اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
" الظهر الساعة ١ ونصف
صحى صقر على صوت جواله فتح عين وعين مغمضه وهو يدور الجوال صقر بدون لا يشوف من المتصل بصوت مبحوح : الووو !! ام صقر : هلا حبيبي صباح الخير صقر : يمه!! خير فيه شي !! ام صقر : ايه والله السواق سافر قبل يومين وما في احد يوصلني فقلت ادق لك توديني .. صقر جلس : طيب بس وين بتروحين ؟؟ ام صقر : مكان قريب انت يلا قوم خلص عشان لا تتاخر علي صقر استغرب بس ما ناقشها.. سكر المكالمة وناظر بديم بحب قرب وباسها براسها وهو يتأملها.. قام من عالسرير ودخل الحمام اخذ شور سريع ولبس ملابسه ناظر بديم وهي بعدها ما تجلس .. قرب وباسها وهي نايمه وخرج عشان لا يتاخر على امه اللي م يدري وين بتوديه نزل تحت ولقاها جالسه تنتظره ابتسمت اول ما شافته ام صقر: يلا صقر : طيب ركبوا السياره وفي الطريق "
صقر : صح يمه ما قلتي وين تبين تروحين ؟؟ ام صقر : بنروح بيت خالتك ام ليان صقر بصدمه : نعم !!! ام صقر : شفيك ايه اقولك بيت خالتك يلا صقر عصب : يمههه!! ليه م قلتي لي بنروح هناك !! تدرين اني ما !! ام صقر قاطعته : بنروح وغصبا عليك وان كانك ما تبي تروح معي لا انت ولدي ولا اعرفك !!! صقر ضرب الدركسون بيده بعصبيه !!!!! صقر: يصير خير !! وصلوا بيت خالته ونزلت ام صقر وناظرت فيه : يلا اانزل قلت لك!! صقر : ليش !! ام صقر : بنتظرك داخل يا صقر ولو م نزلت قلت لك لا انا امك ولا انت ولدي !!! صقر عصب وحرك السياره وبركنها.. نزل مع امه غصبا عنه وهو عارف هالحركات ذي كلها !! ليان كانت بغرفتها جالسه وهي عارفه انه صقر بيجي .. لبست فستان قصير عشان تكمل خطتها الحقيره . نزلت ودخلت المجلس لقت صقر جالس على جواله بلحاله واستغلت الفرصه ليان : احم صقر شافها ونزل راسه اول ما شاف لبسها لان ما يناظر بنت غير ديم بحياته .. ليان سكرت الباب انصدم صقر هنا صقر وقف : شتسوين انتي !!! ليان قريت منه وفجاة طيحت جسمها على جسم صقر صقر منصدم من اللي صاير ومب عارف شيسوي ما يبي يلمسها ولا يبيها تقرب منه !! صقر عصب : بببعدي!! ليان بتصنع : بالغلط !! وهي تتلمس جسمه صقر ابعدها بقوه منه .. عصب وقام يصارخ وهي استغلت الوضع .. وجلست تصارخ : ااالحقونيي!!!! صقر واقف منصدم ركضوا ام صقر وام ليان للمجلس ودقوا الباب وليان تصارخ بتصنع صقر متصنم مكانه وهو منصدم !! جا ابو ليان وهو معصب وخايف كسر الباب وانصدم اول م دخل لقاهم بروحهم !! ليان ركضت لابوها بتصنع وهي تبكي : بابا الحقني !! ابو ليان : شفيك ؟؟؟ ليان : صقر حاول يتحرش فيني !! عصب ابو ليان وبصدمه ضرب صقر صقر واقف منصدم يقول اكيد حلم !! ابو ليان : والله لو م تزوجتها !! بذبحك !!فاهم صقر كان لسانه ما ينطق !! صقر كان بحالة صدمه !! ابو ليان : والله لو ما تزوجتها بشتكي عليك !! صقر طلع من وهو معصب وام صقر طبعا مستانسه !! رجع بيتهم وركب جناحهم ولقى ديم جالسه تنتظره ديم اول ما شافته ركضت ضمته : حبيبي وين كنت اشتقت لك!! صقر واقف م رد عليها !! ديم ناظرت فيه باستغراب : حبيبي فيك شي؟ صقر : لا بس تعبان بروح اريح ! راح وتركها بدون لا يبوسها ولا يقول لها شي! شكت ديم من تصرفاته !! وفي الغرفه " انسدح صقر عالسرير وهو عيونه تدمع كل تفكيره باللي صار وكيف بيقول لديم ! نام وهو تعبان من التفكير وديم تحاتيه وش فيه !! ديم جالسه بالصاله تحاتي صقر ومليون فكرة ببالها دقت على ريما عشان تخبرها عن الموضوع ديم : مدري شفيه ! تخيلي اول مره يعاملني كذا !! ريـمَا : حبيبي انتي لا تحاتين يمكن مشغول او تعبان انتي ارتاحي وبكره اساليه !! ديم : طيب حبيبتي يلا باي ريـمَا : باي ياقلبها .. ولا تحاتين طيب ؟ ديم : طيب .. سكرت ديم من عند ريـمَا وقامت للغرفة وانسدحت بجنب صقر صقر كان بين النايم والجالس وانتبه انها انسدحت بجنبه ناظرت فيه وهي ترفع وجهها وحطت يدها على شعره تتلمسه وهي تقول داخلها : اتمنى مافي شي صاير ومزعلك !! مسكت يده وحضنته بقوه وهي منسدحه بجنبه ناداها صقر وفتحت ديم عيونها وناظرت فيه بنظره طويله صقر لف وجهه لوجهها وعيونه تدمع : " ديم ديم : عيونها ! صقر : انا بتزوج عليك . ديم ناظرت فيه بصدمة قامت من حضنه : مب وقت مزحك !! صقر غمض عيونه بتنهد : م امزح ! انا بتزوج عليك ! ديم : لا مستحيل !! اكيد تمزح! طيب انا ايش سسويت!! ليييه بس قولي ليييه !! قالت هالكلام وهي جالسه تضربه ع صدره بقوتها!! انهارت ديم قدام صقر وهي م تحمل كان وده يحضنها بس يدري انها بتبعده وقف من عالسرير وطلع بره الغرفه ديم ظلت مكانها مصدومه وهي تبكي كانت عارفه انه سكوته وراه شي !! ديم نامت بعد بكااء كثير .. وصقر م عرف ينام كان راسه بنفجر من التفكير .
" اليوم الثاني الصباح صحى صقر ولقى نفسه عالكنب استذكر اللي صار امس قام وهو منقهر م يدري وش بيصير اليوم كان وده يروح لديم بس خوفه عليها وقفاه.. فجاة باب الصاله اندق فتح الباب صقر وكانت خلف الباب ام صقر ام صقر دخلت من غير م تقول ولا كلمة ! جلست عالكنب : وينها زوجتك ؟؟ صقر : نايمه ليه ؟؟ ام صقر: روح ناديها ابيها صقر : يمه الله يخليك مابي مشاكل !!! ام صقر : قلت لك روح ناديها !!! صقر : ما راح اناديها !!! فجاة صوت ديم : سمي ؟ ام صقر وقفت تناظر فيها : سم الله عدوك!! صقر ناظر بديم ام صقر : جاية اقولك انه اليوم ان شاء الله ملكة ولدي صقر يعني زوجك ياحلوه ! ديم : طيب ! ام صقر انصدمت من ردة فعلها : وانتي معزومة ياحلوه ! ديم : اكيد زوجي لازم احضر زواجه !! صقر ناطر فيها بصدمه وهي كانت تتجنبه ام صقر : غريبه توقعتك تبكين تصارخين !! ديم ضحكت: شدعوه كله زواج !! ( كذب ) ام صقر : عالعموم بنت اختي حبيبتي ماتبي زواج كبير ف ان شاء الله الزواج بيكون بالبيت مع الملكة ديم : طيب الف مبروك قالتها وراحت الغرفه ركض تبكي انهارت ديم وانسدحت عالسرير كانت محتاجة حضن صقر هالوقت بس زعلها منه يمنعها فجاة حست ديم بلوعه ودخلت الحمام تستفرغ .. طلعت ديم من الحمام وهي تعبانه وجهها مصفر دقت على ريـمَا تجي تاخذها عشان يروحون المستشفى ريـمَا : طيب حبيبتي جايه انتظريني.. ديم تجهزت ولبست لبس سريع وطلعت شافها صقر ووقف من مكانه صقر: وين رايحه ؟ ديم م ردت وطلعت من البيت وهي مخنوقه صقر انقهر منها بس عذرها لانها زعلانه منه .. ركبت ديـم سيارة ريـمَا ريما : بسم الله عليك شفيك ؟؟؟ ديم : سالفة طويله اقولك اياها بعدين .. وصلوا المستشفى ونزلت ديم وريما معها تساعدها .. جلسوا بالاستقبال ينتظروا الدخول ريـمَا : بسم الله عليك حبيبتي قولي لي وش فيك !! ديم : اهخ ياريما شقولك ( قالت لها السالفه كلها ) ريـمَا بصدمه : ككذاابه!!! مو صح لاكن احس مستحيل فيه إن بالموضوع !! ديم : لا كل شي واضح خلاص !! ريـمَا : وش بتسوي طيب ؟؟ ديم : م راح اسوي شي !! ريـمَا : حبيبي انتي والله مدري وش اقولك .. احس صقر ما يسويها !!! صوت الممرضه : ديم عبدالله ديم : نعم الممرضه : اتفضلي دخلت ديم ومعها ريـمَا.. الدكتوره : قولي لي وش تحسي فيه ديم : مدري فجاه جتني لوعة واحس بطيح وتعبانه مره ! الدكتوره : طيب .. احنا لازم نسوي تحاليل .. عشان نعرف وش السبب ديم : طيب الدكتوره : اتفضلي الغرفه اللي جنب ذي الغرفه هناك راح يسوون لك التحليل .. ديم : طيب شكرا ريـمَا : انا بنتظرك بالاستقبال .. ديم : طيب " بعد دقايق طلعت ديم ريـمَا: سلامات حبيبي انتي .. ديم : ربي يسلمك ريما : ما قالوا لك متى تطلع ؟؟ ديم : قالوا بكره اجي .. ريما : طيب خلاص بكره اجيبك ديم : والله اعرف اني تعبتك معي مره شكرا ريمو.. ريـمَا: شدعوه حبيبي إنتي تعبك راحة يلا نروح عشان لا تتعبي ديم : طيب ركبوا السياره ريـمَا : بترجعين بيت صقر ؟؟ ديم : ايه ريما : طيب بسالك من اللي بياخذها ؟؟؟ ديم : مدري ماقالي بس قال بتزوج وبس !! ريما : آسفه حبيبتي اذا زعلتك بالسوال . بس والله فيني فضول !!! ديم : لا عادي .. اساسا ما يهمني !! ريما : تدرين انا لو فهد سواها طلبت الطلاق !!! ديم : لا انا م راح اسويها!! راح اوريه الشغل الصح ريما : حلالك !! ههههههه ديم ضحكت : احس انه مب صقر اللي اعرفه ريما : حبيبتي انتي ربي يعينك .. ديم : اخاف اني انكسر ريما : انتي قويه بس اهم شي م احد يدري انه بيتزوج صدقيني لو درت جدتي لطيفه بتذبحه.. ديم : يستاهل اتمنى تذبح زوجته بعد !! ريما ضحكت : هو م تزوج شفيك استعجلتي !! ديم : مدري ريما : ما الومك !!
{ خلص البارت الثاني والعشرون } * راح اطول شوي على ما انزل البارتات الجايه 🫶🏻🫶🏻 ادعموني عشان اكمل 🫶🏻 .
![[ سبحان الله وبحمده سبحان الله العظيم ]](https://img.wattpad.com/64964fa9efb07f4aa0d66de240584f0050f50975/68747470733a2f2f73332e616d617a6f6e6177732e636f6d2f776174747061642d6d656469612d736572766963652f53746f7279496d6167652f34533637334f394448584a6c2d673d3d2d313433363339343835322e3137633339303737646432366136313533333138383331323836322e6a7067?s=fit&w=720&h=720)
