اوهجتي ليلي وهزيتي كياني وانا ثابت اللي مايهزه شي

7

< جسّار >
ركب سيارته وشغلها متجه ل ديرته
فتح اغنية
راجعع بشوقيي ولهفتيي من غربتيي
راجعع لربعي وديرتي ومحبوبتيي ...
جسّار وهو يطفي المسجل : اقول سكّر سكّر قال محبوبتي ... وينككك يامحبوبة جسّار

<بالديرة>
كانت قاعده تسوي اخر لمساتها لإنها بعد شوي بتروح عزيمة أم جسّار
راحت دلال تجهز ولبست عبايتها وشيلتها وطلعت متجهه هي وامها لبيت ام جسّار
دخلوا وسلموا عالكل ومباشرة دلال راحت ل ريفانا
دلال : هاييي
ريفانا : هاياتتت ... اشتقت لك اشتقت
دلال : وااوو حسستيني يعني ماشفتك شهرين!
ريفانا : اوفر صح ؟ هي اسبوعين بس ماشفتك
دلال : اي والله
ريفانا : اي كيف ١٢ معك
دلال : انا اهرب من اسئلة عجايزنا جايه انتي تسأليني؟
ريفانا بعناد : كيف ١٢
دلال : اجلده ويجلدني وارجع اجلده ويجلدني وهكذا الحياة
ريفانا : الله يوفقك
دلال : دعواتك انقبل طب
ريفانا : ان شاء الله
دلال : وخلي امك واخوانك واخواتك وكل احد يدعي لي
ريفانا بابتسامة : ان شاء الله انتي سوي اللي عليك والباقي على الله
دلال : بإذن الله ... ابي ماي
ريفانا : الحين بروح اركض لك اجيب لك ماي .. قومي بروحك
دلال : مافيه احد صح؟
ريفانا : لا مافيه احد
قامت دلال وراحت المطبخ وبعدها جاها اتصال ووقفت ترد عليه

جسّار كان داخل ولاحظ الأحذية ( اكرمكم الله ) اللي قدام بيتهم وماكان يعرف ان فيه عزيمة ف قرر انه يروح للمطبخ وسمع صوت انثوي ف تحمحم قبل لا يدخل
جسّار: احمم
دلال : بسم الله اعوذ بالله
جسّار: جنّي انا عشان تتعوذين؟
دلال : انت من اصلا ؟؟ توني سألت ريفانا وقالت لي محد !
جسّار: اخوها اخوها
دلال : طيب شرايك تبعد بطلع !
جسّار لاحظ نغزتها بحرف الراء وقلّدها: مارح اطلع
لاحظت دلال تقليده : لا حول
جسّار: ولا قوة الا بالله
جسّار وهو صاد : اطلعي ونادي لي ريفانا بكلمها
طلعت دلال بسرعه وعطرها فاح بكل الحوش
جسّار وهو ياخذ شهيق : حبيت عطرها
راحت دلال وكلمت ريفانا تطلع لأخوها وخبرتها ب كل شي
ريفانا : هذا اي واحد فيهم جسّار ولا جابر ؟
دلال : شدراني عاد
ريفانا : من حركاته مبين انه جسّار
دلال : بتقعدين تخمنين عندي ؟ روحي شوفيه وخلصت السالفة
ريفانا وهي تطلع : زين زين
راحت ريفانا ل جسّار : الله متى جيتتتت
ركضت تحضنه وهو بادلها الحضن
جسّار: لهالدرجة مشتاقين لي
ريفانا : واخيرا جيت والله
جسّار: مديري صعب الاقناع والله
ريفانا بفرحه : بروح انادي امي
راحت ريفانا تنادي امها وسلموا على بعض
جسّار: يلا الحين اطردوا اللي داخل عشاني
امه وهي تضربه : ايا قليل الادب!
جسّار بضحكة : امزح امزح بروح اسلم على جابر وربعي
ام جسّار: زين وبعدها تعال
ريفانا : يمه اكيد بيجي يعني مارح يروح طبعا
جسّار : ياحبيبتي يا ريفانا تراني ماخذ اجازه بس يوم واحد بروح اسلم وبعدها برجع يلا احضنوني اخر حضن من غير شر
ام جسّار : كذاب! يوم واحد بس!
جسّار وهو يهز راسه ب اي
ريفانا: مالت عليك
جسّار: بايي
دخلوا ريفانا وامها اللي كانوا طالعين والابتسامة شاقه وجههم وراجعين والابتسامة مختفيه والضيق مبين من ملامح وجههم
ريفانا قعدت جنب دلال
دلال : شفيك بسم الله
ريفانا : جاي يوم ويروح الحمار
دلال : امبيه مو من صدقه
ريفانا : من صدقه عاد
وكملوا سوالف ...