معك ذقت لذات الغلا وأنت ذايقها تعدت مراحل خل يموت في خله .

واحد وعشرون

[ سبحان الله وبحمده سبحان الله العظيم ] .

" في بيت ريـمَا وفهد

فهد كان واقف بالحمام عشان يحلق لحيته الخفيفه ..
ريـمَا توها جالسه من النوم وم لقت فهد جنبها سمعت صوت بالحمام قامت من عالسرير وراحت الحمام لقت فهد واقف يحلق لحيته واول ما شافها لف وجهه وابتسم
فهد : صباح الخير حبيبتي
ريـمَا: صباح النور حبيبي
وقفت قدامه وهي ملانه ماتدري شتسوي تقدمت ناحية رغوة الحلاقه لفهد فهد ناظرها : شفيك بتحلقين ؟؟ ( مزح )
ضحكت وقالت : لا بسوي شي
فتحت الرغوة للحلاقه ورشت على خد فهد فهد ابتسم وسكر عينه وهو متنرفز
فهد : انا اوريك !!
شدها من يدها لحضنه وقرب خده لوجهها وبدا يمسح رغوة الحلاقة على خدها ريـمَا تدلدقت من خده الخشن على خدها الناعم وسكرت عينها وهي تضحك ..
ضحك فهد معها وشدها لحضنه بعد ما نظف لها وجهها
فهد : لا عاد تعيدينها !!
ريمَا: شسوي ملانه !!
فهد : فديت الملانين !! طيب شرايك نسافر دبي اسبوع نغير جو قبل لا ارجع دوامي ..
ريـمَا : افففكر!!!
فهد : فكري الحين !!
ريـمَا : ممددرييي!!!
فهد : طيب
مسك خصرها بقوه غمضت عيونها ومسكت كتفه بقوه وهمس باذنها: شرايك م نروح مكان اليوم ونجلس هنا !!
ريـمَا : لا تكفى فهد لازم اشوف ديم !! عندي لها موضوع مهم!!
فهد ضحك : يعني ديم اهم مني !!!
ريـمَا : شششوي !!
فهد : طيب انا زعلان ولا عاد تكلميني !!!
ريـمَا : لا تكفى لاتزعل!!
فهد مارد عليها وجا بيطلع من الحمام بس ريما مسكت يده وحضنته بقوه ..
ابتسم فهد
ريـمَا : ففهههودي !!
فهد : ععيوونه ( يقلدها )
ريـمَا : لاتزعل مني !
فهد : مقدر ازعل منك اصلا !!
ريـمَا : انزين بقولك شي
فهد : قولي كل شي.
ريـمَا : احببك!
شدها من يدها من سمع كلمة احبك من فمها بقوه وهمس باذنها : وانا أموت فيك !
ريـمَا : طيب يلا عشان لا نتاخر بروح اتجهز وانت بعد ..
فهد : شفيك مستعجله !!
ريـمَا : مب مستعجله بس عشان لا نتاخر
فهد : طيب حبيبي يلا .
راحت ريـمَا وجهزت فستانها واعراضها اللي بتلبسها لبست فستان احمر لان فهد يحب اللون الاحمر عليها وحطت ميكب خفيف وحلو

طلعت ريـمَا ولقت فهد جالس وجاهز ينتظرها اول ما شافها وقف من مكانه بصدمه ناظرت فيه ريما وهي مب فاهمه نظراته !!
ريـمَا : شفيك ؟!
فهد : ااكيد ماراح تروحين بذا الفستان تمزحين صح ؟؟؟؟؟
ريـمَا : لا والله و امزح !! ليه مب حلو !!
فهد تنهد بصوت عالي وهو مغمض عينه ومتنرفز .
فهد : لا تجننيني!! كم مره قلت لك لا تلبسين فساتين مكشوفه !!!
ريـمَا : فهد لا تصيرغيور !!
فهد مسك يدها وشدها ناحيته وهمس لها : انا طول عمري غيور وانتي عرضي وحلالي وزوجتي !! كيف ارضى اخليك تطلعين بهاللبس !!!
ريـمَا زعلت ونزلت راسها مسك فكها بهدوء ورفع راسها وناظرها بتامل
وقرب وباس راسها..
غمضت ريـمَا عيونها من هدوء قبلته ..
فهد : روحي غيريه حبيبتي..
ريـمَا زعلت منه ودفعته لوره وراحت للغرفه وهي زعلانه منه دخلت وشالت فستانها وهي تتحلطم على فهد وغيرته
فهد سمعها وضحك عليها وقال بصوت عالي : انا بالسياره انتظرك !!
راح لسياراته ينتظرها بدلت فستانها ولبست فستان ثاني ونزلت لفهد ..
ركبت السياره وهي ما تناظر فيه فهد ما ناقشها وخلاها ع راحتها ..
( طبعا هم كانوا رايحين بيت اهل ريـمَا )

" عند ديم وصقر

كان صقر بالدوام وقريب يرجع وديم كانت جالسه ملانه فقررت انها تسوي لنفسها اجواء وتسلي نفسها راح غرفة الملابس وطلع لها شال رقص عشان ترقص ..
لبسته وشغلت الاغاني بالصاله وجلست تهز خصرها وتتمايل مع نغمات الاغنيه بذا الوقت كان صقر راجع من الدوام دخل وانصدم اول ما شافها ديم ما انتبهت له وهي مكملة رقص ..

كملت تغني و لفت تدور و ناظرت بصقر اللي كان ساند نفسه على الباب و مكتف يده و جالس يبتسم صرخت من ناظرته
تقدم لها يضحك : شفيك ؟
وهو عينه على خصرها اللي كان يتمايل ..
وقف قبالها وهو يحاوط خصرها بكفه العريض همس وعيونه بعيونها الي تلمع مثل عادتها ناحيته ممزوجه بخجل وحياء : ككملي..

بلعت ريقها بصعوبه والحياء اكلها وبدون شعور رفعت كفوفها وغطت عيونه ارتفعت ضحكته وقت الي وصله ردها ، لكن قال بلعانه ويدينها للان بعيونه : ترا قلبي يشوفك !!
ديم ابتسمت وفتحت عينه وهي ابتسمت له ذاب من بسمتها ومسك الشال وسحبه وهي انرمت بحضنه رفعت راسها تناظر فيه نزل راسه وقبل ثغرها ..
بادلته ديم ورفعت يدها بالاستجابه له وحاوطت رقبته ..
ناظرها بحب وتامل وهو يتلمس شعرها وخره وره اذنها وهمس : ليه توني ادري انه رقصك حلو كذا ؟!
ضحكت ديم نزل راسه وباس مبسمها بقققوه مسكت رقبته من جديد حملها وشالها من الارض ودخلها الغرفه ...

{ خلص البارت واحد وعشرون  }
ادعموني عشان اكمل 🫶🏻 .