اوهجتي ليلي وهزيتي كياني وانا ثابت اللي مايهزه شي

17

راحت ريفانا فوق وشافت كل الغرف مفتوحة ماعدا وحدة وظنت انها الحمام دخلت وكانت ظلام وماكانت تشوف شي دخلت شوي شوي وفتحت الليت
قام نادر بانزعاج من الليت المسلط عليه مسم الوساده وهو مغمض : يحمار عاصم اطلع
صرخت ريفانا من الوساده اللي جايه ناحيته
عقد حجاجه نادر من الصوت اللي يسمعه ولا يعرفه رفع راسه ولف وهو يشوف الغرفه ولكنه مالقى احد ! كان شاك انه حلم ولكن تأكد انه مب حلم من الليت اللي مفتوح ومن الوسادة المرمية عالأرض طلع بسرعه وقام يلف يمين يسار عالممر مالقى احد رجع ورقد ولا كأنه صار شي

اهلا اهلا اعذرونا عالقطعه اتمنى ان هالبارت يكون لكم كافي ووافي 🤍
دعواتكم امتحاناتي قرّبت وقريب بتخرج ان شاء الله وبصير لكم اطلق خريجة 🌷
المهم نبدأ صلوا ع حبيبنا محمد صلى الله عليه وسلم

نزلت ريفانا مباشرة ووجهها ملوّن
زيانة: دلال شفيها صديقتك بسم الله
كانت دلال سرحانه ولا عندهم
زيانة ضربتها على راسها : كلكم حمارات بسم الله شفيكم
لفت دلال على ريفانا وقرّبت منها : شفتي جني فوق ؟
ريفانا : الا قولي اخس من الجني
ضحكت دلال : بالله ؟
زيانة : وش شفتي عاد
ريفانا : دخلت غرفه مظلمه وبارده وطلع فيها واحد نايم معرف من هو عاد
دلال بضحكة : اكيد نادر لأنه مواصل مسكين
زيانة : اي هو اكيد
ريفانا بغمزة : مستعدة للزواج
دلال : لا تضيعين السالفة وتحولينها علي لو سمحتي
زيانة : اوف بس متى بيجي عرسك ابي اكشخ وارقص واسوي كل شي من زمان ماحضرنا عرس
دلال : خير ان شاء الله
زيانة بشهقه : تذكرتتت عرس وهج بعد شهر
دلال : وهج اللي ذاك اليوم جت ؟
زيانة : اي هي
ريفانا : واه كانت كيوت حبيتها
زيانة : ايي فيه واحد ينقال عنه دكتور ثابت يحبها حب يابنات
ريفانا : زيانة تعالي نرفع يدنا لربنا ونقول يارببب الله يرزقنا
زيانة : امممممييييينننن
دلال لفت على ام ريفانا وهي تناديها: هلا خالتي
ام ريفانا : ولدنا متلهف ويبي يشوفك
لفت ام زيانة : بس هي ماوافقت للحين
دلال : خالتي اعطيني مهله بستخير وبفكر ان شاء الله
ام ريفانا : ان شاء الله
ريفانا : مايحتاج تفكرين الجواب واضح تراه
دلال : اسكتي عني !
مسكوا البنات تلفوناتهم وزيانة دخلت عالتيك وشافت ان فيه كثير لايكات من شخص واحد بس وجاها فضول تعرف من هو ودخلت ع حسابه ولكن ماكان منزل اي شي ! طلعت من التيك وراحت الصور تشوف تصويرها
بعد مدة
ام ريفانا : نستأذنكم الحين
ام زيانة : نورتونا والله
قامت دلال تودعهم لين الباب
دلال : تعالي كل ماطفشتي معنا ريفانا
ريفانا : تم
طلعوا كلهم واتجهوا لبيتهم
وبعدها دخلوا عاصم وابوه داخل البيت وبحكم ان دلال ماتتغطى عن عاصم بس تلبس شي ساتر وحجاب
ابو زيانة : فكري واستخيري يابنتي وجسّار رجال والنعم فيه والكل يشهد عليه ومتوظف وكل شي ودامه يبيك بالحلال فكري واعطيني رايك
دلال هزت راسها ب معنى تمام
لفت زيانة عليهم : اييي شرايكم نكشت اشتقت تراه
ابو زيانة : تم
زيانة : بخلي صديقاتي يجون عادي صح ؟
عاصم : لو سمحتي يالأخت تراها كشتة عائلية
زيانة : انت انكتم ابوي عادي صح
ابو زيانة : عادي عادي
ام زيانة : متى؟
ابو زيانة : باكر ؟
دلال : احس قريب خلوها بعد يومين
ابو زيانة : تم على هالعين قبل هالعين
راحت دلال غرفتها وفتحت تلفونها اللي كان يشحن ودخلت عسناب وشافت ريفانا راسله ودخلت وابتسمت مباشرة من شافت جسّار وهو يسوق وبكشخته وبابتسامته ووسامته اللي جذبتها ابتسمت ووجهها انشق من الابتسامة وهي تفكر كل هذا بيصير لي ؟ حفظت السنابة عندها وانتقلت للسنابة الثانية اللي كانت ردة فعلها وهي تسمع خطوبتها ضحكت على نفسها من شكلها
وحفظت السنابة بعد وانتقلت لآخر سنابة اللي كانت عبارة عن ريفانا وجسّار مع بعض وكان فيديو يهاوشها على طبعة حمرتها اللي طبّعت بملابسه وكان يقول " يا زوجتي الجميلة الحبيبة متى بتجين وتنقذيني من هالأخت " ظلت دلال مبتسمه لمدة طويلة وماحست بنفسها الا وهي تحفظ هالسنابه بعد
سكرت الفون وخذته معها وراحت لخالها نادر اللي كان راقدد ونايمم نومة عميقة خطرت ببالها فكرة حلوة وراحت تدخل الحمام وتملا كوب كبير ماي باررردد وجدا قرّبت من نادر وعلى وجهه تحديد وفتحت الكاميرا تصور وهي تكب كل الماي البارد بوجهه
فزّ نادر من مكانه وهو مصدوم وماستوعب الا بعد ثواني وهو يشوف دلال تضحك بل ميتة من الضحك قدامه ركض لها ومسكها ورماها عالسرير ومسكها من كشتها وهو يصرخ : قدها بالله؟
دلال : اي والله
نادر بعصبية : قومتيني من عز نومي خير؟
دلال : خير انت تنام وانا وياك مع بعض مواصلين بارحه واخر شي تسحب علي وتنام
نادر :لا والله وتبيني استأذن منك عشان انام ؟ ماتقبلت هالعذر
دلال : لا تتقبله فكني راسي عورني
نادر وهو يشد اكثر : واذا مافكيت
دلال قامت وضربته على وجهه بقوة وطارت لغرفتها وهي تضحك وقفلت الحجرة وقلبها يدق بقوة
ومسكت تلفونها تشوف كل شي صورته وارسلت سنابة للبنات اللي عندها
نادر : دددلللاااال افتحييي
دلال : مابي
زيانة : صداع لا تصارخ
نادر : انكتمي
زيانة : يع عليك مب خال كأنك ياهل
نادر : والله يازيانة لو مابعدتي من هنا بقط الحرّة فيك
دلال من ورا الباب : اي تكفى قطها عليها انا مالي خلق
نادر : افتحي الباب
دلال : لا خلاص انقلع ابي انام !
نادر : يصير خير يا دلال اللي بيوديك مكان
زيانة : اذا على كوفي الحمدلله كوفي عاصم مب مقصر
نادر : مو قلت لك انكتمي؟
عاصم : ياربيييي خلاصصصصصص ازعجتوا امي وابوي
دلال : كلّم خالك
عاصم : خالي امشي خل نروح نروق
نادر : انكتم انت الثاني بعد بروح اكمل نومي
دلال : كان كملته من زمان ولا سويت هالدراما كلها
نادر : دلال انكتمي
زيانة : توك متعلمها شكله انكتمي وانكتمي
نادر وهو رايح غرفته يرجع ينام ...