اوهجتي ليلي وهزيتي كياني وانا ثابت اللي مايهزه شي

13

فقد اعصابه ابو زيانة ومسك زيانة من شعرها وطيحها عالارض " انعادت لها كل اللحظات اللي صارت لها قبل وبدت تصيح وتصرخ ب : تكفى تكفى لا تسويها
انصدمت ام زيانة من ردة فعل زيانة لأنه مب من عادتها
دخل عاصم وصرخ : ياقليلة الأدب!!
لفوا ابو زيانة وام زيانة لعاصم اللي واضح من ملامح وجهه انه معصب ووايدد بعد !
ابو زيانة وقف ضرب : خير ان شاء الله
انصدم عاصم من ضرب ابوه ل زيانة : ليه تضربها؟
ابو زيانة : اقولها في واحد خاطبك اسمه محمد ولا استخارت ولا شي قالت مابيه!
لف عاصم على امه وبعدها جال بنظره ل زيانة اللي تصيح : طيب هذا رايها ماتبيه
ام عاصم : انت ليه جاي تصرخ
عاصم وهو يحاول بخفي السبب: ولا شي معصّب من وحده معي بالشغل
رفع عاصم زيانة وقال لأبوه : لو مهما صار يبه ماتمد يدك على بنتك الوحيدة ! هذي بنتك من لحمك ودمك كيف يرضى قلبك انك تضربها وعشان من ؟ عشان واحد جاي يخطبها ؟ غيره الملايين اختي اكيد تستاهل اللي يحبها ويصونها !
ابو زيانة : فيه احد يقرر بسرعة ؟ هذي اختك المجنونة تقرر بأقل جزء من الثانية
ام زيانة : هدّي هدّي
كانت زيانة ترجف من الخوف ومن الصدمة ومن الهلع وفتحت عيونها من سمعت ابوها يقول عنها مجنونة !!
عاصم : انا باخذها فوق
صعد فوق وخذ زيانة معه وسكّر الباب وقفله
عاصم في محاولة كتمان عصبيته : بارحة وين كنتي؟
زيانة كانت تحت تأثير كلمة وضرب ابوها لفت عليه من دون ولا حرف
عاصم بصراخ : وين كنتي؟؟
فزّت زيانة : متى
عاصم : بارحه وتحديدا الصباح
ارتخت ملامح زيانة : من قالك ؟
عاصم بضحكة : طلع صدق يعني
زيانة بصياح : ياخي عاصم تكفى يكفي اللي صار لي منه ومن ابوي والحين انت
عاصم : بتقولين لي الحين وش صار من البداية
زيانة وهي بدت تتكلم من قامت الصباح وطلعت مع عبدالرحمن لين ماتفقت مع اسامة عشان عاصم مايعرف
حضن عاصم زيانة ومالامها ولا شي كيف يلومها وهو كان ذيك الفترة مشغول عنها ؟! كيف يلومها وهي بالبيت كله ! كيف يلومها وهي اخته وحبيبته وقلبه
عاصم بابتسامة تطمن زيانة : اهم شي رجعتي لنا الحمدلله وان شاء الله عبدالرحمن بياخذ جزاته وبعدين لو ماتبين محمد عادي بس انا اقولك استخيري يمكن تكونوا نصيب بعض بس يازيانة ياحبيبتي لو تبين اي شي او حسيتي بنقص ارسلي تستاهلين الجية والله
ابتسمت زيانة من عز همومها وصياحها : اكرهك
ضحك عاصم لأنه فاهم معنى اكرهك وزين : انا اكرهك اكثر

<كيان>
كيان : يمه بروح اداوم اليوم
ابو كيان : غريبه ليه
سيف : مو كان اسبوع اجازة !
كيان : ابي راتبي ينزل بسرعة وانت بعد روح دوامك فيه اغراض ناقصة بالبيت
سيف : قايم قايم
ام كيان : الله يوفقكم
راحت كيان للكوفي ودخلت وبدت تسوي الطلبات للي يطلبون
فجأة احد دخل وكان معصب ومبين على ملامحه وعرفته كيان من اول مادخل راح لها : قهوه تركية بسرعه!
كيان بخوف : تمام
فضا الكوفي وكانت كيان تسوي للزبون قهوة تركية قام الزبون وسكّر باب الكوفي وبدا يكسّر كل شي قدامه ويصرخ : اختي اختي اختي انغصبت وانا ماسويت لها شي !! كان يصيح وفاقد الأمل بكل شي: مقدر اشوف على وجهها كل ماشفتها اتذكررر يوم اني خليتها لحالها
جلس على الأرض وهو يصيح
قربت منه كيان : استهدي بالله عاصم
عاصم صرخ صرخة وحده كانت مدوية لقلب كيان وفزّت
كيان وهي تقرب منه مدت يدها على ظهره وبدت تمسح فيه : عاصم خلك قوي !
عاصم لف عليها ولاحظت احمرار عيونه : اخخخ تكفين مقددددرررر
كيان : اكلم احد يجيك ؟
مباشرة عاصم طلع التلفون وكلم اسامة : اسامة تعال الكوفي
لاحظ اسامة صوت عاصم المخنوق وعلى طول طلع
وماهي الا دقايق ووصل
دخل وشاف حالة الكوفي قالبه فوق تحت وبوسطه كان عاصم وجنبه بشوي بنت
اسامة وهو يشيل عاصم من الارض : ماهقيتك كذا يالعضيد ؟ وش هالضعف
عاصم برجفة : تعرفففف ان زيانة هي البنت اللي انضربت من الحثالة عبدالرحمن !! سكت عاصم وكأنه يستوعب شي ومسك ياقة اسامة : اكيدددد تعرف اكيددد مو انتتتت ماسككك عبدالرحمن ليهههه ماعلمتنييي!! ليه خليتني اعرف من الغريب وبعدها من اختي وبعدها انت ؟؟ ليهههه تكفى ليه اكيد شفتها !؟؟ وش سوا لها والله تقولي الحمار الله يلعنهههه ليه مالقى غير زيانة !! الحثالة الله يلعنه
اسامة : هدّي ماصار شي
عاصم وهو يدف اسامة من صدره : وش ماصار شي؟؟ تعرف انننن زياننننه كل ماحد ضربها او طاحت عالارض تقول تكفى تكفى لا تسويها !!! تعرف ان كل ماحد يقرب منه تتهرب؟؟؟ هذا كله بسبب من ؟ عبدددد الرحمنننن والله مايصير له خير والله وانا حلفت
كانت كيان تسمع كل شي وفهمت السالفة وبدت تطيح دموعها من تذكرت شي !
لفوا اسامة وعاصم من سمعوا شهقات
عاصم : شفيك
كيان : ولا شي
راحت كيان الحمام وغسلت وجهها وهدت وبعدها طلعت ولقت الكوفي فاضي وبدت ترتب وتنظف