نسمه الريان

الحلقه العاشرة

.
الفصل العااشر

الطبيب : للأسف الضربه الي خادها على دماغه كانت صعبه وده سبب ليه شلل نصفي

سالي بصدمه : اييي شلل يعني خلاص مفيش امل يرجع يمشي تاني

الطبيب : اكيد الأمل  موجود بالعمليه لكن نسبة النجاح ضئيله جدا لكن  مفيش حاجه بعيد على ربنا المهم حاليا نفسية المريض عشان يتأهب للي جاي الف سلامه عليه عن اذنك

وقفت أمام الغرفه وهي تائهه لا يعي عقلها كل ماحدث ترُي  كيف سيواجه هذه الصدمه ويتقبلها... 

فجأه رن هاتفه الذي بيدها وكان اخوه مراد ترددت بالرد ولكن يجب أن يعرفوا فتحت الهاتف ورفعته وقالت بصوت حزين : الو

مراد: سالي مراد فين بقالي كتير برن ومش بيرد هو فيه حاجه حصلت

بدأت سالي في البكاء وقالت : يونس يامراد

مراد بقلق:  حصل اي ياسالي

سالي : احنا كنا.... وحكت له كل ماحدث لهم

مراد : اي انا جاي حالا  

اغلق معها  وهرول سريعا الي المشفى ليطمئن على أخيه..

في مكان آخر في عند مي

كانت تجلس في الشرفه بحزن وشارده تتذكر كل شيئ بينهم وفي كل مره كانت تجرحه بأسلوبها الجاف وهو يقابلها بإبتسامه حنونه والآن فقدت كل شيئ  ابتعد عنها كليا  افتقدت لمحادثاته لخوفه عليها سؤاله الدائم عليها  ولكن هل سيُرجع الندم هذا  لا تظن ففي آخر لقاء بينهم  ماتت نبرته الحنونه وحل محلها اللامبالاة نظرة عينيه انطفأ لمعانها هل يعقل هل فقدته للأبد...

وضعت وجهها بين كفيها وبكت وفجأه وجدت امها تدخل الغرفه فمسحت دموعها سريعاً

عبير :مالك ياحبيبتي

اخفت مي وجهها وقالت : مفيش ياماما 

عبير بشك : متأكده

مي : ايوه ياحبيبتي متشغليش بالك حضرتك كنتِ عايزه حاجه

عبير : اه عايزاكي ترني على مراد عشان  فوني فاصل وانا قلقانه عليه هو ويونس بقالهم اسبوع متصلوش

توترت من فكرة ان تحدثه لأنها تعلم انه لن يرد عليها

عبير : انتي يابنتي سرحتي في اي يلا  انتي مبلمه كده ليه

انتبهت مي على صوت امها وقالت :ها حاضر هرن اهو

أمسكت الهاتف وضغطت على رقمه  وتمنت ان يجيب

مي : اتفضلي 

أمسكت امها الهاتف ورفعته وانتظرت الرد لكنه أعطاها انه مغلق 

عبير : لا انا كده قلقت اتصلي علي سالي انا مش مرتاحه وحاسه ان في حاجه

مي: حاضر