صحت ميان الساعه 9 وقامت تغسل وجها وتفرش اسنانها ونزلت شافت ناصر وثامر وامها وابوها قاعدين بالصاله ابتسمت وقعدت معهم
ميان: مساء الخير
الريم: مساء النور
ميان: وش تسولفون فيه
ثامر: امي رجعت لطاري من جديد ي ميان!
ميان : اي طاري؟
الريم: اقوله تزوج مهو راضي أنا ابي أشوف أحفادي منه!
ميان ضحكت: ماما! كم مره قلنا لك خليه لين هو لحاله يقولك ابي اتزوج
ثامر لف وهو يتافف ويناظر امه : انتظري وانا الي بقولك روحي خطبي لي ذي الانسانه بوقت الفلاني وانا ابي هل بنت وانا اللي بوديك بيتهم شخصيا
ولف يكمل: تصبحون على خير
صعد غرفته
ميان لفت على ناصر وضحكت وناصر بنفس الوقت لف عليها يضحك
الريم : شقصده ذا
ميان : الرجال يحب شكله هههههه
ناصر : اعوذ بالله محامي ومحامي وبنهايه كذا!
ميان رفعت حاجبها: محامي وم يحب يعني؟
ناصر : م قلت كذا انا ههههههههه
الريم : بنشوف تحب ولا م تحب بالمهندس
ابتسم ناصر من تذكر سيرين ولف على امه : نفس كلام ثامر
ميان فتحت عيونها: ناصررررر؟؟؟
ناصر ضحك وانحاش
ميان تركض وراه : منو علمني والله م اعلم احد !
ناصر : انا ماحب احد والله بس قلت انه لو لو
ميان تنهدت وهي تعرف عن حب سيرين لناصر : عوافي يلا المهم نوم العوافي
ناصر كشر: وش فيك
ميان : معرف
الريم: يمه ميان ناصر تعالو
اتوجهو ناصر وميان لهم
الريم: انا وأبوكم بنسافر بكرا رحلتنا الساعه 7 الصباح
ناصر : يمه أنا بكرا بطلع متاخر من المحاضرات وبروح بيت صاحبي وثامر معي من بيقعد مع ميان؟
ميان : لا تاكل همي بقعد هنا مع ميرلي ولا بعزم صحباتي عندي
ناصر : زين اجل
الريم : حلو حلو عزمي صحباتك وانا بوصي ميرلي تجهز اطباق لكم
ميان ابتسمت : ان شاء الله يمه
ناصر : إلا كم يوم سفرتكم
سعود : يوم وراجعين
ميان وهي تحضن ابوها : واجد بشتاق لكم
ناصر : بس يادلوعه
ميان: مالك دخل
الريم: إذا ودكم روحو لإيلان غيرو جو ومناف قالي بيجي هل يومين لكم
ميان ابتسمت : والله وحشتني ايلان ووحشتيني وريف بنتها
ناصر ضحك: مره لازم نروح نزورهم
ميان : وافقت
الريم : اجل يلا م تبون عشا؟
ميان: إلا أكذب إذا قلت مو جوعانه!
ناصر: انا مابقى عوافي عليكم بروح انام واشوف ثامر وش صاير معاه
ميان: تكفى نقل لي علوم
ناصر: على ذا الخشم
صعد ناصر وهو يضحك ووقف يناظرها : ولا تتأخرين على الباص ويمشي عليك بكرا محاضراتي بدري يعني بتاكلين زق من كلام ثامر لك
ميان ابتسمت: ماعليك لا تاكل هم
الريم : لا تقول عن اخوك كذا
ناصر ابتسم وهو يصعد : محشوم اخوي يايمه
"عند عائله آل سلطان "
بالصاله كانو سيف وسيرين قاعدين
سيف : إلا سيرين
سيرين : هلا
سيف: ذي صديقتك ميان
سيرين: ايوا شفيها؟
سيف : مدري بس شسمه من متى تعرفتو ع بعض ؟
سيرين: واي من زمان من ايام بدايات المتوسط
سيف: اها
سيرين رصت ع عيونها وهي تناظره : سيف وش نيتك؟
سيف فتح عيونه بصدمه: وش في نيتي؟
سيرين: مدري احسك م وقفت تفكير فيها
سيف : انا؟
لف وجهه وهي علامه انه كذاب : ولا دريت عنها
سيرين بضحكه : ودليل انك لفيت وجهك ي سيف
سيف لاحظ وقام : بروح انام
سيرين: اي تهرب
سيف ضحك على جنب وانحاش
لفت سيرين وهي تناظر يدينها وتخيلت لو انه هي زوجه ناصر وميان زوجه سيف ابتسمت على جنب وكانت ساهيه بتفكيرها الين م صحتها رساله من ميان بالقروب أفتحتها وهي تبتسم وتقرا
ميان : بنات كلكم معزومين عندي ع الغدا وعلى العشا وبتاخذون راحتكم ع الاخر ماراح يصير بالبيت غيري انا وميرلي عاملتنا وم اقبل اي اعتراض!
لمار: تم
رحمه: ع ذا الخشم
سيرين : من عيوني
لمار: خل نكشخ ونلبس فساتين كشوخيه!
سيرين: تمام
ميان : وافقت
رحمه:ازهليها
قفلت الجوال ميان وهي مبتسمه وصعدت فوق تدور لبس حق بكرا
أنت تقرأ
"شفت بعطرك الحُب وشفتني بعيونك الهياام"
Science Fictionتتكلم عن سيف بن تركي الي همه الدراسه وم يهتم لاي بنت بحياته غير نفسه بيوم يوصل صديقه اخته معه ومن شاف عيونها وهو هيمان فيها لكن م يدري هل تكن له بمشاعر او لا؟
