أنا عشقتك بداية و أنا نجم بسماك

بارت 9

وصل لديرته و وصل لبيت جده بتحديد ...

وبس ثواني وهو ينصدم من السيارات الكثيرة قدام بيت جده وتضاربت الف فكرة بعقله وهو يشوف السيارات والواضح انها لأشخاص اغنياء وماشاف ابداً سيارات زي كذا في الديرة .....

وطلع من افكارة وهو يسمع اصوات الرجال الي طالعه من المجلس وتكلم بصدمة: " صدق وش صاير "

وطلع جواله ويحاول يتصل على سعود ويعرف وش العلم ... بس انقهر لما ماشافه يرد ..

اخذ شنطته ودخل البيت وهو يمشي يسمع اصوات الحريم:" لا عاد كذا كثير وش صاير ليه هالعالم كلها هنا .."

والتفت يمين ويسار وكان بتأمل يشوف رفا او ريفال بس مافي احد كان الهدوء مسيطر المكان ماغير الاصوات الي تجي من المجلس تقدم من غرفته وهو يفتح الباب التفت الا وهو يشوف ..

تراجعت للخلف بصدمة وهي تشوفة كيف كان طويل وضخم وناظرت لبس العسكرية الي لابسه .. رفعت راسها وهي تشوف ملامح وجهه المتجمده وقالت بخوف واضح:" ميين انت ؟!!"

ناظرها وقلبه يدق وهاذي اول مرة يشوف انثى بعد امة واخواته ..

رجع لنفسه من صوتها ناظر لها بحده ارعبت غزل:" تستهبليييين انتي داخله غرفتي وتقولي انت مين .. انتي الي مين داخله غرفة رجال الله واعلم وش كانت نواياتس !!!"

انجرحت وانصدمت من تفكيره السطحي وتكلمت وهي شوي وينزلون دموعها: "لا تحطها بذمتك انا ما اعرف البيت ودخلت الغرفة بلغلط واول ماشفت انها لرجال كنت رح اط  ..."

وسكتت وهي تشتتم نفسها ليش جالسة تبرر مو ملزومة تبرر له خله يفكر وش ماكان تفكيره بس انا سويت غلطه وبعتذر مو ملزومة ابرر له: "انا آسفة لأني دخلت غرفتك بلغلط بس ما كان تفكيري مثل ماتفكر يا اخوي ... "وشدت بكلمتها

ومرت من جنبه وراحت بسرعة ونزلت دمعه من عيونها مسحتها بسرعة وهي تحس قلبها راح يطيح من مكانه ..

اول مرة تشوف شخص صوته يخوفها كانت تشوف كيف كان جسمه ضخم وطويل مرة ولبس العسكرية كان مرة مضخمنه وعيونه من كثر ماهي حاده نزلت عيونها عشان ماتناظرها ...

وطلعت من افكارها على صوت غيم وهي تهزها:"هيي بنت شفيك تتنفسين بسرعة و وجهك احمر وشفيك كذا محتره مافي حر ؟؟"

ناظرتها وهي تمسك حبه الفاين وتمسح حبات العرق الي على وجهه: "لا لا مافيني شيء بس شوي ضعت في البيت وخفت"

هزت غيم راسها وهي تعرف اختها تخاف وتتوتر حتى من الأشياء الصغيرة

.

.

.

.

.