سهيل : دخلت خاطري واباها وانا ماباخذ غير هالبنت
علياء : امييه اكييد انتي مب موافقه عليها اكييد لا تجلطيني
ام ثاني : خلني اشوف البنت واقعد معاها
سهيل : اكييد حقج هذا انج تقعدين معاها ومع اهلها وتشوفينها ع راحتج بيبلج رقم امها ودقي لها وشوفي يوم يناسبج تزورينهم البيت
ام ثاني : الحين تييبلي الرقم دامي قاعده بدق لها
سهيل : ان شاء الله
سهيل قام عنهم و دق لغلا
سهيل : شخبارج غلا سمعي انا كلمت امي وهي نص موافقه
غلا : نص بس ! عيل نكنسل الموضوع احسن دام من بدايته مب موافقه
سهيل : لا شو ع كيفج تكنسلين؟ يلااا قالتلي تبا رقم امج تبا تزوركم البيت وتقعد تشوفج وتسولف معاج
غلا : دام جي اوك بعطيك رقم امي
غلا عطته رقم امها ، سهيل راح لامه وعطاها الرقم ، بنفس الوقت دقت لام غلا واتفقت معاهم تزورهم البيت عقب يومين تشوف غلا ، ع المسى ثاني راح لعند شهد الشقه كانت روحها دخل وقعد عندها
ثاني : وين ربيعتج اليوم؟
شهد : روحت
ثاني : زين ياي اكلمج بموضوع
شهد : اسمعك
ثاني : انا بتزوج
شهد ضحكت : بتتزوج؟ منو بتاخذ؟
ثاني : وحده مب لازم تعرفينها
شهد : اوك بتتزوج وانا بعد زوجتك صح؟
ثاني : هيه مابيتغير شي
شهد : متو ناوي توديني عند اهلك؟
ثاني : هه انسي
شهد : انسى؟ مب انت قايلي فتره وبتعرفني ع اهلك؟
ثاني : بس الحين الوضع تغير انا بتزوج فيه وحده بتدخل حياتي
شهد : لالا مايمشي عندي هالنظام انا ، انت قلت بتعرفني ع اهلك صح او لا؟
ثاني : قلت صح بس الحين اسحب كلمتي
شهد : ليييش ! ثاني لين متى بتخشني عن اهلك؟ كملنا سنتين متزوجين وانت تقولي قريب وقريب والحين غيرت رايك ! شوف اذا ماعرفتني ع اهلك انا اعرف كيف اعرفهم علي
ثاني : اذا سرتي وكلمتي اهلي او قلتي لهم شي بتشوفين ثاني اللي ماتعرفينه
شهد : لا بسير وبقولهم اني حرمتك من سنتين وانت تقول بتعرفني ع اهلك ولين الحين خاشني عنهم
ثاني : عيل تعرفين شو؟ انتي طالق
شهد انصدمت : طلقتني !! ليييش؟؟
ثاني : ماحب البنت اللي تعلي صوتها وتتحداني يلا مابي اشوفج بطريقي كنتي فرصه حلوه بس انتي ضيعتيني من ايدج
