صمت مميت(ليبية_منقولة)

الحلقة 6

𝒋𝒆𝒉𝒂𝒏:
#صمت_مميت6🔥❤️

أنار ناضت الصبح وهيا فرحااااانة قريب طير من فرح وحاسة بشعور اول مرة تحس بيه 
بتموت ع خاطر تفكرت حتى شوية من ماضيها
ممكن حتى توصل ف اماليها من لقب لذكرته !
ضمت فراشها ودوشت وغيرت حوايجها ولبست فانيليلا صوف لونها بيج قريب لقهوي هافت لعند ركبة واسعة مطلعتها طرررف اكثر ماهيا طرف وسروال اسود واسع شوية وشاح ع لون سروال.
طلعت لوسط حوش لقتها ساعة ستة ومازال بكري وتت فطور
كل شي يخطر ع بالك بيروش وشاهي وكنافة وجنبة مالحة وزعتر وطماطم وخيار  وتن ودرات كريب حلووو

وتتهم وحطتهم ع طاولة فطور وقعد بس نسكافي وقهوة عريبة وهيا ف عز الانسجام خشت علاها نعيمة
نعيمة فرحانة وشفتلها بإعجاب : اشي اشي شكله حلو رايق ع صبح وراضي عليا
انار : اي والله تعرفي عندي ليكم خبر يفرح
نعيمة ضحكت : ربي ينور عليك يا بنيتي ويفرحك شن هوا خبر !!
انار حطت حليب ع نار وتلفت : تفكرت شوية حاجات من بينهم اسم عيلتي
نعيمة فرحت: مبروك مبروك .. بس بالله عليك متضغطيش ع رويحتك
انار جت حضنتها: متخفيش علياا بروحي امس حلمت نضت مخلوعة مرت شوية لقطات
نعيمة بعدتها شوية وشافتلها بحزن : بتخلي مكانك تعودت عليك ..
نعيمة : بس اهم شي تكوني فرحانة وبعدين كله ساهل
انار : متقوليش هكي رغم مقعدتش هلباا معاكم لكن والله انتم عيلتي تانية والى استرتوني وخليتوني عندكم بارك الله فيكم
نعيمة : ربي يحفظك .. حيي حليب فاااض
انار مشت جري طفت عليه : هههه شكله قلبي فايض
نعيمة : بري نوضي انس واسماء
انار : وايمن ؟!
نعيمة : نايض من بكري خشيت لدار بنقولها ع حاجة لقيته يصلي ربي هداه ❤️ .. حاسة روحي بنطير من فرحة
انار : ربي يهدي حتى انس
نعيمة : آمين يارب العالمين ...
حطت حليب ونسكافي وقعدت دير فيهم ونعيمة دير ف قهوة
انار : عمتي بنقولك
نعيمة : نعم
انار : امس هدرزت ع اسماء قتلى عمي رضاء جاي يوم وبوي عازم عيلة ونسباته وبدير عزومة صغيرة ع خاطر مروح
نعيمة : اي والله يوم حلوو شكله من بدايته .. هذا تقول ولدي
انار باستغراب وعباطة : بس مش عمي رجب عنده زوز خوت واخت وتانية متوفية الله يرحمها
نعيمة : ربي يرحمها ويحط مثواها الجنة .. لالا عنده ثلاتة خوت واحد نديدي والى هوا صالح واحد اكبر مني والى هوا علي واخر واحد اصغر  من ولدي بكر 
انار : كيف قصدك حملتي انتي وعزوزتك
نعيمة : لاا الله يرحمها جابتهم وتعبتت وكانت مريضة بقلب عفانا الله وهيا حامل ف شهر رابع مات شبانية بعدها تجوزني رجب وقبلها كنت اني وياه سنتين قارين فاتحة بس مجاش خداني واني كنت حامل ف شهر خامس قبلها بشهر
انار : الله يرحمه
نعيمة : آمين .. خليني نكمل المهم قعدت ستة شهور حزينة ومرض خدي حقه منها ماتت وهيا تجيب فيه جابني رجب  بعدها بشهر جبت وربيت انس وربيت عصام   ومن هداك يوم واني نعتبره زي ولدي
انار : ربي يخليك لينا عمتي
نعيمة : ولا يحرمني منك ومن شوفت صغارك 
انار : تعرفي عمتي نحس فيك تقول ملائكة من كثر طيبتك
نعيمة تقول من ضربها قعدت زي مسطولة: ااه اي اي بري سلم بنتي نوضي انس واسماء
انار : حاضر هي .. نعيمة قربت من روشن
ااااخ بس يربي ف عمري كله غلطت مرة وحدة بس وغلطة كبيرة ي ربي سامحني ع درته ورجعلي وليدي معاش نبي شي قاعدة عايشة ع امل يجي يوم ونلقه ف باب حوش 💔
صبرك يا ربي بس .. ارحمني يا ربي فأنت هوا رحيم بعبادك
لا يعلم الإنسان ما الخير الذي يرزقه الله بعد الإبتلاء فاصبر ف جزاء الصبر عظيم