الطائر المجروح(قيد التعديل)

الجࢪح الثاني

# الطائر المجروح

بقلمي:: جوان الجبوري

ــــــــــــــــــــــ❀❀ـــــــــــــــــــــ

_وكع كلبي من دكت الباب اباوع بل الوجوه كلها صفرت

حجت أمي بهبطة

سمر:: ياعلي دخيلك منو هيج يدك الباب

التفت على حسن وحجيت

_ كوم شوف منو شبيك كاعد؟؟

بلل شفايفه وحجه بحيرة

_ راح اطلع اشوف شكو لحد تطلع وراي بس المح وحده يم الباب تشوف شي ميعجبه

الكل؛؛ تمام

حجيت حته أهدئهم

_ تلكونة واحد همجي مشايف باب هل كسرة هيج لو واحد من جهال الجيران شبيجن اوجوهجن تكلبت عبالك انفاجر صار مو دكت باب

رزان:: ضيي سدي حلكج واسكتي مالنه خلك تفاهتج

_ هسهه اني شنو حجيت وكلتي تافهة شبيج بابا خاف جوعانه وكمتي متعرفين تحجين

سمر:: كافييي انجبن شو اخوجن اتأخر

_ ي والله اتاخر اطلع اشوفه وين صار

جولي:: ماسمعتي شكال هسه يطيح حظج بس طلعين

اجيت اجاوبه بس قاطعنه صوت عياط حسن

سمر؛ ولجج ضي تعاي كوميني بعد مااكدر اكوم شبي اخوج يصيح

رحت بسرعه كومته وطلعنه كلنه نركض على أثر عياطه طلعنه شفنا واكف ويا ولد ولازمه من ياخته ويعت بي ويحجي بحركه وعصبيه وجهة ازرك على بنفسجي صاير

حسن:: لكككك شلون احتركك انتو ثولان وين جنتوووو عن المحل هسه هسه اريد اعرف شلون احترك لو اشعل ابهاتكم ولد الكلب

حجه الولد

_ خويه والله مندري رحنه تغدينه واجينه لكينه النار كابه بلمحل وصاير رماد

حسن:: دخيلكك ربي شهل الخسارة الله ينتقم منكم يا حقراء بسيطه يصير خير

اجه علينه واني كوة لازمه امي وممفتهمين شي بس انو محل محترك من خلال كلامهم منعرف يامحل

سمر:: ولكك يمه دخيلك احجي شكو لاتوكف كلبي يامحل محترك

باس راسي امي وحجه وهوة يحاول يهديهة