عند راضي و سياف
وصلو لشقه
راضي: وش ذا وش جابنا لشقه؟
سياف: هذا شقه للعزابيه يعشون مجموعه مع بعض تعرف صح؟
راضي: ايه ادري بس وش نسوي هنا؟
سياف: انا عايش هنا لحالي و قلت تجي تعيش معي
راضي: لا خلاص انا بستأجر شقه وخلاص
سياف: يرجال معليك تعال انا مدبر كل شي، ولا اقولك نقسم الايجآر بيننا يعني شهر انا وشهر انت وكذا نصير متعادلين
راضي: خلاص موافق
سياف ببتسامه: من اول ياشيخخ
دخلو الشقه وقام يرتب الاغراض و راضي معه
سياف: الصبح بنروح للبقاله
راضي: طيب
جلس كل واحد على سرير ونام
(شقة سياف عباره عن غرفه فيها سريرين ومطبخ و حمام وصاله)
______________
عند خالد
جالس بمطعم ويستنى طلبه
دخلت بنت و جلست عند خالد
خالد رفع راسه لقاها كاتينا: هلا كاتينا وش بغيتي؟
كاتينا بفرحه انه مانسى اسمها: شفتك جالس و قلت اجلس معكم ولا مو مرغوبه فيها
خالد حس ان في نيتها شي: ابد والله مو مرغوبه بس يعني الشكوى لله واضح تبين شي، ممكن تقولين وش تبغين وتوقفين عن اللف الدوران؟
كاتينا بصدمه من اسلوبه: مابغى شي بس يعني تعرف عليك اكثر
خالد بعصبيه: بلا حركات المراهقات واحلام العصر هذي هلحركات هذي ماتسوينها لي انا فاهمه ولا لا؟
كاتينا بصدمه وحزن: مافهمت وش حركات المراهقات بس ابي اتعرف عليك!!
خالد: اقول بس حركات بتعرف عليك ثمن احبك وبعدين يلا نجحني هذي موعندي ويلا روحي عني
كاتينا بحزن و ضحكه بنفس الوقت: بس انا مو قصدي كذا! بعدين انت مو دكتوري عشان تنجحني انا بقسم غير قسمك!
خالد بصدمه: اجل شتبين؟
كاتينا: قلتلك للمره المليون ابي اتعرف عليك، وبعد ترا انا دكتوره زي زيك! لاتتوقع اني بجي اقول نجحني ولا شي
خالد: طيب معليش حسبتك وحده من طالباتي
كاتينا بعصبيه: لا معليك انا الغبيه الي قلت بتعرف عليك باي!
طلعت
__________
عند البارده
قامت الصبح وهي تحس فرحانه انها واخيرا قدرت تتعرف على وحده و متفائله من هذا اليوم
قامت تغني وترقص فرحانه صدق
راحت سوت فطور على السريع و دخلت غرفة امها لقتها نايمه
طلعت وراحت لبيت عبدالرحمن
دخلت وسلمت عليهم
دلال: هلا هلا ببنيتي بادره
البادره سلمت على راسها وهي مبتسمه
جاء عبدالرحمن وشاف البادره: وش الصبح الي من اوله شوفت البادره ببيتي اكيد ان اليوم حلو
البادره بفرحه: والله الفرحه شوفتكم
ضياء وهي مستعجله: يلا يلا تأخرنا
ركبو السياره ومشو
وصلو الجامعه ودخلت كل وحده محاضرتها
بعد مأخذو بريك تجمعن ضياء و البادره و نادين وهن يضحكن ويسولفن
نادين: اول مره اكون متحمسه للجامعه
البادره: وقسم زيي
ضياء: ايوالله البادره اول مره اشوفها تضحك وتسولف من الصبح
نادين: اجل لازم تشكروني وتحبون راسي شفتو هلضحكه الحلوه
البادره استحت وضحكت: اكيد مدام شافو ضحكتي
ضياء ببتسامه راحت بأست راس نادين
ضحكت نادين: هههههههههههههههههههههههههههههههههههههههههههههههههههه كفوو
_________
بشقة سياف
صحى سياف من الصبح وسوا شاهي و بيض وجاب توست
وبعدها راح يصحى راضي
صحى راضي وراح يغسل وجهه
سياف: يلا تعالى الفطور
جاء راضي وجلس: الله الله على البيض المحروق
سياف: وش عرفك انت هذا هو كذا
راضي بضحكه: ايه اكيد اذا انت مسويه كذا اكيد هو اساسا كذا
سياف بغرور: اكيد
راضي بضحكه: لا تكون صدقت هههههههههههههههههههههههههههههههههههههههههههههههههههه
سياف: قم انقلع مافي فطور
راضي: لا يبوي امزح معك
سياف وهو فرحان: تدري وش الي بيشفعلك؟
راضي وهو مازال يضحك: وش؟
سياف: اني احسك صرت تمون علي
راضي استوعب: اوه معليش بس والله اني مرتاح معك بالحيل
سياف: معليه والله اني استانست يوم شفتك كذا
اكلو فطورهم وهي يضحكون ويسولفون ويوم خلصو نزلو للبقاله
عند البقاله
فتح سياف باب البقاله وقام يعلمه الاسعار و ويوريه دفتر الديون
راضي: والله طلعت البقاله كبير احسبها صغيره
سياف: لا وين كبيره كلها خمس رفوف و ثلاث ثلاجات
راضي: بس كبيره
وبدو يشتغلون ويحطون الاغراض مكانها ويجبون الاغراض الناقصه من المستودع
راضي وهو يلهث من التعب: والله طلعت تتعب احسب بس تجلس تستنى زبون
سياف: ايوالله انها تتعب بس اهم شي انها وظيفه
راضي: صادق
مرت ساعتين وهم يستنون احد يدخل ويسولفون
سياف بعد مده: راضي
راضي: هلا
سياف: انا شفتك مره
راضي: كيف يعني مافهمت
سياف: فيه مرا من المرات كانت الساعه تقريبا ٢ ونص دخلت وانت واضح على وجهك التعب و اخذت كم حاجه وطلعت وكنت بسألك وش فيك بس استحيت والحين ابي اسألك وش فيك هذيك المره؟
راضي بحزن يوم تذكر السالفه: مافيه شي بس كنت تعبان وابي انا
_____________
بالجامعه
نادين: عاد عمي حسين كريهه مراا غثيث وحشور هو وزوجة
ضياء: شكلك ارتحتي لنا واجد هههههههههههههههههههههههههههههههههههههههههههههههههههه
نادين: نسيت انها امور عائليه هههههههههههههههههههههههههههههههههههههههههههههههههههه
البادره: نسيتي ولا---دق جوال البادره طالعت بالرقم شافته ابوها استغربت لان ابوها ما عمره اتصل عليها
البنات طالعو فيها
البادره استوعبت ودرت: الو
عبدالكريم بصوت مرتجف: بـ البادره
البادره استغربت من صوته: هلا
عبدالكريم انفجر يبكي
البادره خافت: ايش شصاير!!
عبدالكريم: امك امك يا بادره امك وبكى
البادره بخوف: شفيها اميي شفيها؟؟؟؟
عبدالكريم ببكى: امك..... ما... تت
البادره بصدمه: ايشششش؟
عبدالكريم ببكى: ماتت امك يا بادره ماتت
البادره انفجرت تبكي: كيف كيف وش تقول انت؟؟
البنات خافو
نادين: شصاير شفيكك؟؟
ضياء: بادره وش فيك؟؟
قفلت الخط وانفجرت بكى: ضياء اتصلي على ابوك ياخذني اتصلييي
ضياء: طيب بس وش صاير؟؟
البادره: اخلصي واتصلي!!
اتصلت و نص ساعه وجاء وهي للحين ماتكلمت
البادره: خذني بسرعه للبيت
عبدالرحمن انصدم انها تبكي: شفيك تبكين؟
ضياء: يبا ودنا للبيت مستحيل تتكلم
مشى عبدالرحمن و البادره تبكي
وصلو وشافو الاسعاف واقفه عند البااب
البادره عرفت ان الي قاله ابوها صدق و انفجرت تبكي و مشت جرى على البيت وهي تصارخ: يمااااا يمااا
راح عبدالرحمن عند الاسعاف يسأل وعلموه ان ههند توفت
راح يعلم زوجة وبنته لعل وعسا يقدرون يخففون عن البادره
راحو البنات للبيت بادره ودخلو عندها يواسونها
وهي ماغير تبكي وتقول يما وينك يما
دخل عبدالكريم وهو يبكى راح عبدالرحمن يواسيه
عبدالرحمن: عبدالكريم هذا قضاء الله وقدره لاتبكي وهون على بنتك هي بحاجتك
عبدالكريم انفجر يبكي اقوى من اول
وحضن عبدالرحمن
_________
[الكاتبة_رؤى✍🏻✨]
البارت عباره عن ضحك وفرح و حزن 💔
مرا فرحانه ان فيه احد يقراء روايتي ماتدرون قد ايش فرحانه والله الابتسامه عجزت تفارق وجهي من دريت ان فيه احد يقراها😭❤❤❤❤❤❤❤❤❤
أنت تقرأ
يكفيني من حظوُظ الدنيا اني كسبتك.
Poetryهل تشعر مثلي أنك تخدش نفسك كلما حاولت البوح لأحدهم عن أمر أصابك؟ هل ينتابك الشعور بالخزي إن حصل وشكوت لأحدهم أنك مرهق وقد ضاقت بك الحياة؟ هل تشعر حينها أنك ارتكبت ذنباً لا يغتفر بحق نفسك؟..
