قصة أبطالنا : عبدالعزيز يحب أمجاد من يوم كانوا صغار ولانهم تربوا مع بعض وهي تحب واحد غيره تعرفت عليه من برنامج من البرامج وحبته وتحسب انه عبدالعزيز وروان يحبون بعض بس ماتهتم لانه ماتحبه اساساً
قبل ٤ سنوات تقريباً
كانت أمجاد جالسه ف غرفتها دخلت برنامج من البرامج وجلست تسولف مع واحد وكان اسمه سلطان
تعريف بسيط عن سلطان : سلطان شخص لعّاب ودايم يقابل بنات وكل يوم مع وحده لكن شخصيته حلوه
أمجاد : اهلين
سلطان : هلا والله
أمجاد : كيف الحال
سلطان : بخير نحمد الله
أمجاد : ترا والله اول مره ادخل البرنامج واحس اني مسويه ذنب بس من الطفش هههههههههه
سلطان يبي يجيب راسها : كلنا والله انا تقريباً ذي ثاني مره بس احس ندمان للحين
وبدوا يسولفون ويضحكون تقريبا ساعتين وقال سلطان : ابي سنابك اذا عادي عندك
أمجاد : لا والله ما اقدر اسفه
سلطان : افا ليه ؟
أمجاد : انا هنا بس داخله اتسلى بس ابعدنا عن العلاقات المحرمه
سلطان : بس انا ارتحت لك
أمجاد : حتى انا والله بس اذا انت مرتاح لي اخطبني مو تسولف معي بالحرام
سلطان : والله نيتي طيبه لا تفهميني غلط
أمجاد : لا صدق سلطان ودي اضيفك بس احس حرام
سلطان : والله ما اسوي لك شيء يضرك وبالعكس يمكن اكون لك خيره
أمجاد : اجل عطني سنابك ، عطاها سنابه وضافوا بعض
قفلت جوالها وضحكت : وش هالتناقض يا أمجاد
فبيت الجد تحديداً بالمطبخ
عبدالعزيز : ياليلل الحين ذي وين حسابها
مرام وهي تسوي الشاهي : وش فيه يا عزوز صاحي انت ؟
عبدالعزيز : ايه صاحي ابي حسابها
مرام : وش بتقول لها يا المهبول
عبدالعزيز: تكفين يا مرام بس بشوف اذا هي تحب غيري ولا لا
مرام : لا مافيه انا بكلمها
عبدالعزيز: جد ؟
مرام : ايه والله بكلمها واشوف
عبدالعزيز: كفو والله ميمييي
-
عند البنات
كلهم مجتمعين ودخلت عليهم مرام ومعها الشاهي
مرام : مسويت لكم احلا شاهيي
أمجاد : هلا والله
أمل : تعالي اجلسي
روان : كيف حالك مرام وحشتيني
مرام ب قرف : حبيبتي
خلود : تكفون نبي نلعب اونو
جود : اي اي تكفون
أمل : ياليل المبزره ذولي مشكله والله
خلود : انطمي ما فيه فعاليات
أمجاد : بطلب قهوه من تبي
جود : حنا وين وانتي وينن
أمجاد : اخلصوا من تبي معي ؟
شهد : اطلبي لي معك بالله
روان : وانا كمان
أمجاد : شفيكم ماتبون تطلبون ؟ والله فعاليه ونرقا السطح
جمانه : والشاهي اللي قدامك ذا وش يسوي
أمجاد : عادي مو لازم شاهي
هبدتها مرام بضحك : اوريك وشاهيي ؟
-
عند العيال
خالد : والله يا انه فكك ما فيه فعاليات ابدد
نايف : وين عبدالعزيز غريبه ؟
عبدالله : غريبه بالعاده مستقعد
عمر : يمكن انشغل طيب
صالح : انت اخر واحد يتكلم خلك ساكت بس
عمر : محد يسولف معكم
خالد : تبون نطلع ؟
نايف : وين نطلع والبنات يجلسون لحالهم بالبيت ما يصير
عمر : ليه وين اهلي ؟
نايف : انت معنا فالبيت ولا وش ؟
عمر : لا فبيت الجيران ! شرايك يعني ؟؟
نايف : الكل معزوم الا حنا والبنات
عبدالله : طيب سهله ناخذهم معنا
نايف : فكره
صالح : لا وين صعبه
عبدالله : يوه صلوح يلا تكفى
صالح : خلاص بكيفكم
نايف : اجل بدق على أمجاد
-
عند البنات
دق جوال أمجاد
أمجاد : هلا والله نيوفي
نايف : هلا بكك اسمعي
أمجاد : لبيه
نايف : لبى قلبك ، فاضين ؟
أمجاد : ايه وش عندك
نايف : اجهزوا نبي نطلع نتمشى
أمجاد : على وين ؟
نايف : امشوا و ماعليكم
أمجاد : لا شكرا مانبي
نايف : ياليل وش عندكم ؟
أمجاد : استنى بسأل البنات ، هي تبون نطلع مع العيال ؟
أمل : لا مالي خلق
مرام : حتى انا
روان: اذا فيه عزوز حروح اكييد
مرام : وجع يمال الشحم شتبين فيه انقلعي لا اهبدس
روان : ايش فيكي هذا زوجي المستقبلي ان شاء الله
الكل ضحك وتكلمت أمجاد : ندري ليه احس علاقتكم بتكون حلوه
عبست وجهها مرام ودرت انه أمجاد مو داريه عن عبدالعزيز ابدد وقالت : وع وع
-
عند عبدالعزيز اللي كان متوتر من بعد ما قالت له انها بتسأل أمجاد
خالد : بنمشي تجي معنا ؟
عبدالعزيز : لا مالي نفس
خالد : وش عندك ضايق خلقك
عبدالعزيز: مافي شيء
خالد : طيب امش ترا الكل بيطلع
عبدالعزيز بضحك: اما عاد والبنات ؟
خالد: لا
عبدالعزيز : لا وين بيجلسون لحالهم انا بجلس معهم
خالد : بكيفك
-
عند البنات
مرام : بنات العيال طلعوا ؟
أمل : ايه بس عزوز جالس
مرام : اما
-
بسيارة خالد
نايف : وين بنروح
خالد : بنروح كوفي بعدها سينما على كلام عبود
عبدالله : ان شاءالله
نايف : عزوز الزق وينه
خالد : مايبي يجي
صالح : هذا وش فيه
عبدالله: عزوز مخندر اليوم غريبه
صالح : دلع ذا الجيل مشكله
عمر : انا وش خلاني اجي معكم المبزره
عبدالله : شف من يتكلم اسكت بس لا اهفّك
نايف : وقف هنا عبود
عبدالله : يادرج قدام المواقف
نايف : بتدخل المواقف بتلطعنا نص ساعه وقف هنا وحنا نمشي
عبدالله : خلاص طيب لا تصيح
نايف : من قال اني بصيح ؟
عبدالله : اقول انزل بس
نايف : ابشر
-
فبيت راضي
الجد حمد : يلا حنا نستأذنكم
راضي : علامك يابو محمد
الجد حمد : والله يابو ريان انا انام بدري ومافيني حيل اخاف اتأخر وادوخ
راضي : اجل الله يعينك
-
عند الحريم
ام ريان : حيّ الله من جانا
ام عبدالله : الله يحيّيك يا ام ريان
ام صالح : خلني ادق على العيال اخاف انهم طلعوا وخلوا البنات لحالهم
ام ريان : كان جبتوهم معكم وشوله مخلينهن يجلسن بالبيت لحالهن ومع العيال
ام صالح وهي تتصل على صالح : لا ان شاء الله ما هنا خلاف عليهن ، الو هلا بوليدي
صالح : هلا يمه
ام صالح : وينكم انتم بالبيت؟
صالح : لا والله يا اميمتي طالعين
ام صالح : طالعين ومخلين البنات ؟
صالح : لا عندهم عزوز
ام صالح : ايه اشوا
صالح : يلا تبين شيء امي ؟
ام صالح : سلامتك
صالح : فمان الله
-
في الكوفي
كانوا كلهم مجتمعين بطاوله وحده ويضحكون
عبدالله : شوفوا كلهم من هبة الرياض
نايف : ازعجونا هبه و هبه والزق والله
صالح : ترا هذي تقريباً اخر طلعه لنا
خالد : افا ليه ؟
صالح : جدي يقول ل عمي وابوي اننا بنروح نسكن بالديره هشان اقاربنا والبيت جاهز وكل شيء وبكرا بيكلمونكم عشان تجهزون اعماركم اما انا وعبدالله قايلين لنا من قبل عشان اذا مانبغى نسكن فبيت لحالنا
عبدالله : بس انا وصلوح نبي نجي معكم ك لانه فكرنا فيها ما نقدر نعيش بدونكم صح ولا لا صلوحي ؟
صالح : اول شيء اسمي صالح ثاني شيء مو مانقدر نعيش بدونكم بس تعودنا عليكم وعلى خياتكم وحريمنا متعودين على البنات وصعبه نجلس ف البيت لحالنا
خالد : يقلع ابو الضيقه ياشيخ
عمر : احس ما اهتم واجواء الديره حلوه
نايف : انت عمرك اهتميت ل شيء اصلاً ؟
عمر : ترا بديت اتأقلم معكم
نايف : ايه واضح مره
-
في بيت الجد حمد
الجده نوره : يا ويلي ويلاه ذولي وين طاسين فيه
الجد حمد : هم راحوا وين
ام عبدالله : ماندري عنهم
قاطعهم دخول العيال
الجده نوره : وينكم فيه وليه تطلعون من دون ماتستأذنون من جدكم مهبل انتم ولا وش ؟
عبدالله : جده رحنا نتابع فيلم
ام صالح : تراهم عيال ويعرفون يتنبهون لانفسهم يا خاله
سحبت عليهم الجده نوره وراحت تنام
-
عند البنات بالسطح
جود : الجو ولا غلطه ماشاء الله يجنن
أمل : ايه مرا يجننن
جمانه : تخيلوا اننا بنروح للديره ونسكن فيها
أمجاد جلست تغني : ليت هذا الحلم يصدق باللقا ويكون واقع !
شهد : لا صدق الاسبوع الجاي تقريباً بنمشي
أمل : شلون ؟
شهد : بيكلمونك بكرا
مرام : انتم صادقين ؟
روان بغنج : وع يابنات مستحيل اروح حجلس عند بابا
مرام : طول عمرك غنوجه يابنت انقلعي طسيي
أمجاد : ياخي ازعجتونا انتم المهم الوناسه االللفف
مرام : اف ابي الرياض
الكل كان منصعق من الخبر بس أمجاد كانت طايره من الفرحه
تفرقوا كلهم لانه تأخر الوقت ولو درت عنهم الجده نوره صفقتهم
.......................
عند أمجاد في غرفتها
كانت تفكر ب عبدالعزيز ومستغربه وشلون جا على بالها وداهمها اتصال من سلطان ردت بدون تردد وقالت : هلا سلطان
سلطان : هلا والله ب حياتي
أمجاد وهي متضايقه من اتصاله : سلطان ! انا مو قلت لك تبت عن هذي الحركات ليه داق ؟
سلطان : افا يا أمجاد الحين تبتي وماتبين تكلميني ؟
أمجاد : سلطان مو ينعني اني اكرهك لا بالعكس بس هذي علاقه محرمه ولو تبيني صدق كان خطبتني من ابوي او على الاقل تعرفت عليه !
سلطان : ومين قال لك ماراح اخطبك
أمجاد : سلطان طولت!! بعدين انا اخاف اخون ثقة اهلي فيني
سلطان : اصبري علي بس اخلص دراستي وعد اخطبك بعدها علطولل
أمجاد : طيب تبي شيء ؟
سلطان : سلامتك يلا مع السلامه
أمجاد : مع السلامه
جلست أمجاد بضيقه وتنهدت : اهخ يا أمجاد وشوله تطيحين بطريق الحب وانتي تدرين عقوباته
داهمها التفكير ب عبدالعزيز وضحكت : والله فكره خلني اكلمه عن سلطان يمكن يفيدني
مسكت جوالها ودخلت محادثتها مع عبدالعزيز وهي تذكر علاقتها مع عبدالعزيز وكانت تبي تفضفض له فقط وكتبت .........
أنت تقرأ
" اسمع اسمك ويذبحني الشوق ويزيد شوقي لك ويزداد حبك "
Fanfictionيحاول عبدالعزيز يتخطى أمجاد وهو يعرف انها ل غيره بس الشوق يمنعه ويقول : ياسعود قلبي كل ماحل طاريه تفّز له روحي تسعين فزّه أغليه و أحبه و أودّه و أداريه و يشتاق له قلبي في كل حزّه والله ان القلب ياسعود يبكيه بس هذا النصيب لعن ابوها من حياةٍ مرّه .
