تكلم عبدالعزيز وقال : قصروا اصواتكم
تغطت أمجاد علطول عكس روان اللي تقربت من عبدالعزيز وقالت : عزوزي صح تحبني وبتتزوجني
عبدالعزيز بقرف : لا وخري عني
أمجاد : بعدي ياقليلة الحيا ماتستحين على وجهك
ضحك عبدالعزيز: وخري ياروان اصلاً مابي الا أمجادي
راحت أمجاد وراح عبدالعزيز اما روان كانت منقهره مره
-
عند أمجاد
شافت رساله من سلطان وفتحتها وكانت الرساله : أمجاد انتظريني شهرين واجي اخطبك .
أمجاد كانت مره مستانسه اخيرا بتتزوج اللي تحبه وكتبت له : منجد سلطانن؟
سلطان : فاضيه ؟ بدق
دق عليها سلطان وردت
أمجاد : سلطان صدق ؟
سلطان : ايه صدق ليه مو مصدقه ؟
أمجاد ب فرحه : مدري مدري سلطان مستانسه مره
سلطان : ياحلوك بس
أمجاد : المهم انا بسكر لاني بذاكر
سلطان : تمام، انتبهي ل نفسك
أمجاد : من عيوني
قفلت أمجاد المكالمه وكانت تفكر وشلون حبت سلطان ؟ وقالت : يا أمجاد ماعليك من ذا كله اهم شيء انه بيخطبك
-
بيت ابو راضي
ابو راضي : بكرا عندي جرعه كيماوي وبيجيني عبدالاله يوديني للموعد (عبدالاله ولده)
ام راضي : صدق ولدي بيجي ؟ الله يبشرك بالخير
ابو راضي : يا ام راضي انا ابي اجمع عيالي ويشوفون بعض تلقينهم من سنين ماشافوا بعض
ام راضي : ابشر بكلمهم ونجمعهم مع بعض
-
عند الجد حمد الصبح
الجد حمد : تراني قايل لكم اليوم تبدون تشيلون عفشكم
ابو صالح : والله يا ابوي انا مانيب ناقل معكم الحين لا خلصت الدراسه بعد شهرين نقلت عشان أمجاد و خلود
ابو عبدالله : البنت انقلها ل مدرسة الديره وأمجاد موب لازم تكمل دراستها يا اخوي
الجد حمد : لا انا ابي أمجاد تكمل دراستها البنت شاطره وماتستاهل تضيع مستقبلها عشان الديره مير انت يامحمد خل نايف يجلس معها وانت تعال معنا ماتسوى شهرين انا بستأجر لهم بيت صغير يجلسون فيه
ابو صالح : والله مدري يابوي بس ابشر بشوف
-
عند أمجاد بالجامعه
كانت الاجواء حلوه وتفتح النفس وهي تمشي ومعها كوب القهوه حقتها وكانت تنتظر عبدالعزيز لانه تدري محد فاضي لها من اخوانها جلست على الكرسي وقالت بينها وبين نفسها : يلا هانت هانت يا أمجاد شهرين وتروحين للديره
وصل عبدالعزيز وركبت أمجاد
أمجاد : السلام عليكم
عبدالعزيز: وعليكم السلام
جلسوا ساكتين ل مده ١٠ د تقريباً
وتكلم عبدالعزيز: أمجاد
أمجاد : هلا
عبدالعزيز: صدق اللي امس قلتيه
سكتت أمجاد وقالت : عزوز انا ما ابييك بس وقتها كنت اقهر روان لانها قهرتني ولا انا بيخطبني سلطان بعد شهرين
عبدالعزيز : بس انا ابيك
أمجاد : عزوز فيه اللي ازين مني
عبدالعزيز: ما ابيهم انتي غير يا أمجاد افهمي والله اني احبك اكثر من نفسي تكفين يا أمجادي
أمجاد : ما اقدر
-
فبيت الجد حمد
الكل كان يجهز اغراضه وينظفون البيت لانه بكرا راح يروحون للديره
أمل: يابنات البيت كله ذكريات مو مستوعبه اننا بنروح خلاص
أمجاد وهي جالسه وتتفرج عليهم : يا حبكم للدراما
شهد : لا صدق ماقد رحت لديرتكم ابد
جمانه : فاتتتكك الديره افضل شيييء بالحياهه
أمجاد : افف يابنات ياحظكم بتروحون وانا بجلس عشان الجامعه الزق ذي
روان بغيره من أمجاد : احسن
مرام : روان امسكي لسانك دام النفس طيبه عليك والله لا اقوم اصفقك
جمانه : هي هدوا هدوا
روان : ايش حتسوي يا عين امك
مرام : روان اهجدي
أمجاد : عليك فيها يا مرام بالديره
-
عند الجده نوره
ام صالح : ياخاله ذا القدر اجدعه ؟
الجده نوره : لا لاتجدعن شيء
ام عبدالله : يا خاله كل هالمواعين تبينهن موب كلهن زينات
ام صالح : اي والله يا خاله نشتري جديدات
الجده نوره : لا يابنياتي انا مابي الا مواعيني
ام صالح : ابشري
-
عند أمجاد
كانت ورا الحوش تكلم سلطان
سلطان : اوف يعني خلاص بتروحين الديره
أمجاد : بتفرق يعني كذا ولا كذا حنا مانشوف بعض بالرياض
سلطان : وليه مانشوف بعض يا أمجاد ؟
أمجاد : سلطان انا ماعمري فكرت اقابل ولد بحياتي تبيني اقابلك
سلطان : وليه ما اكون اول ولد تقابلينه
أمجاد : سلطان بعد هالفكره من راسك لانه مستحيل
سلطان : بمكان عام
أمجاد : خلاص سلطان غير الموضوع
سلطان : أمجاد اقول لك فمكان عام يعني ماراح اسوي لك شيء ولا المسك من بعيد
أمجاد سكتت
سلطان : هاه وش قلتي ؟
أمجاد : خلاص بس بجي مع اخوي
-
عند روان اللي كانت تسمعهم وصورت كل شيء عشان تنتقم من أمجاد ...
-
عند العيال
عبدالعزيز: خالد
خالد : زق شتبي
عبدالعزيز: انا زق ؟
خالد : تقريباً
عبدالعزيز: طيب خلك قدها
خالد : زين
عبدالعزيز: نايف
نايف بضحك : حول علي
عبدالعزيز: هذا جزاتي ؟ كنت جاي اقول لك شيء
نايف : وشو ذا الشيء
عبدالعزيز ناظر خالد وقال : خالد زارف جزمتك
نايف : في ذمتك ؟
عبدالعزيز: والله
خالد : كذاب تراه
عبدالله : شكلها قبت
صالح : اقول اهجدوا بس
خالد : شفت صلوحي كلهم قالبين علي
صالح : وانا معهم
خالد : افاا صلوحي
صالح : علشان صلوحي ذي تبطي افزع معك
خالد : على زق بروح ل جدي
سبقه عبدالعزيز وقال : جديييييي تكفى احمني منهم
الجد حمد : حلال من صفقكم واحد واحد
خالد : افا يا جد حرام عليك
عبدالعزيز: اي حنا بريئين
الجد حمد : اقول بس الخلا الخلا
خالد : ابشر
ضحك عبدالعزيز على خالد وتجالدوا
-
عند روان وأمجاد
روان : ان ماوريت المقطع ل جدي مانيب بنت ابوي
أمجاد : لا بالله تخسين ومنتب موريته والله ان اصفقس ما اخلي فيس عظم صاحي
روان : وبوريه عبدالعزيز عشان يكرهك يختي وخري عن حياتي انا ابيه
أمجاد : وع خذيه وش ابي فيه انا اللي اتركوني بحالي ما احبه ما احبه خذيه خذيه
تعالت اصواتهم لين جو خالد ونايف
نايف : أمجاد ! شفيكم سلامات ؟
خالد : اصواتكم عاليه
روان : تعالوا شوفوا حبيبة القلب أمجاد وش مسويه
سكرت فمها أمجاد وقالت : ولا شيء بس كنت جالسه اتمشى
نايف : أمجاد وش مسويه ؟
روان وخرت يدها : ترا أمجاد تكلم واحد اسمه سلطان
انصدم نايف مستحيل تسويها أمجاد !!
-
عند البنات
مرام : وين أمجاد ؟
أمل : مدري عنها بقلعتها
شهد : تخيلوا وش صار
مرام : جتنا نقالة العلوم
خلود : وش عندك اخلصي
جمانه : سوالف كبار مالكم فيها
جود : خير وش تقصدين ؟
شهد : قصدها واضح اطلعوا برا بنسولف سوالف حريم
لبست خلود جلالها وطلعت وهي تبي الفكه منهم وجود وراها
جود : اشوا انها جت منهم
خلود : اي والله
جود : تسمعين انتي ؟
خلود : اي كانه فيه هوشه برا
طلعوا للحوش وسمعوا نايف يعاتب أمجاد
جود درت انه نايف درا وراحت تركض
نايف : أمجاد ليه ليه تسوين كذا
جود ماقاومت راحت ضمت أمجاد وجلست تبكي معها
نايف : انتي تدرين معها بعد ؟!
خالد : أمجاد حنا قصرنا معك ب شيء ؟
روان : شفتي كيف طيحتي وجه اخوانك ياخسارة ثقتهم فيك
ماتحملت جود وقامت تبي تضربها بس مسكها خالد وجلسها وقال : وهي ما قالت الا الحق
جود : اسمعوني والله أمجاد ماكانت تبي تخسر ثقتكم ولا شيء بس كانت تحبه ويحبها وبيخطبها
نايف : لا والله يخسي واختي ما احطها عند واحد يلاحق البنات ويكلمهن
تعالت اصواتهم على دخلت ابو صالح
ابو صالح : أمجاد يا امي وشفيك تبكين
نايف : لا بس يبه أمجاد تعبانه شوي وانا برقيها ل غرفتها ترتاح
روان : لا ياخال ماتبكي عشان كذا
نايف رفع صوته : روان اظن مالك دخل ادخلي داخل
ابو صالح حس انه فيه شيء : روحي روحي ارتاحي يا امي
أمجاد كانت منهاره شلون كذا يصير وماراح تتزوج سلطان كله بسبب روان
-
عند عبدالعزيز
كان بالدور الثاني ويشوفهم من الشباك ويسمع أمجاد وكان متقطع قلبه على أمجاد
عبدالعزيز بينه وبين نفسه : حسبي الله عليك ياروان
كان يبكي بحرقه ويدري انه أمجاد تحبه مره من بكائها تحت انهار عبدالعزيز وكان يقول : الله يلعنك ياسلطان وش سويت فيها
عبدالعزيز علطول مسك جواله ودخل حساب سلطان وكتب : انت وش تبي من أمجاد وانت تلعب عليها حسابك مليان بنات البنت تهاوشت مع اخوانها لو انك تحبها صدق كان ماطلبت انك تقابلها سلطان بعد عن البنت ولو على رقبتي والله ما تاخذها .
رد سلطان علطول وكتب ...
-
عند أمجاد
أمجاد : نايف تكفى تكفى انت اقرب واحد لي تكفى افهمني لا تقول لابوي والله ..
قاطعها خالد : لو انك صدق يا أمجاد ماتبين تخسرين ثقة ابوي ماكلمتي عيال
نايف : خالد اطلع بتكلم معها شوي
أمجاد : والله لو درا صالح بيذبحني يا خالد والله
خالد طلع بدون مايرد عليها
نايف : أمجاد هذا ماراح تتزوجينه
أمجاد بصوت باكي : ليه ليه يا نايف !!
نايف : هذا يكلم بنات غيرك يا أمجاد
أمجاد : لا مايكلم
نايف : انتي عشانك تحبينه ماتشوفين اغلاطه عطيني حسابه
أمجاد بخوف : بتقول له شيء صح ؟
نايف : يا أمجاد والله ما اقول له شيء والله
أمجاد عطته الحساب
نايف : ها شوفي اللي عنده مو كلهم بنات ؟؟
أمجاد : هذولي كلهم محارمه
نايف : تعالي شوفي ذي عارضه جسمها وممنشنته بالبايو شفتي انه يكلم بنات ؟؟
أمجاد : لا لا مايكلم والله اعرفه انا
نايف : أمجاد قلت لك ماراح تتزوجينه لو وش يصير
-
عند عبدالعزيز
شاف الرساله عبدالعزيز وكان يقول فيها سلطان : انت مين ؟ انا وأمجاد نحب بعض من ٤ سنوات وماراح العب عليها وشف محادثتي انا وأمجاد ...
شاف المحادثات عبدالعزيز وعرف انه أمجاد مو بس تحبه الا تعشقه ! وكانت الرسايل كلها حب وغزل وهو مات من الغيره والقهر وطلع من البيت وهو ضايق صدره متجه للمكان اللي محد يعرفه الا هو وخالد راح وكان المكان زي البر وجبل مرتفع يطل على الشارع وكان المكان هادي وعبدالعزيز يبكي و كان يحاول عبدالعزيز يتخطى أمجاد وهو يعرف انها ل غيره بس الشوق يمنعه انه يتخطى ويقول :
ياسعود قلبي كل ماحل طاريه
تفّز له روحي تسعين فزّه
أغليه و أحبه و أودّه و أداريه
و يشتاق له قلبي في كل حزّه
والله ان القلب ياسعود يبكيه
بس هذا النصيب لعن ابوها من حياةٍ مرّه .
————————————————————————
والله اسفه مره على التأخير ومستحيه منكم مره بس ضغط الاختبارات تأخرت عليكم بس ابشروا بالعوض ❤️❤️.
أنت تقرأ
" اسمع اسمك ويذبحني الشوق ويزيد شوقي لك ويزداد حبك "
Fanfictionيحاول عبدالعزيز يتخطى أمجاد وهو يعرف انها ل غيره بس الشوق يمنعه ويقول : ياسعود قلبي كل ماحل طاريه تفّز له روحي تسعين فزّه أغليه و أحبه و أودّه و أداريه و يشتاق له قلبي في كل حزّه والله ان القلب ياسعود يبكيه بس هذا النصيب لعن ابوها من حياةٍ مرّه .
