"عند البنات بالمدرسه تحديدا بالفسحه"
ميان : بنااات قلوسي عدل؟
سيرين : ايوا
رحمه : من عندها عطر؟
سيرين : بشنطتي خذيه
لمار : طيب بنات شعري عدل؟
ميان : كم مره سالتي وقلنا اي
لمار: مو مقتنعه
قعدو يتمشون بالساحه الخارجيه ومرت وحده وكتمت ضحكتها سيرين
لمار بضحكه :ليه تضحكين؟
ميان يضحكه : شافت المتخلفه هههههه
فطسو البنات ع كلمه المتخلفه
البنت سمعتهم وهم يضحكون عليها
البنت : هي انتي وهي! تبون تباتون بالاداره شكلكم!
سيرين رفعت حواجبها من كلامها
وميان ضحكت بشر : سويها محنا خايفين منك ولا من اداراتكم
البنت بشر : بس لما يوصل العلم لاهلكم!
سيرين : اقول بس ذللفييي ولا صوت ولا همس
البنت : طيب هين
ومشت وهي معصبه وشوي وتصيح
صرخت لمار وهي تضحك : صيحي صيحي صاحتتتت
ميان بطنازه : وين وتقولون عني دلوعه شايفينها ؟ تصيح على كلشي
رحمه : الحين مو على كذا الحين لو الاداره كلمو اهلنا صدق؟
سيرين : الصراحه انا حطيت رقم اخوي ولي الامر يعني بيجي لاخوي واخوي مستحيل يحكم بدون م يسمعني
لمار: أتوقع اقدر ابرر لاهلي
رحمه : وانا لانه يعرفون حركات المتخلفه ذي ههههه
لفو كلهم على ميان
ميان : بسم الله
البنات : وانتي؟
ميان: معرف يمكن يعصبون شويتين اهلي
سيرين : إذا عصبو قوليلي واخلي سيف يجيبني عندكم اتكلم مع خاله الريم
ميان : تماام
وضحكو البنات وهم يسولفون
"عند سيف"
دخل محاضرته وهي توها تبتدي اخذ نفس وهو مبسوط انه م تاخر بدت المحاضره وقعد مركز ع الدكتور وكل شي كان يكتبه
دخل ناصر المحاضره وقعد يم سيف وهو يتأفف من تأخيره
ناصر : يارب م يشوفني
سيف قعد حواجبه : انت؟
ناصر ابتسم : انا ناصر
سيف هز راسه بابتسامه ورجع يناظر الدكتور
ناصر بنفسه وهو يشوف دفتر سيف : شدخل ذا بالهندسه؟ وي
لاحظ سيف استغراب ناصر بس كان ساكت وبعد مده
سيف : إلا ي ناصر
ناصر : سم
سيف : سم الله عدوك ، وش تخصصك؟
ناصر : انا معاك وتسال
سيف: لا بس شفتك مستغرب
ناصر ضحك : هندسه
رفع حاجبه سيف : بس ذي محاضره لطب
ناصر انصرع : احلف!!
سيف كتم ضحكته : شكلك مستجد
ناصر : وين تراني لي ثلاث سنوات هنا
سيف : وتدخل بمحاضره طب؟
ناصر انصرع ومو عارف شيسوي ووقت التحضير حاول ينحاش وانحاش وقعد ينتظر سيف يم الباب
"بعد مده خرج سيف"
ناصر : م قلت لي اسمك؟
سيف : اسمي سيف بن تركي آل سلطان
ابتسم ناصر : ونعم
سيف لف ينتظره يقول اسمه وعايلته
ناصر فهمه ونطق بهيبه : اسمي ناصر بن سعود آل سلمان
سيف : ونعم إلا اقولك لا تغلط هل غلطه ترا بعدين يجيك حرمان
ناصر : فاهم عليك ي سيف وتشرفت بمعرفتك وكنت انتظرك عشان اشكرك انك وعيتني والله
سيف بابتسامه : ولا يهمك
ناصر : شرايك تعطيني رقمك م عندي اصحاب هنا
ضحك سيف : وشو اصير صديقك
ناصر بتعجب : م صرت صديقي؟
ضحك سيف على حركات ناصر وعطاه رقمه ومشو للكفتريا وبعد مده مشى سيف عشان ياخذ اخته وانهى الحديث مع ناصر
"راح سيف مدرسه اخته وانتظرها بسياره بعد م قال للحارس ينادي سيرين آل سلطان
" بالمدرسه "
سيرين : توقعت يتأخرون علي لان بابا قال بيتاخر
ميان : وانا مدري من بيجي لي
سيرين : تعالي معي لا تتوهقين لحالك هنا وبابا يعرفك بعد
ميان: لا منجدك بصير نشبه مايصير
سيرين : ي بنت الحلال امشي بابا مستحيل بيقول شي انتي بحسبه بنته
ميان : طيب شسوي إذا اخواني جو وش اقول لهم بالبيت
سيرين : قولي لهم انكم تاخرتو وصحبتي اصرت اروح معها عشان م اقعد لحالي
ميان فكرت بالموضوع وعشان م تسكر المدرسه هي قررت تلبس عبايتها وتروح مع سيرين وبالفعل راحت
سيرين وهي تضحك : وين بابا
شافت سياره سيف واستغربت : شكل اخوي الي جا
ميان : تكفين سيرين اعتقيني دام اخوك جاي لك
سيرين : شدعوا ميان مابياكلك وانا معاك امشي
مسكت يدها سيرين ووقفت ميان وركبت سيرين السياره
سيرين : سوسو
سيف: سيف
سيرين : لا تنافخ سيف
سيف : عيوني
سيرين : صديقتي اخوانها ببتاخرون عليها عادي توصلها؟
سيف : خليها تركب ياعيني
سيرين رسلت له بوسه من بعيد ونزلت لميان : يلا اركبي
ميان وهي تتحلطم من داخلها ع سيرين الي كانت فاهمتها وركبت السياره ورا ميان
ميان : السلام عليكم
سيف : وعليكم السلام
سيرين ابتسمت : إلا سيف
سيف : امريني
سيرين : قلت لميان تدق ع اخوانها من جوال بابا وطلعت انت موجود هنا ف عادي تعطي ميان جوالك تدق ع اخوانها تطمنهم انها طلعت معي
سيف : ابشري
فتح الباس حقه وعطاها الجوال وهو يحاول يناظرها من المرايه الي بنص
خذت ميان الجوال ودخلت على رقم ناصر علطول لانه ناصر الوحيد الي ماراح يعصب
ميان استغربت انه رقم اخوها مسجل عند اخو سيرين! م اهتمت ودقت عليه ورد بعد شوي
ميان : ناصر
استغرب سيف لما سمع ناصر وحاول يناظرها وشاف شعرها الأشقر وعيونها العسليه الي من الشمس كانت واااضحه وبشرتها البيضه المغريه ! حاول يصد النظر عنها لاكن م قوة وبعدها لف بسرعه من تذكر انه أصلا هي امانه عنده الحين
ناصر: سمي
ميان : ناصر ترا سيرين اصرت علي اطلع معها لان م باقي احد بالمدرسه
ناصر : زين م سوت خلاص روحي البيت
ميان بهمس : ناصر م يدل بيتنا اخوها برسل لك الموقع بيتهم وتعال
ناصر : بيت سيرين؟
ميان: اي
ناصر : ايه خلاص بجيك اعرفه
ميان : يلا مع السلامه
سكرت ومدت الجوال لسيرين وسيرين خذته وعطته سيف
ميان: شكرا
سيف: العفو
سيرين :كان قلتي له يجيك بعد الغدى
ميان : سيرين شنو فوق م اني جايه بدون موعد اقعد لين الغدى طبعا لا
سيرين : ميانو لا تعصبين بس صدق لازم تتغدين معنا
ميان : مو لازم ياروحي
سيرين : إلا عاد
ميان : سيرينو
سيرين مدت يدها وسكرت فمها بمعنى بسكت
سيف ابتسم من عرف اسمها "ميان"
وصلو البيت وطفى السياره سيف ونزلو
سيرين : تخيلي شريت مياو جديده!
ميان بضحكه : تكفين أبعديها عني مو نفس ذيك الي لحقتني البيت كله!
سيرين : حرام عليك والله كيوت تصدقين حتى سيف م يحبها يقول كله شعرها يصير بملابسه
سيف رص عيونه بابتسامه : وانا صادق عند ربي
سيرين : بس بالله ي سيف مو كيوت؟
سيف: يعني
ميان وهي تضحك : انتي الكيوت
شاف ضحكتها وابتسم ودخل وصعد غرفته
سيرين: شفيه ذا هل مطيور
ضحى: ميان! زارتنا البركه
ميان بفشله: ي خاله والله اني اسفه جايه بدون سابق انذار
ضحى بابتسامه : بيتك ومكانك ياروحي لا تقولين كذا
ميان بابتسامه : الله يعطيك العافيه ي خاله
سيرين: ماما ترا ميان مهي راضيه تتتغدى معنا!
ضحى: دامك دخلتي البيت ماراح تطلعين منه إلا وانتي متغديه ي ميان
ميان : والله م اقدر اقولك لا ي خاله بس على ناصر
ضحى: الحين كلميه ولا اخلي سيف يكلمه
سيرين يضحكه وحماس : يسسسس
ميان ابتسمت على حركه سيرين
سيرين: أجل انا وميان رايحين الغرفه نبدل على م تحطين الغدا وتتجمعون
ضحى: ابشروو
وصعدو فوق سيرين وميان
أنت تقرأ
"شفت بعطرك الحُب وشفتني بعيونك الهياام"
Science Fictionتتكلم عن سيف بن تركي الي همه الدراسه وم يهتم لاي بنت بحياته غير نفسه بيوم يوصل صديقه اخته معه ومن شاف عيونها وهو هيمان فيها لكن م يدري هل تكن له بمشاعر او لا؟
