الكاتبه"ملكوت 🎀
البارت"الرابع والعشرون
كالو ما تجي وكالو عليك بعيد
و درب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع
مخبوط
وحسرة وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني
نهر طولك عذب صافي ويرد الروح
""""""""""""""""""""""""
اول ما عبرنا الدرج وصرنا كدامهم
سمعت صوت ستكان جاي وكع وكلها اطافرت
فتحت عيوني حيل هاذا داثان كاعد بنصهم ذب الچاي من ايده للكاع وعيونه مبهوته علينا
مأتم_ الله الله صاعد اسبح وانام جوجو من يصير الأذان كعديني
شاهينه_ عاف الهوسه الي سواها بدخلتي الهم و عيون داثان الي صارت اعلى من حاجبه صعد على الدرج
صح عليه رجال جبير وهو على نص الدرج
_ شنو هاي مأتم
مأتم_ بعدين حجي دايخ خل داثان يفهمكم
شاهينه_كمل الدرج واديه بجيوبه يصعد البايات بسرعه ويطلع صوت بحذائه خله داثان وجها يصير ازرك
اول ما كمل الدرج مأتم ركض داثان شحطني من متني شحط للطارمه انجر تيشيرتي وياه ذبني باب الصاله الخارجي
همس بصوت وهو كاز على سنونه واجها صاير اسود
داثان_ أمال وين
شاهينه_ صرت بموقف ماكدر اتصرف او احجي حتلو اريد اشرح وافهمه شلون دنكت راسي بالكاع ودوموعي صارت تنزل
لزم فكي و رفع راسي بأيده حيل بحيث احس اوتار رگبتي تكطعت
داثان_ جااااوب
شاهينه_ صرت كوه اتنفس واشهك شجاوب شجاوب ماتت شلون اكولها
بثواني وما احس غير طير وجهي بأيده بحيث من قوة الراشد نگلبت على وجهي بالكاع
رفعت راسي اشوفه طلع يركض فتح باب البيت جره واحد وصوت الباب من الندفع كلش قوي بحيث طلعو اهل البيت كلهم برا يتفرجون بسرعه راح طلع وحده من السيارت اول ما طلعها باب البيت شخطها بقوه ومشه
هز ايده الرجال جبير ضل يستغفر بصوت وراح على الباب سده كل هاذا واني مدده
اتقرب الي رجال من كصتهم گومني من الكاع وصار ينكث بملابسي وخاصتن بجامتي سوده
_ياله عمو مصار شي كوم انطب جوه حاره الدنيا
شاهينه_ لزم جف ايدي على كيفه يمشيني لداخل البيت واني بس ابجي مثل بجي الفواتح وصدك نصبت فاتحه على امال وعيشتي يمها الي راحت
أنت تقرأ
بقايا الأمس تؤذيني
Romanceالسُفن الَّتي تبقى في المرسَى تظلُ آمِنة يا عزيزي لكن لَيس لهذا الغرضِ تُبنى السُفن . استوقفتني وهيه تمسح دموعها تلتفت يمناً و يساراً تكاد انفاسها ان تنقطع من شدة ارتجافها بيدن باردتان ترتعش بردا وخوفاً عصر الألم روحها فاصبحة تسير بجسداً متهالك ان...
