اروى: اقول بنات سمعتوا الخبر؟
* شيخه و مهره و ميثه *: شو؟
اروى: علي تضارب ويا ذياب
مهره: حلفي بس!!
اروى: والله
ميثه: اخخ هذيلا ما يتوبون كل يوم ضرابة
شيخه: ما عندهم سالفة لاه
مهره: متى تضاربوا؟
اروى: امس ما شفتيهم؟ كانوا متجمعين قدام بوابة المدرسة
ميثه: انزين ليش كانوا يتضاربون؟
اروى: عشان ذياب غلط على حبيبته
شيخه: شسالفته ها كل يوم حبيبة يديده
مهره: من حبيبته؟
اروى: يقولون انها هيا
شيخه: لحظة هيا ما غيرها؟؟
اروى: ايوه هي شفتها معاهم
ميثه: يعععع والله كريهه
مهره: صدقج
شيخه: اقول سكروا الموضوع بديت اتلوع
* دق جرس الحصة الأولى *
ميثه: شو علينا؟
مهره: رياضيات
ميثه: اوففف من صباح الله خير رياضيات
اروى: يلا نروح الصف قبل ما الابلة تعصب علينا
شيخه: يلا
* الابلة قاعده تشرح الدرس و كلهم منتبهين معاها الا شيخه *
شيخه في داخلها: * اوفف راسي يعورني مب قادرة اشيل مخي من هذاك الولد اللي في الحلم *
* مهره لاحظت ان شيخه فيها شي فقررت تسألها بعد ما تخلص الحصة *
* دق الجرس و مهره راحت يلست عند شيخه *
مهره: شيخه شفيج طول الحصة ملاحظة انج ما مركزه في شرح الابلة و هذا مب من طبعج
شيخه: بقولج شي بس توعديني انج ما تخبرين حد؟
مهره: افا عليج سرج آمن عندي قولي بس
شيخه: اوك بس لا تخبرين حد لأن هذا الشي حتى اهلي ما خبرتهم
مهره: اوك بس قولي
شيخه: انا اليوم حلمت عن شخص و هذي خامس مره انا احلم عنه ما عرف ليش دايما احلم فيه
مهره: و انتوا شو تسوون في الحلم؟
شيخه: كنا يالسين تحت شجرة و نسولف و نضحك ويا بعض و كان مرات يفضفض لي
مهره: لحظة ليكون-
شيخه: يا زقققق
مهره: هههههههه امزح كملي كيف كان شكله
شيخه: كان بشرته لونه حنطية و عيونه بني غامق و كان شعره لونه اسود كثيف و ويهه مب غريب علي احس اني شفته من قبل
مهره: شيخه انتي الحين يالسه توصفين فارس احلامج ولا الولد اللي في الحلم
شيخه: هههههه تنكتين انتي و ويهج اقول انطمي بس
* بعد مرور وقت دق الجرس و يا وقت الفسحة *
هيا: بناااتتت شفتوا حبيبي علاوي كيف كان يغار علي
نور: زولي انتي و حبيبج
منى: اخر شي يروح يخونج و يبدلج بوحدة ثانية
هيا: اوففف انتوا شفيكم غرتوا من علاقتنا يالحسودين
نور: و ليش اغار و معاي ذيوبييي
هيا و منى: يععععع
شيخه: بنات يعععع سمعتوا هيا شو تقول
مهره: يعععع والله تفشل
اروى: اصلا حبيبها كل يوم مع وحدة و هي مصدقة انه يحبها
ميثه: صدق انها غبية
شيخه: نعم انه
* مر الوقت و صار وقت الانصراف و شيخه ودعت صديقاتها و قررت تروح البيت مشي بروحها بس فجأة..... *
شو تتوقعون صار؟
