سموتك وخلينا نشوفو اخرتها وين
أنس : اخرتها ف فراش وين بتكون يعني
رجب : يلعن شكلك ي ولد كلب
علي : رجب ع فكرة تسب ف روحك ره 😂
رجب : تي انت مع مني ، مني خوك
أنس : شني هوا حرب ولا كيف بوي
رجب : تي كان متسكتش تو تشوف شي ميعجبكش
علي : رجب خليه توا ، توا زهيرة تشده معاش تسيبه
أنس : لااااا قصدك هيا عندنا
رجب : املا شني توا كله يوليلك ..سكت شوية وشم حاجة زي عصير لوز قرب من أنس.. شني ريحة هادي
أنس : رر ريحة شني اااه مدوتش من أمس هاذا باش ريحتي هكي 😅 تو نخش حمام شوية ونجيكم
علي : متعطلش مرات يطلع دكتور ف اي لحظة
أنس : تمام ... افف انفدت بروحي .
أما رجب سكت لما شاف ولده توتر شك فيه هوا مش غبي مش مايعرفش هادي ريحة شني بس سكت ع خاطر كل شي يجي بودية لان كان ضرب ولده وكشخ عليه ودرله العار شي هذا مش حايمنعه من انه هوا معاش يشرب بكعس يبدا يدير فيه من ورا ومرات توصل بيه حتى مخدرات ...
_______