بقايا الأمس تؤذيني

part 1

الكاتبه" ملكوت🎀
البارت"الأول

‏"كم بكينا لأننا لم نبلغ شمسًا ولا قمرًا، ثمّ وضع الله مجرةً بأكملها بين أيدينا !."

_ يربي كل مره اكول بس هاي المره ساعدني وارجع وره ايام هم اطلب المساعدة شسوي تعبت مسحة شعري باثنين اديه لمية زهرة عباد الشمس وسحبت ضفيرتي من متني دنگت احتاريت منين اسحلها وهيه مدده كدامي بالتراب باقي برجلها تك نعال ومزحلك صفح من الطين والثاني مشمور بعد عشر متار انصدمت بعيونها ينزلن ادموع كبار مخبوطات بتراب التارس شعرها و وجها صرت ابجي وياها حبابه يمعوده صار المغرب وانتي بالشارع راح تجي الجلاب بس كومي ساعه اسحل بيدها ساعه برجلها اجيب النعال البسهيا وترجع اشمره آخر شي نتفضت بغضب تنزع اساورها الحديد الصفر اطشر بيهن وترطن بصياح وبلسان مكسور

_ولي عني ما اروح

_والقران اروح وحدي للبيت اكول لامي اخليها تجي تملخج

_مااااااا ولي

شاهينه_نفظت نفسي منها تعبت كافي صار ساعتين اتوسل بيها خلية ومشية وفاتحه اذانتي واتلفت اشوفها تجي وراي لو تبقى شفتها خافت لان ضلمة الدنيا كامت لازمه تك نعال من الاستيكه الي امي سوتلهيا علمود ما يفلت من رجلها وتبجي بصياح صوتها من تبجي يزرف الرأس على كولت امي تعوي

عذبه_ اوووووكفي

شاهينه_ صار ساعه اصيحن ولي عني هسه دورج انتي ولي عني

استمريت امشي وهيه وراي لمن وصلة اخذت شهيق زفير ودخلت كل العاده باب البيت مفتوح مستحيل ينسد ناس طابه وناس طالعه انتضرتها تجي اسحب بيها للحنفيه الجوه المغسله اريد انغسل بسرعه قبل لا تشوفنا امي وتشوه شكلنا وهيه معانده تبجي و تبجي مليت منها وشتريد ماعرف راسي افتر خليتها كما هيه وغسلة ودخلت ليجوه

_اغسلي دشداشة عمج وشريها على الباب هي انتي شو كاعده تزقنبين بيه كومي ما تستحن بنات القنادر تاكلن قبل لا يجون الزلم أشك دشداشتي راح اموت الله يكمعج سايبات كح**

شاهينه_ تحسرت ومشية بصف الحايط اريد اعبر هوستها هيه وجناينها اوصل لغرفتنه لا تشوفني امي واطلع حركتها بيه

بعدني ما تحركت وما حس غير لسعني الجفجير

_الله ياخذجن ولج شنو هاذا حالج وين اختج كل هاذا شوارع وياجن ما تملن ما تهودن

سمعة صراخ عذبه طلعة تركض الها مو خوف لا ناويتلها على كتله غسل ولبس

كملت طريقي واني امسح بجتفي حصلتلي كم كفخه من الماره عمامي و نسوانهم و جهالهم و جدي و بيبتي كلنا بيت واحد تقريبا خمسه و عشرين نفر اذا ما تلكه اثنين نفس العمر فاكيد 3 و اربعه من ولد وبنات العم نفس العمر

كملت طريقي قبل لا افتح الباب فكرت اذا طلع صوت الباب اكيد يكعد زمزم ويضل يبجي وتعالي سكتي عفة الموضوع وكعدت على أول بايه من الدرج الي صاير بصف الباب