اوهجتي ليلي وهزيتي كياني وانا ثابت اللي مايهزه شي

الخِتام

< كيان >
سيف : اصبري بروح اشكر عاصم وبجيك
كيان : طيب
قعدت كيان بالكرسي وماهي الا دقايق وجا سيف
قبل دقايق
راح سيف مكتب عاصم ودخل عليه
سيف : بغيتك بخدمة
عاصم: آمر
سيف : عادي اسوي حفله صغيره بالكوفي حقك؟
عاصم : اكيد عادي! بكلم لك الموظفين الحين عشان تبقون لحالكم
سيف : مشكور والله على كل شي
عاصم : واجبنا
نرجع لواقعنا
قامت كيان : شكرته ؟
سيف : اي .. معك محاضرة غيرها اليوم ؟
كيان : لا
سيف : مشينا كوفي ؟
كيان : مشينا
ركبوا السيارة وارسل سيف لمحل الورد انه يوصل الهدية الان للكوفي
حاول يتأخر ويلف بالشوارع لين ماوصل للوجهة ونزل وهو مبتسم ونزلت كيان وراه
كيان : وراك جايبني هالكوفي
سيف: نذكرك انك كنتي تشتغلين فيه؟
دخلوا واستغربت كيان عدم وجود اي احد وجلسوا بالطاولة وماهي الا ثواني وابتسمت كيان من شافت وحده من الموظفات جايبه كيكة وباقة ورد ومتجهه نحوها خذت منها الاغراض وقامت تحضن سيف ودمعت عيونها من اللي صار
سيف : مبروك ياعين اخوك انتي واخيرا كملتي دراستك
ابتسمت كيان من بين دموعها : شكرا والله
سيف بغمزة : شرايك بس
ردت كيان لكرسيها وجلسوا يسولفون لين ماشافوا بنتين وولد داخلين على الكوفي
عقد حجاجه سيف وتقدم للولد : لو سمحت حن مكلمين صاحب الكوفي وقايل لحالكم هنا !
...: هدّي يالاخو هذا كوفي ولد اختي
لف سيف على كيان ورجع لف على نادر : طيب ياخوي انا هنا مسوي حفله لأختي ومكلم صاحب الكوفي وقال تم
دلال : نادر خلاص خل نروح
زيانة : اي حرام نخرب عليهم
نادر : اعذرنا ماكنا نعرف الحين بنطلع
سيف : ابد معذورين
طلع نادر واتصل مباشرة على عاصم : ماشاءالله ياولد اختي وش مسوي بالكوفي
عاصم : وش مسوي
نادر : حفله وحركات
عاصم : يوههه تكفى نادر هالبنت وايد عانت خلّي اخوها يسوي لها حفله
نادر : ماشاءالله وانت من وين تعرفها !
عاصم : كانت تشتغل معي
نادر : كانت ! فعل ماضي
عاصم : نادر خلاص عاد بقفل تراك صدعتني
نادر : يصير خير خلني اشوفك بالبيت بس
قفل التلفون ولف على دلال وزيانة : على وين الحين ؟
دلال : المول
زيانة: اي خل نروح المول
نادر : يلا عيل
ركبوا السيارة وراحوا المول

< عاصم >
قفل من الاتصال ورفع عينه على اسامة اللي قاعد قدامه
اسامة : الله يعينك على هالخال
عاصم : امينننن امين المهم يلا خل نطلب تراني جوعاننننن
اسامة : يالله تمام ... محمددد تعال
طلبوا وجلسوا ينتظرون الطلب
كان عاصم قاعد على تلفونه وكذلك اسامة
عاصم : خل التلفون بس
اسامة : يالله هاه خليناه
رفع عينه عاصم على البنتين والولد اللي جايين ناحية المطعم قام من مكانه واتجه نحوهم
استغرب اسامة قومته ولف نظره ناحية اللي يشوفه عاصم ابتسم ابتسامة جانبية من لاحظ زيانة
تقدم عاصم : ماشاءالله
نادر : اعوذ بالله وش هاليوم كل ساعه احد يطلع لنا
زيانة : عاصمممم يحمار يوم قلت لك طلعني قلت مشغول
نادر : هو بيفضى عشانك ؟ لا طبعا
عاصم ضرب نادر عالخفيف براسه : وانت شدخلك ؟ الكلام بين اخو واخته
لف نادر على دلال وحاوط يده من وراها : دلال انا وياك مالنا دخل فيهم امشي نطلب لنا
دلال : يلا مشينا
اتجهوا للمطعم وجلسوا على طاولة مقابلة لطاولة عاصم واسامة
نادر : وش تبين
دلال :على ذوقك
نادر وهو يشوف على زيانة اللي جايه ناحيتهم : خلصت امورك مع اخوك ؟
زيانة : مالت عليه اطلب لي معكم
نادر : على حساب منو ؟
دلال : منو خف علينا مسوي كويتي
نادر : لا او ولا بي فصيلة دمي الكويت
زيانة : اقول بس عاد
نادر : على حساب من ؟
دلال : انا مالي دخل المفروض يعني لأني خريجة
نادر : العكس حبيبتي دامك انخطبتي المفروض انتي تدفعين
دلال : هرتك والله مادفع وانا حلفت
نادر لف على زيانة : من بقى غيرك يازيونتي
زيانة : يعععع قال زيونتي اقول بدفع بدفع
نادر : كفو
بعد نص ساعه جا الطلب
زيانة : ويتت بصور لا تمسون شي
نادر : لا حول ولا قوة الا بالله
دلال بابتسامة : تصبر حبيبي تصبر
قامت زيانة تصوور وعلى طول نزلتهم تيك توك وبدوا ياكلون