سهيل : يلا زين ، نووف احبج انا لاتخافين مني بصير ابوج الثاني ان شاء الله
غلا : نوف ماعندها غير ابو واحد
سهيل : وانا ابوها المعنوي بكون
غلا : يصير خير يلا نوف خ نروح
طلعوا من الكوفي ، في الدوام عند ثاني ، امنه دخلت عنده
امنه : سوري حبيبي ادري كان ودك امس ترقد عندي بس اهلي فاجئوني ويو عندي الشقه بدون مايقولون لي
ثاني : لازم تلقين حل مع اهلج يا نغير الشقه او انج تصرفينهم و ما ايون عندج الشقه وقت مايبون
امنه : جي بيزيد شكهم فيني اكثر
ثاني : وانا مب عايبني الوضع جي كل ما ابي اشوفج بتقولين اهلج عندج
امنه : ان شاء الله بحاول اني اخليهم ما ايوني بأي وقت بس انت لا تزعل مني حبيبي
ثاني : روحوا ولا بعدهم عندج؟
امنه : هيه طلعوا الصبح معاي يعني تقدر اتيني اي وقت اليوم الشقه
ثاني : زين يصير خير لعقب خلاص طلعي برع
امته : ما تامرني على شي؟
ثاني : لا روحي
امنه طلعت عنه ، ثاني مسك تلفونه واتصل لميثه ، ميثه نشت من النوم ع تلفونها ردت
ميثه : ها
ثاني : صباح الخير
ميثه وهي مدوخه من الرقاد : صباح الخير
ثاني يقلد صوتها : راقده للحين قومي نشي هذا وانتي راقده قبلي
ميثه : شسوي اقوم ماعندي شي
ثاني : قومي تعالي طلعي بعزمج ع الريوق
ميثه : كييف اييك اطير؟ ما اسوق انا
ثاني : اخيج الحين بدبسيني معاج بالروحه والرده يوم بنعرس لازم تتعلمين باقرب وقت تفهمين
ميثه : اممم بفكر
ثاني : لا مافيها تفكيرين اليوم تكلمين اهلج عن هذا الموضوع
ميثه : ان شاء الله اي اوامر ثانيه؟
ثاني : انزين ماشي مشكله لو مريت انا وشليتج من البيت؟
ميثه : هيه تبا امي وابوي يذبحوني صح؟ ماخترت غيير يوم ابوي اجازه
ثاني : هههههههه الله يحفظج انزين خلاص يعني انتو الحين موافقين ولا بعدكم تفكرون فيني؟
ميثه : اممم ماعرف مادري امي ماقالت لي شي
ثاني : انزين قيسي النبض اليوم
ميثه : مابي ، خ امك تتصل في امي وتكلمها
ثاني : امج شو تسوي الحين؟ بخلي امي الحين تدق لها
ميثه : شفييك مستعيل انت مادري وينها راقده طالعه مادري عنها والله
ثاني : قبل الظهر بخلي امي تكلمها ، اذا في نصيب بتغدا اذا مافي بتم بيوعي لين الله يفرجها
ميثه : عن الدراما يعني امس ياين تشوفوني واليوم ع طول تبون راينا موافقين او لا؟
ثاني : هيه مستعيل ابي املج عليج بسرعه
ميثه : بصراحه انا مب مستعيله
مريم نشت ع حسها : انتي شعندج تكلمين منو في صباح الله خير
ميثه : كملي رقادج انتي
مريم : بندي ولا طلعي بررع سولفي لا تقعدين تزعجيني بمكالماتج ، هذا شعنده داق من الصبح بندي بويهه
ثاني : اوف شكلها اختج نسره ، لا تكلميني اذا هي موجوده مره ثانيه وياج
