ميثه : ماتوقعت الصراحه كنت حاسه العكس بس الحمدلله يوم ثبت لي العكس
ثاني : تراج ظالمتني
ميثه : لا حشى بس انت ماتبين لي عسبت جي
ثاني : انزين بغيت اسالج سؤال قبل سالتيني وماجاوبت الحين انا بوجهه لج السؤال
ميثه : شو؟
ثاني : شرايج باللي ياخذ مسيار؟
ميثه : انسان ناقص ومريض نفسي
ثاني : ربيعي ماخذ اثنين مسيار ع حرمته ويفكر يتزوج الرابعه بس مب مسيار لا علني
ميثه : ثاني شو هالربع اللي انت ترابعهم؟ شو اللي ماخذ ع حرمته مسيار والحين بياخذ الرابعه والله محد كاسر خاطري غير هالزوجه
ثاني : لا عادي وايدين جي الحين ياخذون مسيار
ميثه بشك : وانت واحد منهم؟
ثاني : كنت بكون منهم بس انتي لعبتي بفيوزاتي وتكنسل زواجي المسيار
ميثه : لو عرفت انك بيوم ماخذ علي مسيار تعرف شو بسوي فيك؟ بخلعك
ثاني : تخلعيني عشان اخذت عليج مسيار؟ افا بس ترا عادي زواج مب معترف فيه
ميثه : مب معترف فيه بس فيه وحده غيري بحياتك في وحده تروح لعندها بدون مادري ، في وحده مهتم لها وساحب علي صدقني مابقعد عندك يوم واحد في البيت
ثاني : ع كيفج هو؟ ترا بالحلال
ميثه : دام مب موثق ولا مصدق ولا معترف فيه يعتبر حرام وقاعد تلعب بمشاعري ومخلني اعيش دور الغبيه معاك انا تنرفزت قوم ردني البيت
ثاني : شدعوه ياقلبي قاعدين نسولف خذتي الموضوع جد
ميثه : ابيك تغير ربعك لا ترابع شرات هالاشكال ماعندهم غير خراب البيوت
ثاني : بسالج ابوج شحاله احس تولهت عليه
ميثه : من متى تتوله ع ابوي انت؟
ثاني : دقي له خ نسولف شوي واسمعيه بنفسج كيف يسفل فيني ، عسب ماتلوميني يوم اطريه لج بالشينه يلا دقي
ميثه : مابي
ثاني : دقي انا اباج تدقين يلا
