*في اليوم الثاني قامت شيخه من النوم و تجهزت و راحت المدرسة*
شيخه: سلام عليكم بنات
مهره و ميثه و اروى: و عليكم السلام
شيخه: شحالكم
مهره: بخير الحمدالله
اروى: هي صح شيخه شو كان هذاك الشي اللي خبرتي مهره امس؟
ميثه: هي تكفين قوليلنا ما قدرت انام من كثر الفضول امس
مهره: خيبه
شيخه: اوك بقوللكم بس لا تخبرون احد هذا سر بيننا
ميثه و اروى: تم
شيخه: تذكرون لما قلتلكم عن هذاك الولد اللي تضارب ويا علي و عطاه بوكس؟
اروى: هي ليش؟
شيخه: لأني كنت يالسه احلم عن شخص و طلع هو اللي كان بحلمي
ميثه: امبيييهههه
اروى: اوببب يا شيخه طلعتي رومنسيه تحلمين و حركات
شيخه: شدخلللل
مهره: المهم انا و شيخه قررنا يوم يخلص الدوام نروح مع بعض عشان ندور ع الولد
ميثه: شتبون فيه🤨🤨؟
مهره: عشان نعرف اسمه
اروى: فاضيين تراكم
شيخه: اوصصص
* عند سلطان *
صالح: ليش ويهك يخوف
سلطان: ما نمت اليوم
صالح: تفكر عن هذيج😏😏
سلطان: خلااصصص
صالح: يلا الحين بنوصل المدرسة و بتتضارب ويا علي
سلطان: عكيفك
صالح: شوفه يالس يناظرك يترياك
سلطان: ياكل زعتر والله مب متفيج له
علي: يلا تعال ضاربني يالخواف
سلطان: مب متفيج
*سلطان دخل بوابة المدرسة و ما عطاه ويه*
*فجأة علي هجم ع سلطان بس شافه معلم و هده منه*
المعلم: شفيك انته مينون من صباح الله خير تضارب الناس
علي: هو اللي بدا
معلم: كذاب انا شفت كل شي و هو ما سوالك شي روح عند مكتب المدير يلا
*علي راح مكتب المدير*
صالح: ويووو
سلطان: انطم يالياهل يلا نروح الصف قبل لا تستوي مشكلة
*راحوا الصف*
*صار وقت الانصراف و شيخه و مهره راحوا نفس مكان مس عشان يشوفون سلطان*
مهره: اوف وينه ها
شيخه: تونا طلعنا من المدرسة صبري
*فجأه لمحوا سلطان*
شيخه: مهره شوفي هذا هو
مهره: اوك يلا نروح له
شيخه: اوك بس انتي تكلمينه
مهره: عكيفج
شيخه: هي عكيفي
مهره: اوك خلاص
سلطان: نعم شتبون؟
مهره: شو اسمك؟
سلطان: شدخلج
مهره: يبوي قول اسمك و خلاص
* فجأه سلطان لمح شيخه و عرف انها البنت اللي انقذها*
سلطان: لحظة انتي البنت اللي كنتي ويا علي؟
شيخه: هي
سلطان: انا سلطان انتي من؟
شيخه: انا شيخه
مهره: لا والله عيل يوم انا سألتك عن اسمك ليش ما تجاوب؟
سلطان: شيخه ربيعتج ملقوفه
شيخه: وايد امزح ههههههه اسفه مهره
مهره: زولوا لاه
مهره: اقول شيخه يلا نروح البيت تأخرنا
شيخه: لحظه-
*مهره مسكت ايد شيخه و خلتها تمشي غصب*
يتبع......
