نوف ردت لعندها قعدت تضربها ع بطنها ، ميثه تالمت ومدت ايدها ع نوف ضربتها ، غلا سحبت بنتها عنها
ميثه: ربي بنتج لا اكسر ايدها مره ثانيه
غلا : بنتي ماسوت شي بس تدافع عن امها
سهيل دخل
ميثه : سهيل ترا بنتها مدت ايدها علي وانا حامل ضربتني ع بطني وترا امنه الشاهده علي
امنه : انا مايخصني بمشاكلكم كيفيكم انتو حلوا مشاكلكم بعيد عني
امنه قامت وراحت عنهم
سهيل : ليش نوف تمد ايدها عليج؟
ميثه : صار نقاش بيني وبين غلا دزيتها من جتفها بمشي يت بنتها ومدت ايدها علي !
سهيل : خلاص حصل خير مسحيها بويهي
ميثه : اذا انتي مب قادره تربينها وديها لامج تربيها "حست بالم في بطنها" انا بسير فوق بس لازم تشوفلك صرفه مع هالياهل لعوزتنا
غلا : امووت واعرف شتبون في بنتي كلكم ماسلمت من احد بهذا البيت
ميثه صعدت فوق عنهم
سهيل : بنتج كيف تمد ايدها ع مرت اخوي؟
غلا : تدافع عن امها
سهيل : انتي ماتعرفين تعلمين بنتج الصح من الغلط؟ الحرمه حامل مابنسلم من لسان اخوي ولا اهلي لو صار لها شي
غلا : وايد هامتنك يعني؟
سهيل : ولا همتني بس بنتج وايد لعوزتني ترا قمت اطفر منكم والله
