الشوق يكبر وقدرك بالغلا يكبر شف ودّك اللي خذاني وين وداني من كثر ماشتاقلك وأغليك

Part 1

في احدى احياء الرياض و تحديداً حي الياسمين دخل خالد بيته وهوَ يسمع صراخ ميرا و تركي و امجد وماجد و راح لهم غرفه الالعاب الالكترونيه ولقاهم يلعبون كود ابتسم وهوَ يتاملهم بحب طلع و توجه المطبخ وهوَ يشوف زوجته تطبخ هيَ و ابرار و ريم توجه لزوجته وهوَ يحضنها و تنهد و هوَ يشم ريحتها الي كانت كريمات تفتح النفس ابتسمت شموخ بخجل وضحك على خجلها وقالها
خالد : وشبك لا يكون سويت شيء غلط !؟
شموخ : يعني ما تشوف بناتنا هنا هيَ وطاقم الخدم ؟
ضحك خالد : ما يهمني انتِ حلالي و زوجتي
تمحممت ريم : طيب يا العاشق الولهان عبرنا يكفي ان ما نشوفك كثيير
ابعد عن زوجته و هوَ يروح جهتها و يضمها ويحب راسها
خالد : ها عسى رضيتي علينا يا دلوعه ابوها
ريم : الله و اكبر اللحين انا دلوعتك و يوم تجي ملهمة روحك تنساني
ضحك خالد : هههههههههههههه افا يا ابوك شايله علي لهدرجة
بعدت عن ابوها و تقول : مو شايلين عليك لكن الي يشوف دلعك لها يقول انها وحيدتك ما كأن عندك غيرها
خالد : اعوذبالله اكلتيني بقشوري انا اهرب ازين لي لان واضح نهاية هالكلام بيتمحور بطريقه سلبيه
ريم : اي دايم تشرد اذا تكلمنا عنها
ابرار ضحكت وهي تحب راس ابوها : معليك منها يا ابوي تدري انها تمزح معك روح ريح يا حبيبي على ما نجهز الغداء
ابتسم خالد : ادري يا عيوني انتِ يالله انا اطلع ابدل و اشوف اخوانك تبون شيء
ردوا سوى ب لا و بردود مختلفه :
بحفظ الله , استودعتك الله , الله معاك
شموخ : الله يهديك يا ريم من دخل ابوكِ قمتِ عليه خليه يتنفس على الاقل
ريم : امي انتِ تعرفين اني امزح معه
ابرار : اشك بأن بينفتح موال جديد يلا خلونا نخلص الغداء الناس حدها جيعانه وجايه من الدوامات
شموخ : يلا وانتِ صادقه
دخل تركي : يمه شموخ ابي انام عندكم اليوم ؟
شموخ : افا عليك يا حبيبي احطك بعيوني
ابرار ناظرته وبرفعه حاجب : لا يا شيخ والمدرسه مين الي بيداومها لتكون بتغيب يا شاطر ؟
تركي : يا امي يا روحي انتِ بالله مين بيداوم بهالاسبوع الي قبل الاجازة المطوله بسحب واخلي الاجازه اسبوعين بدل اسبوع و بعدين متفقين نحنَ و عيال خوالي نجتمع عند جدي و نسهر
ناظرته ابرار : لا يا حبيبي كلامك ذا ما يمشي عليَ بتداوم يعني بتداوم كلامي ما فيه رجعه و نومه عند امي ما فيه
دخلت ندى بقهوتها : يا خي لا تضغطين عليه وخليه يفلها نسينا ايام ما كنا نسحب و نمثل بس عشان نفتك منها
راح لها تركي وهوَ يحضنها و يهمس لها : تكفين يا خاله علميها واقنعيها بنسوي فعاليات مع عيال خوالي
ضحكت ندى وهمست له بنفس همسه : بحاول معها لكن لا تزعلها اذا رفضت اتفقنا ؟
تركي : ابشري بس اقنعيها
ندى : خلاص فهمنا روح يلا اطلع وقول للاحفاد كلهم يجلسون مع ابوي لين نجهز الغداء
طلع وهوَ يقول : ابشري يا دكتورة قلبي
ضحكت ندى : يا هالولد عليه حركات
ريم : سيبنا من هالولد و قولي لي متى تبطلين هالقهوة
ندى : يختي ما اروق الا عليها
ابرار : مضره بصحه وبعدين تضر قلبك يا دكتورتنا
ندى برفعه حاجب : لا من قال بعدين انتو كل ما شفتوني سديتوا نفسي عنها
شموخ : لا يا ماما مو سدت نفس بس هيَ مضره عليكِ وكونك دكتوره فاكيد تعرفين اضرارها والحين سيبونا من ذي السالفه ناسين ورانا غداء يلا
كملوا تحضيرات لغداهم
نسيبهم ونروح بعيد شوي و تحديدًا جامعه الملك سعود كانت جالسه بالكافتيريا و تطالع البنت المعجبه فيها وبشده هزتها رند صحبتها بعد ما ملت من مناداتها
رند : بنتتتت شهد
شهد : هاااااا وش تبين ياخي
رند : وشبك ؟ من اول اناديك وين عقلك
عائشة : ياختي كانك ناسيه انها صارلها شهرين وهيَ تطالع بنت القانون
رنا : ايت ؟ لا تكون حفيده آل حميد
عائشة : اي هيَ
شهد : و شبكم كذا كانها مو عاجبتكم شفتوا شيء منها ؟
رنا : لا بس يعني احس انها ما عندها احد الا صحبتها الي تدرس محامه و اخت صحبتها الي تدرس نيابه عامه
عائشة : ممكن ما تحب تصاحب احد يختي او اخذه موقف خلوها براحتها
لفت رند على شهد و شافتها سرحانه : شهددددد قلنا اعتقي البنت خلاص
عائشة : ما ينفع معها الكلام سيبوها
شهد : يا بنات بالله عليكم جمالها ما يجذبكم ؟
ضحكت رنا : الا ما شاء الله عليها و تحسينها كشخة
شهرزاد : طيب خلاص فهمنا زفيتوها غزل و هيَ مو داريه عنكم
لفو عليها البنات مستغربين منها و من كلامها عنها
قالت عائشة برفعه حاجب : خير شهرزاد اذا مزاجك اليوم مو رايق لا تاذين خلق الله بكلامك وبعدين مو كل شخص بيتحمل كلامك !؟
قامت شهرزاد منزعجة وهيَ ببالها شيء ناويته
قالت رنا : عائشة ما تحسين قسيتي عليها شوي
ناظرتها عائشة : لا ما قسيت بعدين متى ما حبت ضحكت وروقت و اذا نفست تقلب ام مزاجنا تعبنا ونحنَ نتأقلم معها
قامت رند تشوفها مسكتها شهد و هيَ تقول : خليها لعل وعسى تطلع الي بداخلها انا بروح اكلمها بس اشوفها تهدى