صمت مميت(ليبية_منقولة)

الحلقة 3

𝒋𝒆𝒉𝒂𝒏:
#صمت_مميت3🔥❤️
انس : السلام عليكم
دكتور مصطفى : وعليكم السلام..اوو أيمن وين كنت مغطس ي ولد
أيمن : لا والله شي بس تعرف مشاغل
دكتور مصطفى : اللي نكلمه يقولي مشاغل زي بوكم تقول تخدمو ف دولة ههه.........
أنس : مالا شني حتى اني وزير وزراء مفروض توا ديرها تحتك من خوف مني
أيمن : تحشم ي راجل الي واقف قدامك ف عمر بوك
دكتور مصطفى : ماشاء الله تعرف حتى عمري وانت كان تسأل مرتي تقول منعرفش حتى شن اسمه بنقولك عمره
أنس : والله انت الي معندكش دوق وخدلي وحدة خشمها كان من سيموفر متع السريع
أيمن : لا حول ولا قوة إلا بالله 🤦 💔
دكتور مصطفى : خلي ولد ف حاله اني عندي عادي انت شندخلك
ايمن : اي وانت زيد خريه خرا هذا باهي
أنس : انت شندخلك اهو عنده عادي انت ويشش دخلك لازم تحشي خشمك ف موضوع
أيمن : اخخخ وبس ... عمي مصطفى وين بنت شوقتني نبي نشوفها وانت من بكري تحكي عليها تقول بنتك
دكتور مصطفى : اي والله يريتها جت بنتي لحد توا ماشفت منها شي
انس : اسكت انت وياه وانتم تقولو عايشين معاها منذ قرون وهيا زحح مليهاش يوم بس
أيمن : غاااير قصدك
أنس : وليش بنغار يعني ع جمالها ولا مكانتها ف مجتمع
دكتور مصطفى : بدينا توا عااد معاش نسكتو وانتم تقول فار وقطوس
أيمن : وريني وين خلي نعرفها لحوش بوي وراي شغل معاش فيها
دكتور مصطفى : هي تعال وانت من فضول لين عيونك يلمعو ..طلعو من غرفة وخلو اني يشفلهم بتقزز وبعدين بشوية غيض لان بدو علية كلها يحكو علاها وحتلت تفكير العلية هوا مش متعود هكي ديما انس هوا الي محتل تفكير عيلة ..والي زده هم امه ماتكلمش فيه وتوا لما سمعت قصة بنت تشوقت وقبلت الموضوع طوول
أنس : اااففف كرهتك زح قبل حتى مانشوفك كويس 😒
_____

داخل الغرفة ✨

كانت أنار لبسة لبست العيادة سورال وسورية طويلة لعند ركبة لونها سماوي ومكتوب فيها من جنب ع جيهة اليمين اسم العيادة  .....مقعزمة وقدامها ممرضة توكا فيها لان ايدها وعيونها مربوطين بشاش  مرة مرة توقف وتشرب ميه لان حلقها يوجع فيها وبسيف ما تتكلم ،💔
أيمن : السلام عليكم !
أنار : كاني سامعة صوت  هذا من قبل ....  وين مشعارفة بس حسيت بروحي كاني عرفاته وسمعاته اكثر من مرة بس متجيش منردش السلام عيب
أنار  : بصوت خافت  ... وعليكم السلام
ايمن : قعدت نشوفلها بصراحة لا تقاوم وجهها تحسه ملائكي كنت منصدم صراحة كنت منوقع تكون مش حلوة بس كان وجهها كله مخبش وف جرح بجنب فمهها وعيونها مغطيات بشاش ابيض ...
ايمن :  الحمد لله ع السلامه
أنار : اا الله يي يسلمك
ايمن : حاسة روحك كويسة
انار : ضحكت ودموعها نزلو من تحت الشاش ... كويسة لكن منذكر ف شي وحاسة روحي ضايعة
ايمن : حمد الله ع كل نعمة لازم تكوني فرحانة ع خاطر نضتي بسلامة كوني متفائلة
أنار : اانشاء الله .... بب س مني انت
أيمن : ضحك وقعمز ع كرسي بعد ما طلع دكتور مصطفى وممرضة وخلوه بروحه معاها
ايمن : اني ولد حاج رجب
انار : بغضب طفولي .... انت هوا الي ضربتي بسيارة !!
أيمن : ههههه ...لالا هذاك خوي الصغير
انار : ااه 😣
ايمن : انخلع ... خيرك فيك شي !!
انار : لا لل كن بطني وجعتني شوية
ايمن : قالي دكتور مصطفى انهم طلعو شوية مرش من بطنك هذا باش انتي متتحركيش هلبا تو نجيب ممرضة تساعدك بلبس عباية اني جبتهالك من ذوقي ره
انار : صحيت بجد  ❤️
ايمن : متشكرنيش اني اشكري بوي
انار : حاضر من عيوني
ايمن : لكن اني منشوفش ف عيونك نشوف ف شاش 😂
أنار : ضحكت رغم وجعي من بطني وراسي