أنا عشقتك بداية و أنا نجم بسماك

بارت 14

وهي تسمع صراخ امها لها: يعني هم صادقيين كلامهم صح يعني سعود ماكان متعرض لتس انتي الي تبليتهه!!!

وصاحت ريما بوجع وهي تشوف امها تضربها وتشتمها ..

ناظروها شادن وريفال بحزن وانبهم ضميرهم لو ساكتين احسن لهم ولها ...

بعدوا ام جاسر وام منيف ام ريما عن ريما الي اختفت معالم وجهها من البكي ...

ام ريما وهي تلبس عبايتها وتقول بحده: امشي قدامي يا****** ...

وسكتوا كلهم منصدمين من قوة السبه الي وجهتها لبنتها ..

ام شادن: زهرة وش ذي الألفاظ السوقية ؟!!

ام ريما: مالكم شغل انتم ويالله انتي امشي قدامي ..

مشت ريما قدامها بأنكسار وخوف

وناظرتها امها وتحس للحين مابرد قلبها وناظرت فنجان  القهوة الي كان للحين حار مسكته بعصبية وهي ترميه
بكل قوتها على ريما الي صاحت بقوة لما حست بحرارة القهوة تنكب على ظهرها ...

صرخت ام جاسر: زهههرة وش فييتسس مهما سوت بنتس وعملت مايصير تسوين فيها كذا !!!! ...

ام ريما وهي صاكه على سنونها بغضب: والله لو انه الذبح حلال كان ذبحتها قدامكم !!!

ومشت وهي تمسك ريما من مرفقها وتجرها معها بعصبية ....

.

.

وبعد ماطلعوا

 
ناظرت ام جاسر ريفال ورفا وشادن وصرخت بغضب: حسبي يالله  عليكم من بنات يعنييي ماقدرتووا تنكتمون وتجلسون ساكتين هاه ؟؟؟؟

وبعدها راحت بعصبية منهم ...

.

.

.

<< عند ام ريما وبنتها >>

دخلوا البيت وهي تدفها بعصبية

وناظرت ريما امها وهي تشوف نظره العصبية والخذل بنفس الوقت ...

ام ريما: قولي لي وش اعمل بك ، ياليت ماجبتس على هاذي الدنيا ياليت ماحملت فيتس مادام هذي سواياتس الي تسود الوجه ..

وبعدها سكتت وهي تناظر ريما الي الدموع ينزلون زي الشلال من عيونها ...

ورجعت تكمل بس بنبرة هادئة: ليه ليه يا ريما ليه عملتي كذا في ولد عمك وش سوا لتس عشان تعملي فييه كذاا ؟؟؟

ريما ببكاء: يمه والله آسفه و

قاطعتها ام ريما: وش بيفيد الاسف والترجي الآن ؟ بعد ماشوهتي سمعته بين الناس وبعد ماغيرتي نظرتهم عنه من سعود الطيب والرجال الي سعود الصايع والنسونجي بنظرهم الآن ... انا ابفهم شيء واحد ليه تبليتي انه متعرض لتس ليه تبليتي عليه ظل ....