أنا عشقتك بداية و أنا نجم بسماك

بارت 3

سلام البارت ٣ اتمنى يعجبكم لاتنسو تصوتو و تكتبو رايكم و قراءه ممتعه ..
.
.
.
.
.
في بيت الجد مبارك فزوا كلهم لما سمعوا صوت سيارة جاسر وطلعلوا يستقبلونهم بس............. استغربوا لما ما شافوا سيارة عبد العزيز ..

علي:" يبه وين عبد العزيز ؟؟."

الجد مبارك وكان يمسح دموعه بالشماغ .. مشت ام شادن لناحيت بنتها الي واقفه كجسد بدون روح مسكت يدها. وهي تقول: "يما شادن وينه ابوتس ليه ماجئ"

ناظرتها شادن بحزن وبعدها حظنتها بقوة وشهقاتها ملت المكان ..

علي :"يباا وش فيكم ليه حالتكم كذا وش فيه عبد العزيز"

الجد بصوت مهزوز:" عبد العزيز عطاكم عمره"

الصمت عم المكان باستثناء شهقات شادن واصوات المواشي والابل الي كانت في المزرعة الي جنب بيت الجد ..

علي بأنفعال:" يايبه وش تقول انت من جدك كيف كيف عبد العزيز عطاكم عمره "

منصور وهو يحظن علي :"توفى يا علي عبد العزيز راح راح"

صرخت ام شادن بوجع:" وش تقولون انتم مستوعبين الكلام الي تقولوه"

وبعدها التفتت لشادن ومسكت وجها وجها بيدها الثنتين : "يما شادن حبيبتي وينه ابوك هاه"

ناظرتها شادن و مسكت يد امها الي كانت على خدودها وقالت بصوت حزين جداً :"يمااا.. ابوي سوى حادث وتوفى...."

قالت كلامها وحضنت امها الى واقفة مصدومة وتهز راسها بلا بعدت شادن عن حضنها وهي في صدمه :"لا لا مستحيلل مسحيلل يموت كيف يموت حنا مالنا غيرة لالا"

وطاحت على الأرض وتبكي وتصرخ وتضرب صدرها بوجع ونزلت شادن لها وحضنوا بعض بشدة والثانية تبكي على كتف الثانية ..

كانوا الكل في لحظه انهيار اول مرة يكونون بهاذا الوضع حتى ميثاء الي كانت تحقد وتكره  وصايف بس زعلت عليها مره وبكت وهي تشوف انهيارها ..

والكل عرف في وفاة عبد العزيز بن مبارك آل ****
.
.
.
.
وفي المقبرة وقدامهم قبر فقيدهم عبد العزيز كان الجد جالس ويمينه منصور ويسارة علي وقدامه جاسر كانوا قاعدين ويناظرون القبر.......

وقال الجد ببكاء:" فقدته يا عرب وشلون ابقوها واتذكر يومه يجيني وضحكته ولا محياها اتذكر كيف يغليني ودمعتي بالضيق ما اقساها ليت لو كان يمديني لكن الاحلام ما آمدها .. "

وكان بيت الجد يعمه الرجال والنساء وهم يدخلون ويخرجون وما تسمع في البيت ألا صوت القارئ عبد الرحمن وهو يرتل:" يَا عِبَادِيَ الَّذِينَ آمَنُوا إِن أَرْضِي وَاسِعَةً فَإِيَّايَ فَاعْبُدُونِ * كُلُّ نَفْسٍ ذَائِقَةُ الْمَوْتِ ثُمَّ إِلَيْنَا تُرْجَعُونَ * وَالَّذِينَ آمَنُوا وَعَمِلُوا الصَّالِحَاتِ لَنُبَوْنَنَّهُمْ مِنَ الْجَنَّةِ غُرَفًا تَجْرِي مِنْ تَحْتِهَا الْأَنْهَارُ خَالِدِينَ فِيهَا نِعْمَ أَجْرُ العَامِلِينَ * الَّذِينَ صَبَرُوا وَعَلَى رَبِّهِمْ يَتَوَكَّلُونَ * وَكَأَيْنَ مِنْ دَابَّةٍ لَا تَحْمِلُ رِزْقَهَا اللهُ يَرْزُقُهَا وَإِيَّاكُمْ وَهُوَ السميع العليم"