أنا عشقتك بداية و أنا نجم بسماك

بارت 4

هاي البارت ٤ اتمنى تستمتعوا و تصوتوا و تكتبوا رايكم و قراءه ممتعه ...
.
.
.
.
بعد مامر شهرين ونص .. كانوا يحاولون يكملون حياتهم طبيعي لكن الحزن ماراح من قلب واحد منهم ..
.
.
.
وفي غرفة البنات الي كان فيه شادن وريفال ورفا ....

وشادن الي بين احضانها العود الي تفاجأت لما اعطها جاسر وانصدمت لما عرفت انو هو الي كانت هدية ابوها لها وبكت كثيير وكانت تعزف عليه وتسمع البنات الي انبهرو بأنها تعرف تعزف على العود ..

رفا:" الله يقلعس وين دافنه هاذي الموهبة ياشيخة"

ريفال:" إيه من جد من وين تعلمتي"

ضحکت شادن :"مدري والله كيف تعلمت بس الي اذكره كنت اعشق شي اسمه عود"

رفا :"طيب سمعينا شي زين"

شادن هزت راسها و عدلت ايدها على اوتار العود وتغني بصوتها العذب ..

كل شيء حولي يذكرني بشيء

حتى صوتي وضحكتي لك فيها

شيء لو تغيب الدنيا عمرك ما تغيب

شوف حالي آه من تطري علي

وكانت تغنيها بصوت حزين وسكتوا ريفال ورفا لما عرفوا بأنها تقصد ابوها ..

وقالت رفا بتغيير للموضوع:" شرايكم نروح السطح ونسوي لنا شاهي محكور"

شادن وقفت وهي تحط العود على الأرض:" إيه ما جايني نوم"

ريفال: "اجل يلا نروح المطبخ بس بشويش"..

وراحوا متوجهين للمطبخ وكانت ريفال تسوي الشاهي وشادن تقطف النعناع ..

وتكلمت ريفال: "رفا جيبيلي السكر"

رفا إبشري ومسكت زجاجة السكر بس ما كانت ماسكتنها زين وهي تمد الريفال طاحت من يدها ودواء صوت الزجاج في كل مكان ..
.
.
.
شهقت ريفال بصمت وشادن غمضت عيونها ورفا حطت يدها على اذنها  ..

وبعد صمت تكلمت ريفال :"يمال الوجع صدق وش فيتس هبله هبله انتي ليه ماتمسكينها زين"

رفا :"الوجع الي يوجعتس وبعدين خير!! .. طاحت من يدي"

ريفال:" ليه ما مسكتيها"

رفا :"تبيني اصير سبيدرمان علشان امسك"..

قاطعتها شادن :"خلاص انتي وهيي حشى محارشكن ما يخلص .. رفا جيبي المكنسه ونظفي الي سويته وانا بطلع سكر ثاني"..

وبعد ما خلصوا من شاهيهم طلعوا من المطبخ متوجهين لسطح وجلسوا جنب بعض متغطين بفروة جدهم الي توسع خمس اشخاص وكانت شادن في الوسط ويسارها رفا ويمينها ريفال ..
.
.
.
.
كانوا جالسين بهدوء وكل وحدة ماسكه كاستها ..