يكفيني من حظوُظ الدنيا اني كسبتك.

2

راضي
جالس راضي داخل سيارته وهو مقهورر من حسن الي بكل مناسبه لازم يرمي عليه كلمه حط راسه على الدركسون ونام وهو ماحس على نفسه
________
داخل بمجلس الحريم كانو جالسين
لمياء بلقافه: الا يا اماني وين راضي ماشفته اليوم
اماني بعصبيه: ا ايوا ولدي راضي طلع مع اخوياه هههه
اصايل بخبث: والله ماتوقع هم
اماني: شقصدك يعني؟
اصايل: هو شفيك عصبتي؟ ترا ماقلت شي بس يعني راضي من وين له اخويائ؟ يعني مانبي نكذب على بعض كلنا نعرف ان ولدك عاطل وله اكثر من خمس سنوات وهو عاطل كيف عنده اخويائ؟ ههههههههههه
لمياء استوعبت انها جابت العيد: لا شدعوه هههه ااا الا يابنات وين عمتي مزنه؟
لطيفه: امي قالت انها بتروح تسلم على اخواني ماتبيهم يجون هنا
انهار: امحق اولاد بس
منى: بنات خلاص
اصايل: عن اذنكم شوي
طلعت اصايل
نادين: خير يا لمياء؟؟ ماتشوفين ام لسان عندنا ليه تجيبين طاري اخوي؟؟ ومحسستني بتسلمين عليه!!
لمياء: والله نسيت بس كنت مستغربه وين كان
اماني: خلاص سكرو الموضوع
بعدها بشوي جت اصايل تضحك
اماني: وشو يا اصايل ضحكينا معاك
اصايل: ههههههههههه ايه اكيد بضحكم ههه
تخيلو من شفت
كلهم: مين
اصايل وهي تطالع ب اماني: شفت راضي نايم بسيارته المقربعه هههههه يوههه ياشكله كانه سواق هههه خلوه يجرب يصير سواق يصلح اكثرر ههههه
نادين بعصبيه ماقدرت تمسكها: خلاص يا اصايل ترا سكتنا كثير ماسمحلك تغلطين على اخوي ترا!!!
اصايل: اقول ماباقي الا انتي تعلمني وش اقول ووش اسوي
اماني قرصت نادين عشان تسكت
نادين سكتت وهي فيها العبره كانت من اول وهي متضايقه عشان اخوها واللحين زادتت
_______
راضي
ماقام الا وصار الليل خلاص شغل السياره وراح المسجد ونزل و صل ركعتين وجلس يدعي من كل قلبه يدعي ويبكي: يارب مالي سواك ساعدني يارب يارب لا ابو ولا عم ولا خال ولا حتى ام يارب ساعدني يارب الديون تتناثر علي من كل مكان يارب ساعدني.. قام غسل وجهه وراح بالسياره مايدري وين يروح بس مشى لين وصل عند محطه ونزل جلس يتمشى بالمحطه وهو متضايقق وباين حتى على وجهه دخل البقاله شرا كم حاجه ورجع يمشى لين وصل للبيت وعلى طول نزل و دخل غرفته وحاول ينام عجز جلس يهوجس ويتذكر كيف يوم طلب ابوه فلوس رفض لين اخذ قرض و عجز يسدد القرض و بعدين شرا سياره اقصاد وعجز يسدد ثمنها وكل ماطلب ابوه فلوس رفض كان يترجاه: يبه تكفى يا يبه يباه عندي ديون يبه ابغى اسدد
محمد: اقول اذلف شدخلني فيك اذا عندك ديون ولا لا  راضي بحزن: يبه تكفى
رفض ابوه ويوم كان يبي يطلب جده شاف جده حتى معيي لا يعطيه وجه واذا جاء طرده وكل هذا عشانه عاطل..
جلس يوهجس لين اذن الفجر واقعده من هواجيسه
....
_________
عند البادره جلست بالبيت تفكر تحاول تعرف ليه ابوها كذا؟ تحاول تتذكر كيف تعامله معها وهي عيل بس ماتتذكر الا انه يضربها جلست صافنه قالت في نفسها معقوله من وانا بزر وهو يضربني؟
البادره: يما
هند: هلا
البادره: يما انتي ماعندك اهل؟ يعني ماعندك لا اخوان اخوات اي شي؟
هند بحزن: لا يبنيتي ماعندي احد
البادره: ولا احد يا يما!!!
هند وصوتها فيه العبره: اي
البادره يوم شافت امها كذا سكتت
هند: خذيني لغرفتي يا بادره
البادره: ابشري
اخذتها لغرفتها وطلعت جلست بغرفتها تفكر
____________
بمكان مجهول

--: كم اخر؟
عبدالكريم: مافي كم اخر تبيه بالسعر نفسه ولا دور غيري
--: لا خلاص هات
عبدالكريم سكت فجاءه بعدين تجرأ سأله: معليش على سؤالي بس وش حادك عليها؟
-- بستغراب: وشو وش حادني؟
عبدالكريم: اقصد الي معك وش حادك عليها وانت رجال عيالك وراك و خيرك سابقك؟
--: هات وانت ساكت مدامك تعرفني
عبدالكريم عصب: خذ
________

[الكاتبه_ رؤى✨]