مسكت ايد شيخه و خلتها تمشي غصب*
سلطان: شفيها هاي
شيخه: يا غبيه ليش سويتي جي
مهره: سلطان ما عيبني اسلوبه زفت لا تروحين معاه خلاص
شيخه: من قال اني انا بروح معاه انتي اللي قلتي خلنا نروح عنده
مهره: محد قالج تحلمين فيه
شيخه: شدخلللل
مهره: المهم خلنا نروح البيت
شيخه: يلا
*شيخه وصلت مهره لبيتها و بعدين راحت بيتها و فجأه شافت انه حد مطرشلها شي فالانستا*
شيخه: لحظة شو ها؟
*شيخه شافت المسج و الفيديو*
هيا: اذا ما عطيتيني المبلغ الي اباه بنشر هالفيديو عبر كل المواقع الإلكترونية و بخليج فضيحه عند الكل
شيخه: * يا ربي هاي شو تبا الحين! *
شيخه: انتي منو و شو تبين مني؟!
هيا: انا عدوتج و كابوسج يا شيخه و بتشوفين
شيخه: لحظة اوك برسلج المبلغ بس لا تنشرين المقطع و حذفيه
هيا: المبلغ اللي اباج تدفعينه هو ١٠,٠٠٠٠ ريال و بعطيج مهله من اليوم لين باجر عشان تسددينه
شيخه: يبوي انتي تستهبلين من وين اييب هالمبلغ؟؟
هيا: اذا عادي عندج اني انشر هالمقطع و اخرب حياتج عيل تقدرين تنسحبين و ما تدفعين
شيخه: اوك خلاص بدفع بس لا تسوين شي
هيا: بنشوف باجر
*شيخه رايحه غرفتها و هي فيها صيحه*
شيخه: يربي انا شسويت عشان يصير فيني جي ليش دايما انا
*شيخه تنهار صياح و تحشر وجهها بالمخدة*
شيخه: *بكلم ربيعاتي اشوف اذا يقدرون يساعدوني*
*شيخه كلمت ربيعاتها و خبرتهم السالفة*
مهره: شيخه لازم تخبرين الشرطة ترا هذا يعتبر ابتزاز
شيخه: هي عشان اهلي يذبحوني
ميثه: ترا اذا طنشتي الموضوع بيتمادا اكثر
شيخه: اذا ما تبون تساعدوني عيل خلاص انا بدبر المبلغ
اروى: شيخه ما يستوي جي انتي ما تقدرين تدبرين
*شيخه طلعت من القروب*
*فجأة وضحى دخلت غرفة شيخه و شافتها تصيح*
وضحى: شفيج تصيحين؟
*شيخه خبرتها كل شي*
وضحى: لا من وين تييبين هالمبلغ ما تقدرين انا اعرف واحد يقدر يهكر حسابات انستا و يحذفهم
شيخه: صدق؟
وضحى: هي بس بفلوس
شيخه: انا مستعده ابيع كليتي لو تبين بس خليني افتك من هالمصيبة
وضحى: عيل خلاص خلنا نتجهز العصر عشان نروح
شيخه: كفووو يالاخت البطلة بس اقولج هو وين؟
وضحى: قريب من حارتنا خلنا نتريا و براويج
يتبع......
