عند راضي
سياف: وشو الي مهو بعلكيفك الا غصبن عنك على كيفك!!
راضي: كيف على كيفي واهلي مناشبيني على كل حركه!!
سياف: مافهمت الحين شدخل اهلك بشغلك؟
راضي بحزن عجز يكتمه لان اول مره احد يسأله عن شي: جدي هو سلمان آل**** و مايبون اني اشتغل شغله مو من مستواهم
سياف: واذا جدك من آل**** ماله دخل بشغلك!! طعني يا راضي تراك بتندم دورلك لو كاشير
راضي بحزن: الحين مايهمني لا وظيفه ولا اهل
سياف بستغراب: كيف مايهمك الا لازم يهمك
راضي: اهلي طردوني
سياف بصدمه و صدمه اكبر من صراحة راضي معه: كيف طردوك!! وليش؟؟!؟
راضي عجز يكتم وانفجر وقاله كل شي من اوله لاخره قال الي بخاطره لانه ببأله انه ماراح يشوفه مره ثانيه وقاله كل شي كل شيي
سياف بحزن على حال راضي: ماعليك وانا اخوك تعال واجلس عندي ببيتي
راضي برفض شديد: لاوالله يا سياف انا ماقلتلك كذا عشان تشفق علي او تدخلني بيتك انا قلتلك لان ماعندي احد اقوله وابي اقول لاحد
سياف: معليك انت بس تعال معي و بتشوف
استغرب راضي وقال: شتقصد؟
سياف: نم الحين وبكرا تشوف
راضي: ع--
سياف: خلاص ياراضي ترا مافي مجال ترفض
________
عند البادره
صحت من النوم وشافت امها في حضنها وتذكرت الي صار امس قامت و غسلت وجهها و صحت امها ونزلو تحت البارده راحت تسوي فطور
البادره: يمه مو ناويه تتكلمين؟
هند: هاه؟ وش تبيني اقول؟
البادره: يمه تدرين وش ابي تقولين ابوي امس ليه ضربك؟
هند: ولا شي
البادره: يمه!!
هند: قلتلك يابنت ولا شي!!!
سكتت البادره ماتبي ترفع ضغط امها
جلسو على الطاوله يأكلون ودخل عبدالكريم بهدوء مو من طبيعته وجلس يأكل
البادره خلصت اكلها وقالت: بروح الجامعه مع السلامه
هند: الله يسلمك يابنيتي ويحفظك بعينه التي لا تنام
طلعت لغرفتها تلبس وخلصت راحت لضياء تروح معها
_____
عند سلمان
مزنه: ماودك تعلميني وش صاير يا اماني
اماني: ......
اصايل: والله انك ماتستحين الحين عمتي تسألك وماتردين!!
لمياء: يابنات خلاص اسكتو
سلمان بعصبيه: انا ماقلت لا اسمع نفس وانت قدامي
انهار: وجع بنات ابوي راسه يوجعه، يبه ماعليك منهم ارخي اعصابك
سلمان بعصبيه اكثر من اول: سدي فمتس انتي اول عشان ارتاح
اصايل حابسه ضحكتها
اماني: ياعمه محمد طرد راضي من امس و معيي لا يخليه يرجع وولدي ماشفته من امس
سلمان قام وطلع
اصايل: ايه يستاهل قليل الاصل
نادين: خلاص عاد يا اصايل!! مسمحلك ترا اخوي
مزنه: وصمه انتي وياها مابقى الا تتلن شّوش بعض!! اوجعتني راسي بهواشكن!
لطيفه: بسم الله عليك يا يمه وش فيك
مزنه: يوههه بدينا الحين خلاص مافيني شي
قامت وراحت
اصايل: يع بس نادين احترمي جدتك ثاني مره ولا تعلين صوتك علي فاهمه!!
نادين: اقول دزي امها بس مابقى الا انتي اطيعك
طلعت نادين وهي معصبه
وجلست اصايل تتهاوش مع اماني
________
عند راضي
بعد مأصبح صحو وجلسو يفطرون
راضي: وش كنت بتقول امس؟
سياف: ماكنت بقول شي
راضي: الا امس قلت اعلمك
سياف: ماقلت بعلمك قلت بتشوف
راضي بستغراب: وش اشوف؟
سياف بضحكه: باخذك تشتغل معي
راضي: وش تقول انت؟
سياف: الي سمعته اقولك تشتغل معي منها اتونس ومنها افيدك
راضي برضى شوي: بش وش تشتغل انت مو انت تسرح بس بحلالك
سياف: لا انا يوم اخلص اشغالي اطلع بهم
راضي: للان مافهمت وش تشتغل انت عشان تضمن لي انهم بيقبلوني
سياف والابتسامه شاقه وجهه: اشتغل ببقاله
راضي بخيبه: هاه؟
سياف ببتسامه للان: بقاله
راضي: خبل انت؟ وش اسوي ببقاله
سياف: كلتراب بس احمد ربك بشاركك ب راتبي
راضي: دقيقه يا خبل كيف اشتغل ببقاله وانت تشتغل فيها مافي ثنين ببقاله
سياف: لا بتشتغل انت كاشير وانا احوم ورا الزباين
راضي: وش تحوم وراهم
سياف بضحك: اقصد يوم يقولون ابغى الشي الفلاني انا اطلعه لهم
راضي: تلعب علي انت الحين؟
سياف: لاوالله ما كذب صادق و باخذك الحين لها
قعدو ساعه ووصل عامل وجلس عن الحلال ومشى سياف و راضي وقال سياف خل سيارتك عند العامل وباخذك على سيارتي بعدين بنجيب سيارتك
ركبو ومشو بالطريق وسياف ماغير يسولف بالبقاله
فجاءه شغل المسجل وقام يغني معه
فـز الـخـفـوق بالـسـلامـات
مـا بـيـن شـوق و تِـهـلّـي
يـومٍ لـمـحـت الّـذي فـات
سَمّرني واقف مَحلّي
ودي أبـوق المـسـافـات
و أصـيـر ظـلـه و ظـلـي..
رد بـعـيـونـه ابـتـسـامـات
چـنـه يـقـول لا تـخـلـي
يـا طـيـر غـرد ولا تـبـات
والـنـوم خـلـه يـولّـي .
واشـكـيـلـه الـشـوق آهـات
وانـقـش عـلـى الـقـلـب خـلّـي
قـلـت الـهـلا وآنـا بـسـكـات
مابين وقوفي ومحلي
ضحك راضي: والله طلع صوتك حلو ههههههه
سياف بضحكه: ايه انا اساسا ابوي عبدالحليم وامي فيرزو
راضي انفجر يضحك: ايه ير هو واضح
كملو طريقهم وهم يضحكون وراضي كان مستمتع بسوالفه مع سياف ومايتذكر متى عمره ضحك كذا
_____________
عند البادره وهي بالجامعه
جالسه بالقاعه وهي فاضيه اتصلت على ضياء وجلسو يسولفون بالجوال لان ضياء عندها محاضره
دخلت بنت القاعه وطالعت بالبادره
البادره قفلت الاتصال وطالعت فيها وقالت: فيه شي؟
البنت: لا ولا شي بس يعني عادي اجلس اسولف معتس؟
البادره انصدمت لان ماعمرها كلمت بنت غير ضياء وقالت: اي اكيد
البنت: شسمك انا نادين
البادره: انا البادره
نادين: مرا حلو اسمك! وغريب بعد اول مره اسمع اسم كذا
البادره بخجل: شكرا
نادين: انتي ليه جالسه بالقاعه لحالك؟
البادره: استنى صديقتي تخلص محاضرتها وكنت اكلمها
نادين: اها حسبتك كنتي نايمه المهم وش تخصصك انتي؟
البادره: ادارة اعمال وانتي
نادين: تمريض
البادره: محظوظه انا كنت ابي ادخل طب بس مالله كتب
نادين: يوهه قسم بالله تعب بس يلا اهم شي الراتب هههههههههههههههههههههههههههههههههههههههههههههههههههه
البادره: صادقه والله هههههههههههههههههههههههههههههههههههههههههه
بعد ١ ساعه
دخلت ضياء
البادره: ضياء تعالى انا هنا
ضياء: هلا والله مين ذي
نادين: انا نادين
البادره: كانا طفشانات وجلسنا نسولف بس والله طلع سوالفها تجنن
نادين: لاوالله انتي الي سوالفك تدننن
ضياء: ايوا كلكم سوالفكم تهبل مدام اجل كلكم هنا وعشان اتعرف عليك اكثر عازمتك على حسابي بس يعني على قدنا بالكافتيريا
نادين: هذا الزين ههههههههههههههههههههههههههههههههههههههههههههههه
ضياء: ههههههههههههههههههههههههههههههههههههههههههههههه
ومشو للكافيتيريا وجلسو يسولفون ويضحكون واهو ارقام بعض و راحو لبيوتهم
___________
[الكاتبة_رؤى✍🏻✨]
حاولت اخلي الفصل طويل اكثر
بس مافي احد يشوف روايتي😭😭💔
يلا عادي ان شاء الله تنشهر انا واثقه بالله❤❤❤❤
أنت تقرأ
يكفيني من حظوُظ الدنيا اني كسبتك.
Poetryهل تشعر مثلي أنك تخدش نفسك كلما حاولت البوح لأحدهم عن أمر أصابك؟ هل ينتابك الشعور بالخزي إن حصل وشكوت لأحدهم أنك مرهق وقد ضاقت بك الحياة؟ هل تشعر حينها أنك ارتكبت ذنباً لا يغتفر بحق نفسك؟..
