كتبت أمجاد ل عبدالعزيز الرساله : عبدالعزيز فاضي ؟
عبدالعزيز رد بنفس اللحضه وكان مستانس على اساس انها بتعترف له والابتسامه شاقه وجهه : امري لبيه ؟
أمجاد : بكلمك ب موضوع
عبدالعزيز بخوف : وش ؟
قالت بالرساله : شف انت الوحيد اللي بتفهمني انا ماكلمت احد من اخواني لانهم ماراح يفهموني وحتى نايف يمكن ما يفهمني بس انا احب واحد قبل 4 سنوات تقريباً وتعلقت فيه وهو يقول انه راح يخطبني اذا خلص دراسته بس انا ابي اقنع اهلي انه مافيه علاقه من قبل ولا شيء مجرد اعجاب .
قرا نايف الرساله وانصدم منها وشلون تحب واحد ثاني وماتعرفه حتى وكتب : طيب وانا ؟
كتبت أمجاد : وانت ؟ ليه شدخلك ، مافهمت بدق
دقت أمجاد و رد عبدالعزيز ب صوت باكي : هلا ؟
أمجاد : عزوز انت تصيح ؟
عبدالعزيز حاول يعدل صوته : لا لا بس انصدمت انتي محترمه ما اتوقع تسوين هالاشياء يعني
أمجاد : لا لا عزوز لا تفهم غلط والله اني ما قد قابلته ولا شفته حتى ولا ارسلت به صورتي بس اكلمه بين فتره وفتره لانه هو قال بيخطبني
عبدالعزيز وهو يبكي : أمجاد لا لا تكفين أمجادي تكفينن يرحم امك لااااا
أمجاد : وش اللي لا عبدالعزيز! انت جالس تخون روان الحين وتحب غيرها وهي متعلقه فيك
عبدالعزيز: روانن ؟؟ انا مابي الا انتي تكفين أمجاد تكفيننن والله اني ما احب غيرك ولا ابي غيرك تكفيننن يا أمجادي تكفييييننن انا طالبك لا توافقين
أمجاد ب صدمه : كيف؟ يعني روان تكذب علينا !
عبدالعزيز: والله تكذب عليكم والله
أمجاد : يلا تبي شيء بسكر ؟
عبدالعزيز: أمجاد تحبينه ؟
أمجاد : اكيد احبه عزوز
عبدالعزيز وهو يكره الإقناع والتبرير : يعني خلاص ؟
أمجاد : الله يستر عليك ويوفقك ويرزقك الزوجه الصالحه
بكى عبدالعزيز بكاء شديد لدرجة انه أمجاد رحمته مره وكان عبدالعزيز يبكي ويردد : لاتروحين يا أمجادي انا ابيك مابي ياخذك غيري
سكرت أمجاد المكالمه وهي مصدومه وجلس يبكي عبدالعزيز
ودخلت عليه مرام وركضت وضمته وقالت : عزوز وشفيك وش قالت لك وش سوت لك
كان عبدالعزيز يشرح ب شكل مو مفهوم وهو يبكي ضمته مرام وبكت معه وراح وتركها وجلس بالسطح وجلس يهوجس معقوله أمجاد تسويها ؟
-
عند أمجاد
كانت متضايقه ماودها تكسر خاطر عبدالعزيز بس هي ماتحبه وكان ودها تبكي ب شكلل وجلست تصييح وراحت عند جود وجلست تفضفض لها و جود كانت منصدمه وقالت : أمجاد مو منجدك ماتوقعتها منك
أمجاد : والله ما اقصد اخون تربية اهلي والله جود تكفيننن افهمييي !
جود : مهما كان يا أمجاد
أمجاد انقهرت : خلاص انقلعي
جود ضحكت : لا تعالي تحبينه ؟
أمجاد استحت وقالت : ايه
انحاشت أمجاد وضحكت جود : تعاليي يازق
-
فبيت الجد حمد الصباح
الجده نوره : وين الفطور يا بنات
الجد حمد : خليهن على مهلهن ياحرمه
ابو صالح : ايه يا يمه ماحنا ب عجلين
دخلت أمجاد ومعها الفطور ونزلته وباست على واس ابوها وعمها وجدها وجدتها
مرام جت وهي تضحك : خير ياجد تضم أمجاد وانا لا
امل : وانا ياجد
أمجاد بمزح : اهخخ منكم ياحسودات
الجد حمد : تعالوا تعالوا
وجلسوا يفطرون مع جدهم
-
عند العيال
خالد : الحين شعندهم البنات جالسين مع جدي المفروض حنا نجلس عندهم
عمر : حاسدهم ؟
خالد : اسكت انت الثاني لا الحين اصفقك
عمر : واذا جلسوا مع جدي مافيها شيء
خالد : بس المفروض حنا اللي نجلس مو هم
عبدالله: الحين بسألك خالد
خالد : اسأل
عبدالله: تغار ؟
خالد : شدخل ما اغار بس يعني المفروض جدي يجلس معنا
صالح : خلوه مريض
دخل عليهم الجد وفزوا كلهم يرحبون فيه
خالد : هلا والله ب جدي
الجد حمد : هلا بك شخباركم ياعيال
صالح : بخير نحمد الله
الجد حمد :جيت بقول لكم انه حنا معاد بنجلس بالرياض
عبدالعزيز: افا ياجد ليه
الجد حمد : والله وانا ابوك ماعاد ابي الا الديره وش نبي بالرياض
عبدالله : اللي يريحك يا جد
الجد حمد : الاسبوع الجاي وحنا بالديره
خالد : ما يمدينا ياجد ننقل اغراضنا
الجد حمد : لا ابد يمديكم بيومين
عبدالله: صدقت بس هم ما يحتسون
الجد حمد : من بكرا تشيلون بالعفش
صالح : اللي تشوفه ياجد
-
عند الحريم
دخل عليهم الجد حمد وقال لهم
أمجاد : ياجد التسريبات وصلت قبل لا تقول الخبر
الجد حمد : صدز والله من اللي معلمكم
أمجاد : جمانه وشهد
شهد : أمجاد ياحماره
جمانه : فضيحه ذي
روان : جدي ممكن نجلس بارياض ماتحمل اجلس بالديره وقرف
مها : روان يابنتي وشفيها الديره تهبل وش زينها
روان : مابغا يا ماما
مها تفشلت من ابوها وامها وسحبت روان على جنب وجلست تهزئها وتقول : انتي متى بتتركين الدلع فشلتيني عند الناس شوفي بنات خالك
روان : طبعاً انا غير يا ماما
مها : هذي اطباع اهل ابوك وعوه
روان ضحكت : مامي الا اهل بابا
-
عند عبدالعزيز
كان عبدالعزيز بغرفته وجالس لحاله ودخلت عليه مرام : والله ماطاوعني قلبي اشوفك ياخوي زعلان بجي اواسيك
عبدالعزيز: مرام تعرفين السالفه ؟
مرام : وش السالفه ؟
عبدالعزيز: مرام أمجاد تحب واحد وتبيه
مرام : من قال لك
عبدالعزيز : هي قالت لي هيي يا مرام هي !
مرام : عزوز شف هذي حياة البنت واكيد راح تختار اللي يريحها بس انت لا توقف حياتك على أمجاد واذا هي تبيه مانقدر نغصبها على واحد غيره فاهم ؟
عبدالعزيز: لا مر فاهم ولا بفهم انا مابي الا أمجاددد ياخي افهممواا مابي وحده ثانيه
مرام : بس هي ماتبيك والله يا عزوز انه الود ودي انه انت وأمجاد تصيرون ل بعض بس هي تبي واحد ثاني
عبدالعزيز: مرام لا تقهريني تكفين اللي فيني مكفيني
مرام : ابشر
-
عند جود وخلود
جود : خلود الحين مستوعبه اننا بنروح الديره
خلود : ايه بس متحمسه بنقابل اقاربنا
جود : وع
خلود : الحين انتي ليه ما تجتمعين معهم وتسولفين ؟
جود : ما احبهم
خلود : والله يجننون والجلسه معهم ما تنمل
جود : يصير خير
خلود : الحين تلقين أمجاد بالسطح تعالي نروح عندها
جود : يلا
-
عند أمجاد
كان معها شاهي وجالسه تتأمل النجوم والقمر وهي تحب الفلك والفضاء من يوم هي صغيره وهي ودها تروح للفضاء وتكتشف وش فيه وودها يكون تخصصها علم االفلك لكن بسبب رفض امها دخلت دخلت تخصص قانون وقالت وهي تتأمل : سبحان الله
ما امداها تستانس الا وداهموها جود و خلود
خلود : هلا ببنت عمي
جود : هلا ب اخيتييي
أمجاد : اخلصوا وش تبون ؟
خلود : مانبي شيء بس جايين نوسع صدرك عندك مانع؟
جود : اذا ما تبينا ترا عادي
أمجاد : شدعوه ما ابيكم اجلسوا اجلسوا
جود : مسويه شاهي بعد
خلود : صبي لنا
أمجاد : جيبوا لكم بيالات
خلود : اف خلاص مانبي
أمجاد : احسن
جود : الحين أمجاد شلون بتدرسين واحنا بالديره
أمجاد : بجلس بالرياض واجيكم بالويكند
جود : ما اظن جدي بيخليك بالرياض لحالك
أمجاد : من قال لك لحالي ؟ معي نايف
خلود: ومن متى مخططه الاستاذه أمجاد
أمجاد : اليوم خططت
خلود :عشتوا ترا حنا بنشتاق لك
جود : اي بنشتاق لك
أمجاد ضحكت : ايه مره واضح
وجلسوا يضحكون ويسولفون
-
فبيت الجد حمد الصباح
خلود : جود يلا قومي
جود : يلا قمت قمت
خلود : ترا سويت لك فطور
جود : كفو تفهميين
خلود : يلا بنتأخر على عزوز
جود : يلا جيت
-
بسيارة عبدالعزيز
عبدالعزيز : وينها ذي
جود : اف هذاني جيت
عبدالعزيز: اخيرا لا احسن كملي نومتك
جود : شفيكم ما تأخرت
خلود : ايه مره
عبدالعزيز: جود الظهر اطلعي بسرعه مالي خلق انتظر ب الظهر حر وشموس
جود : ابشر بس عزوز تكفى مر دانكن
عبدالعزيز: لا
خلود ضحكت : جود تتخطين
جود : عبدالعزيز تكفى
عبدالعزيز: حنا متفقين بس الخميس
جود : اف طيب
وصلوا المدرسه بعد هواش وضحك
عبدالعزيز: يلا انزلوا
نزلوا وقالت جود : اسمعي خلود
خلود : هلا
جود : تبين ننحاش ونروح دانكن ؟
خلود : اقول بس اهجدي تعالي
جود : تكفين خلووود
خلود : والله ودي بس خايفه
جود : اقول امشي بس
خلود بتردد : يلا
جلسوا يمشون
وجود معها الجوال وتصور وخلود خايفه
وصلوا دانكن وطلبت جود : اهخخخ الحب دانكن
خلود : تبين نجلس نتقهوى بعدين نرجع
جود : من قال لك بنرجع ؟
خلود : مو منجددكك
جود : لا اطقطق بنرجع بس خل نتقهوى ونستانس بعدين نرجع
-
عند عبدالعزيز بالسيارة
تنهد عبدالعزيز وقال : اههخ يا أمجاد وش سويتي فيني وجلس يهوجس ودقت عليه مرام : هلا عزوز
عبدالعزيز: هلا والله
مرام : وش عندك ؟
عبدالعزيز: ماعندي شيء والله بس ضاييقق بالحييلل
مرام : ياعمري ياعزوز تعال غرفتي
عبدالعزيز: تمام بس خلني انزل من السياره واجيك
مرام : يلا انتظرك
-
عند جود وخلود
خلود : يلا مشينا ؟
جود : يلا
وهم جالسين يمشون ويضحكون جو عندهم مجموعة شباب كان عددهم 5
جود خافت وقالت : لا يكون جايين عندنا ذولي
خلود : لا لا ما اتوقع
اتجهوا لهم العيال
خلود : جود هجي
جود تركت شنطتها وهجت وخلود معها وركضوا ب اقوا ماعندهم لكن العيال كانوا اسرع وحاولوا يضيعونهم لكن مسكوا خلود و........‼️
أنت تقرأ
" اسمع اسمك ويذبحني الشوق ويزيد شوقي لك ويزداد حبك "
Fanfictionيحاول عبدالعزيز يتخطى أمجاد وهو يعرف انها ل غيره بس الشوق يمنعه ويقول : ياسعود قلبي كل ماحل طاريه تفّز له روحي تسعين فزّه أغليه و أحبه و أودّه و أداريه و يشتاق له قلبي في كل حزّه والله ان القلب ياسعود يبكيه بس هذا النصيب لعن ابوها من حياةٍ مرّه .
