Part - 8
ညဘက်ပြဿနာဖြစ်ပြီး နောက်ကျမှအိပ်ရပေမည့် မနက်စောစောမှာပင်နိုးလာရသည်။ ကိုယ့်ရင်ခွင်ထဲ ကလေးတစ်ယောက်လိုပင် အပြစ်ကင်းသည့်မျက်နှာလေးဖြင့် အိပ်မောကျနေသူအားကြည့်နေမိရင်း ဒီလိုအေးချမ်းနေသည့်လူက ဘာလို့များပစ္စည်းဥစ္စာတွေကို မက်မောနေရတာလဲ။ ဒါမှမဟုတ်မိခင်ဖြစ်သူ၏ချယ်လှယ်မှုတွေကို နာခံနေရတာလားဆိုပြီးတွေးနေမိ၏။
တစ်အိမ်ထဲအတူနေခဲ့သည့်သုံးနှစ်လောက်အတွင်း ကိုကိုတစ်ယောက် စကားသံမာမာပြောတာကိုပင်မကြားခဲ့ရချေ။ ကိုယ်အမူအရာကအစ ညင်ညင်သာသာရှိလွန်းသည်။ ညအိပ်တိုင်းလည်း လှုပ်လှုပ်ရှားရှားမရှိ။ ငြိမ်သက်လွန်းသဖြင့် သစ်လုံးလေးချထားသလားတောင်ထင်ရသည်။ ကိုယ်နဲ့အတူနေမှာသာသူ့ဒေါသတွေခဏခဏထွက်ရခြင်းဖြစ်၏။ မထင်ထားတာတစ်ခုက လူကောင်သေးပေမည့် လက်သီးအားတော့ပြင်းလှသည်။
ဟိုဟိုဒီဒီတွေးနေတုန်းမှာပင် ရင်ခွင်ထဲကသစ်တုံးလေး လူးလွန့်လာတာမို့ မျက်လုံးအသာမှိတ်ပြီး အိပ်ချင်ယောင်ဆောင်နေလိုက်သည် ။ ပထမဆုံးကိုယ့်လက်တွေကို ဖြေးဖြေးချင်းဖယ်ချပြီးမှ အိပ်ရာထဖို့ပြင်နေ၏ ။ နောက်ကျောမှသိုင်းဖက်ရင်းအိပ်ရာပေါ်ဆွဲလှဲချလိုက်တာကြောင့်
" အမေ့! "
" ဟား!ဟား!ဟား!လန့်သွားသလား မောင်လူအေး ။
အစောကြီးရှိသေးတယ် ဘယ်ထပြေးဖို့်လဲ "
" ရုံးမသွားခင် မနက်စာပြင်ပေးခဲ့မလို့လေ "
" ဘယ်သူက အဲလိုတွေလုပ်ခိုင်းနေလို့လဲ "
" စာသင်ခါနီး ဘာမှမစားရမှာစိုးလို့ "
" ဝယ်စားလို့ရတယ်။ အပင်ပန်းမခံနဲ့ ။ ကိုကိုလဲတစ်နေကုန်ပင်ပန်းထားတာ မနက်ဖက်တော့အိပ်ရေးဝအောင်အိပ်"
" အင်းပါ မင်းမစားချင်ဘူးဆိုလဲ "
" ရော်! ဘယ်သူကမစားချင်ဘူးပြောနေလို့လဲ။ ကိုကိုချက်ကျွေးတာကို နေ့တိုင်းစားချင်တာပါနော်။ ဒါပေမဲ့လဲ ပင်ပန်းမှာစိုးတယ်လေဗျာ"
" ငါမပင်ပန်းပါဘူး "
" ဒီလောက်ချက်ကျွေးချင်နေရင် စနေ ၊ တနင်္ဂနွေပိတ်ရက်တွေမှာ ချက်ကျွေးနော် ။ ကျွန်တော်လဲဝိုင်းကူပေးမယ် ။ နော်ကိုကို "
YOU ARE READING
တွယ်ငြိခဲ့လေသော ( တြယ္ၿငိခဲ့ေလေသာ ) Uni+Zaw
Fanfictionစစ်မှန်တဲ့ ချစ်ခြင်းမေတ္တာတိုင်းကအဖိုးတန်ပါတယ်။ လိင်သတ်မှတ်ချက်ဆိုတာ အပေါ်ယံဆုံးဖြတ်မှုတွေပါ။ စစ္မွန္တဲ့ ခ်စ္ျခင္းေမတၱာတိုင္းကအဖိုးတန္ပါတယ္။ လိင္သတ္မွတ္ခ်က္ဆိုတာ အေပၚယံဆုံးျဖတ္မႈေတြပါ။
